ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອິນໂດເນເຊຍ ພົບຫຼັກຖານ ການວາງແຜນ ກໍ່ການຮ້າຍ ທີ່ບາຫລີ


ຕໍາຫລວດອິນໂດເນເຊຍຟັງຄໍາສັ່ງຢູ່ໃນພິທີນຶ່ງ ຊຶ່ງເປັນສ່ວນນຶ່ງຂອງການກຽມໃສ່ພິທີລະນຶກ
ເຖິງວັນຄົບຮອບ 10 ປີ ຂອງການວາງລະເບີດທີ່ຮ້າຍແຮງ
ທີ່ເມືອງບາຫລີ ໃນວັນທີ 10 ຕຸລາ, 2012.
ຕໍາຫລວດອິນໂດເນເຊຍຟັງຄໍາສັ່ງຢູ່ໃນພິທີນຶ່ງ ຊຶ່ງເປັນສ່ວນນຶ່ງຂອງການກຽມໃສ່ພິທີລະນຶກ ເຖິງວັນຄົບຮອບ 10 ປີ ຂອງການວາງລະເບີດທີ່ຮ້າຍແຮງ ທີ່ເມືອງບາຫລີ ໃນວັນທີ 10 ຕຸລາ, 2012.
ຕໍາຫລວດອິນໂດເນເຊຍເວົ້າວ່າ ພວກເຂົາເຈົ້າໄດ້ພົບເຫັນ
“ຫລັກຖານທີ່ໜ້າເຊື່ອຖື​ໄດ້” ກ່ຽວ​ກັບ​ການວາງ​ແຜນໂຈມຕີກໍ່
ການຮ້າຍ ຕໍ່ພວກ​ແຂກ​ຜູ້​ມີ​ກຽດທີ່ຈະເຂົ້າຮ່ວມພິທີລະນຶກ
ເຖິງວັນຄົບຮອບ 10 ປີ ຂອງການວາງລະເບີດທີ່ຮ້າຍແຮງ
ທີ່ເມືອງບາຫລີ.

ທ່ານ I Ketut Untung Yoga Ana ຫົວໜ້າຕໍາຫລວດເກາະ
ບາຫລີກ່າວໃນວັນພຸດມື້ນີ້ວ່າ ​ໄດ້​ມີ​ການ​ເພີ້ມການປ້ອງກັນ
ຄວາມປອດໄພຂອງປະເທດ ຂຶ້ນສູ່​ລະດັບສູງສຸດ ກ່ອນພິທີດັ່ງ
ກ່າວຈະ​ເລີ້ມຂຶ້ນ ຢູ່ທີ່ເກາະຕາກອາກາດບາຫລີ.

ທ່ານ Yoga Ana ເວົ້າວ່າ ໄດ້ມີການ​ສົ່ງ​ເຈົ້າໜ້າ​ທີ່​ຮັກສາ
ຄວາມປອດໄພຫລາຍກວ່າ 2000 ຄົນ ​ໄປປະຕິໜ້າທີ່ຢູ່ທີ່ນັ້ນ ແລະທຸກດ່ານທີ່ຈະເຂົ້າໄປໃນເກາະບາຫລີ ລວມທັງເດີ່ນບິນ ແລະທ່າກຳ​ປັ່ນແມ່ນໄດ້ມີ​ການຄວບຄຸມຕິດຕາມຢ່າງ​ເຄັ່ງ​ຄັດ.

ນຶ່ງໃນຈໍານວນ​ແຂກ​ຜູ້​ມີ​ກຽດທີ່ຄາດວ່າຈະໄປຮ່ວມພິທີດັ່ງກ່າວ ກໍແມ່ນນາຍົກລັດຖະມົນຕີ ອັອສເຕຣເລຍ ທ່ານນາງ Julia Gillard ທີ່ກ່າວໃນວັນພຸດມື້ນີ້ວ່າ ທ່ານນາງຕັດສິນໃຈ ເດັດດ່ຽວວ່າ ຈະໄປຮ່ວມໃນພິທີດັ່ງກ່າວ ເຖິງແມ່ນວ່າຈະມີການຂົ່ມຂູ່ຂອງການກໍ່ການ ຮ້າຍກໍຕາມ.

ການໂຈມຕີໃນເດືອນຕຸລາປີ 2002 ຢູ່ບາສອງແຫ່ງໃນເກາະບາຫລີ ໄດ້ສັງຫານຊີວິດຂອງ 202 ຄົນ ລວມທັງຄົນອັອສເຕຣເລຍ 88 ຄົນ ແລະຊາວອາເມຣິກັນອີກ 7 ຄົນ.

ການໂຈມຕີດັ່ງກ່າວ ແມ່ນດໍາເນີນໂດຍກຸ່ມ Jemaah Islamiyah ຊຶ່ງ​ເປັນເຄືອຂ່າຍຂອງ ກຸ່ມກໍ່ການຮ້າຍ al-Qaida. ​ເປັນ​ທີ່​ເຊື່ອ​ກັນ​ວ່າພວກ​ກໍ່​ການລະດັບຫົວໜ້າຂອງການ​ໂຈມ​ຕີ ທຸກຄົນໄດ້ຖືກປະຫານຊີວິດ, ຖືກຕໍາຫລວດຍິງຕາຍ ຫລືບໍ່ກໍຖືກຂັງຄຸກ ໃນການປາບປາມ ກຸ່ມອິສລາມຫົວຮຸນແຮງຕ່າງໆ ທີ່ດໍາເນີນໄປ ໃນທົດສະວັດຕໍ່ມາ ລຸນຫລັງມີການໂຈມຕີ ດັ່ງກ່າວ.
XS
SM
MD
LG