ລິ້ງ ສຳຫລັບເຂົ້າຫາ

ເກີດການປະທ້ວງ ຢ່າງຮຸນແຮງ ທີ່ບາຫ໌ເຣນ (ເບິ່ງວີດີໂອ)

  • ສິງ ບູຣົມມະວົງ

ຕໍາຫຼວດແກວ່ງແກສນໍ້າຕາໃສ່ພວກປະທ້ວງ ຕໍ່ຕ້ານລັດຖະບານ ທີ່ບາຫ໌ເຣນ. ວັນທີ 21 ເມສາ 2012.

ບັນດາ​ນັກ​ແຂ່ງ​ລົດທີ່​ຈະ​ປະ​ກອບສ່ວນ​ໃນການ​ແຂ່ງຂັນ Formula One Grand Prix ກໍາລັງ​ກຽມພ້ອມ​ທີ່​ຈະ​ລົງ​ສະໜາມ ​ເຖິງ​ແມ່ນ​ໄດ້​ມີ​ການ​ປະ​ທ້ວງ​ຢ່າງ​ຮຸນ​ແຮງ ​ເພື່ອ​ປະນາມ​ເຫດການ​ດັ່ງກ່າວວ່າ​ເປັນ​ການ​ຟຸມ​ເຟືອຍ​ຢ່າງ​ໃຫຍ່​ໂຕ ​ໂດຍ​ຄອບຄົວ​ທີ່​ຄອງ​ອໍານາ​ດ​ ທີ່​ໄດ້​ທັບ​ມ້າງ​ການ​ປະ​ທ້ວງ​ລະດູບານ​ໃໝ່​ຂອງ​ອາຫຣັບໃນ​ປະ​ເທດໃນ​ປີ​ແລ້ວ​ນີ້.

ມີ​ຄວັນ​ສີດໍາ​ພຸ່ງ​ຂຶ້ນ​ມາ​ຈາກ​ຕີນລົດ​ທີ່​ຖືກ​ພວກ​ປະ​ທ້ວງ​ຈູດ​ເຜົາໃນ​ເຂດ​ນຶ່ງ ຢູ່​ໃກ້​ໆກັບ​ນະຄອນຫລວງ ​ມາ​ນາມາ ທີ່​ໄດ້​ເຫັນ​ການ​ປະ​ທ້ວງ​ຢ່າງ​ໃຫຍ່​ຂອງ​ມະຫາຊົນໃນ​ໄລຍະ​ຫລາຍໆ​ມື້ກ່ອນ​ຮອດ​ວັນ​ແຂ່ງຂັນ Grand Prix ​ໃນ​ວັນ​ອາທິດ​ມື້​ນີ້.

ເບິ່ງວີດີໂອການປະທ້ວງໃນອາທິດແລ້ວນີ້ ທີ່ບາຫ໌ເຣນ:

ຍັງ​ມີ​ການ​ຮັກສາ​ຄວາມ​ປອດ​ໄພ​ຢ່າງ​ເ​ຄ່ງຄັດ​ຢູ່​ອ້ອມ​ແອ້ມໝູ່​ບ້ານ​ຕ່າງໆ​ຂອງ​ພວກ​ນັບຖື​ນິກາຍ Shi’ite ​ໃນ​ການ​ຄາດ​ດະ​ເນ​ວ່າ​ຈະ​ມີ​ການ​ປະ​ທ້ວງ​ຢ່າງ​ໃຫຍ່ ທີ່​ຮຽກ​ໃຫ້​ມີ​ຂຶ້ນ​ໂດຍ​ພວກ​ຝ່າຍ​ຄ້ານຂະ​ບວນການ​ວັນ​ທີ 14 ກຸມພາ ທີ່​ໄດ້​ປະຕິຍານ​ວ່າ​ຈະ​ຈັດການ​ປະ​ທ້ວງ​ສະ​ແດ​ງຄວາມ​ໂກດ​ແຄ້ນ​ຂຶ້ນເປັນ​ເວລາ​ສາມ​ມື້ໃຫ້​ພໍດີ​ກັບ​ການ​ແຂ່ງ​ຂັນ Grand Prix ນັ້ນ.

ກະສັດ Hamad bin Isa al-Khalifa ຊົງ​ກ່າວ​ວ່າ ພະ​ອົງ​ຈະ​ສະ​ເດັດ​ໄປ​ຊົມ​ການ​ແຂ່ງຂັນ ​ແຕ່​ກໍ​ໄດ້​ເນ້ນ​ຢໍ້າ​ຄວາມ​ໜັ້ນໝາຍ​ສ່ວນ​ຕົວ​ຂອງ​ພະ​ອົງ​ຕໍ່​ການ​ປະຕິ​ຮູບ​ແລະສ້າງ​ຄວາມ​ປອງດອງ​ກັນນັ້ນ.

ແຕ່​ການ​ປະ​ທ້ວງ​ທີ່​ນໍາພາ​ໂດຍ​ພວກນັບຖື​ນິກາຍ Shi’ite ​ເພື່ອ​ຮຽກ ຮ້ອງ​ເອົາ​ລັດຖະບານ​ທີ່​ປະຊາຊົນ​ເລືອກ​ຕັ້ງ​ເອົາ ​ແລະ​ສິດທິ​ເທົ່າ​ທຽມ​ກັນໄດ້​ເພີ່ມທະວີຂຶ້ນ ​ຫລັງຈາກພວກ​ປົກຄອງ​ປະ​ເທດທີ່​ນັບຖື​ນິກາຍ​ຊຸນ​ນີ ໃນ​ປະ​ເທດ​ທີ່​ປະຊາຊົນ​ສ່ວນ​ຫລາຍ​ຖື​ນິກາຍ Shi’ite ນັ້ນ ຢືນຢັດ​ໃຫ້​ຈັດການ​ແຂ່ງລົດ Grand Prix ດໍາ​ເນີນ​ໄປ​ຕາມ​ແຜນນັ້ນ.

XS
SM
MD
LG