ລິ້ງ ສຳຫລັບເຂົ້າຫາ

ຜູ້​ເສ​ຍຊີວິດ​ ໃນເຫດຕຶກພັງ ຢູ່ບັງກລາແດັສ ​ເພີ່ມ​ຂຶ້ນ​ເປັນ 600 ​ແລ້ວ (ວີດິໂອ)


ບັນດາທີ​ມກູ້​ໄພ​ໄດ້​ດຶງ​ເອົາ​ຊາກ​ສົບ​ອອກ​ມາ​ຈາກ​ຊາກ​ຫັກ​ພັງ​
ຂອງ​ຕຶກ​ທີ່​ພັງ​ລົງ ​ໃນ Bangladesh ​ໃນວັນອາທິດ​ມື້​ນີ້ ຊຶ່ງ​ເຮັດ​
ໃຫ້​ຈໍານວນ​ຄົນ​ເສ​ຍຊີວິດ​ໃນເຫດການ​ດັ່ງກ່າວ ​ເພີ່ມ​ຂຶ້ນ​ເປັນ
600 ​ແລ້ວ ​ແລະ​ກໍ​ຄາດ​ວ່າ ຈະ​ມີ​ເພີ້​ມຂຶ້ນ​ອີກ.

​ເຈົ້າ​ໜ້າ​ທີ່​ທ່ານ​ນຶ່ງ​ເວົ້າ​ວ່າ ​ເວລາ​ນີ້ ​ເຂົາ​ເຈົ້າ​ແມ່ນ​ອາ​ໄສ​ພວກ​
ເຂົ້າຂອງ​ສ່ວນ​ໂຕ ​ເພື່ອ​ພິສູດ​ຊາກ​ສົບ ທີ່​ບິດ​ບ້ຽວ​ເລະ​ເທະ​ໝົດ​
ແລ້ວ​ນັ້ນ 11 ມື້​ຫລັງ​ຈາກ​ຕຶກ​ດັ່ງກ່າວ ທີ່​ມີ​ໂຮງງານ​ຕັດຫຍິບ
ຫລາຍແຫ່ງຕັ້ງ​ຢູ່​ໃນ​ນັ້ນ ພັງ​ລົງ​ທັບ​ຫລາຍ​ຮ້ອຍ​ຄົນ.

​ເຈົ້າ​ຂອງ​ຕຶກ​ໄດ້​ຖືກ​ຈັບ ​ໃນ​ຂໍ້​ຫາ​ຫລາຍ​ກະທົງ ​ໂຮມ​ທັງ​ຄວາມເລິ່ນ​ເລີ້ ບໍ່​ເອົາ​ຫົວຊາ ​ແລະ​ການ​ກໍ່ສ້າງ​ທີ່​ຜິດ​ກົດໝາຍ. ຜູ້ກ່ຽວ​ຖືກ​ກ່າວ​ຫາ​ວ່າ ​ໄດ້​ບອກ​ພວກ​ທີ່​ເຊົ່າ​ຕຶກ​ເຮັດ​ໂຮງງານ​ນັ້ນ​ວ່າ ຕຶກໝັ້ນຄົງ​ປອດ​ໄພ​ດີ ​ໂດຍ​ບໍ່​ເອົາຫົວຊາ​ຕໍ່​ຄໍາ​ສັ່ງ​ຂອງ​ຕໍ​າຫລວດ ​ທີ່ໃຫ້​ຍ້າຍ​ໂຮງ
ງານ​ອອກ​ໃນ​ມື້ກ່ອນ​ຕຶກ​ພັງ ຫລັງ​ຈາກ​ໄດ້​ມີ​ການ​ພົບ​ເຫັນ​ຮອຍ​ແຕກ​ແຫງ​ໃຫຍ່​ໆຢູ່​ໃນ​ຕຶກ.

ເບິ່ງວີດິໂອອີກເລື້ອງນຶ່ງ ກ່ຽວກັບຂ່າວນີ້:

XS
SM
MD
LG