ລັດຖະມົນຕີ ກະຊວງພາຍໃນ ອອສເຕຣຍ ທ່ານນາງ Johanna
Mikl-Leitner ກ່າວວ່າ ເສັ້ນທາງ Balkan ຂອງອົບພະຍົບ
ຄວນຈະປິດຕໍ່ໄປ ຫຼັງຈາກ ປະເທດ Slovenia, Macedonia,
Serbia ແລະ Croatia ໄດ້ປິດຊາຍແດນຂອງຕົນ ໃນສັບປະ
ດານີ້ ຕໍ່ອົບພະຍົບທັງໝົດ ຍົກເວັ້ນແຕ່ພວກທີ່ມີແຜນ ທີ່ຈະຂໍ
ລີ້ໄພ ຢູ່ພາຍໃນຊາຍແດນຂອງປະເທດຕົນ.
ທ່ານນາງ Mikl-Leitner ໄດ້ບອກຕໍ່ ໜັງສືພິມລາຍວັນ Die
Welt ຂອງເຢຍຣະມັນ ສະບັບວັນພະຫັດມື້ນີ້ວ່າ ເສັ້ນທາງ
Balkan ຜ່ານບັນດາປະເທດເຫລົ່ານັ້ນ ຄວນຈະຖືກປິດຢ່າງ
ເປັນການຖາວອນ ໂດຍກ່າວວ່າ “ເວລາຈະບໍ່ຫັນກັບຄືນໄດ້.”
ໃນຂະນະດຽວກັນ ອົງການຂ່າວຕ່າງໆ ຂອງເທີກີ ກ່າວວ່າ ອົບພະຍົບ 5 ຄົນ ລວມທັງ
ເດັກທາລົກອາຍຸ 3 ເດືອນ ໄດ້ຈົມນ້ຳຕາຍ ຢູ່ນອກຝັ່ງທາງພາກຕາເວັນຕົກຂອງເທີກີ
ຫຼັງຈາກເຮືອຂົນສົ່ງພວກເຂົາເຈົ້າ ໄປ ປະເທດກຣິສ ໄດ້ຫລົ້ມ ໃນລະຫວ່າງການເດີນ
ທາງ ໄປຍັງເກາະ Lesbos.
ມີລາຍງານວ່າ 9 ຄົນ ຖືກຊ່ອຍເຫຼືອຂຶ້ນມາໄດ້ ຈາກເຮືອທີ່ບັນທຸກຊາວອົບພະຍົບ
ອັຟການິສຖານ ແລະ ອີຣ່ານ. ອົບພະຍົບສອງຄົນ ແມ່ນຍັງຫາຍສາບສູນຢູ່.
ອົບພະຍົບຫຼາຍພັນຄົນ ຈາກຊີເຣຍ ແລະ ປະເທດອື່ນໆ ໃນເວລານີ້ ແມ່ນຕົກຄ້າງຢູ່ໃນ
ປະເທດກຣິສ ຊຶ່ງພວກເຂົາເຈົ້າຈະບໍ່ບັນລຸເປົ້າໝາຍ ໃນການໄປຍັງພາກເໜືອ ຂອງ
ຢູໂຣບ ຫຼັງຈາກ Macedonia ໄດ້ປິດຊາຍແດນຂອງຕົນ ໃນວັນພຸດວານນີ້.
ຕຳຫຼວດມາເຊໂດເນຍ ໄດ້ປິດຊາຍແດນ ນຶ່ງມື້ ຫຼັງຈາກ Slovenia, Macedonia,
Serbia ແລະ Croatia ໄດ້ປະກາດການປິດຊາຍແດນຂອງພວກຕົນ ຕໍ່ອົບພະຍົບ
ທັງໝົດທີ່ປະສົງຂໍຜ່ານປະເທດ ໂດຍມີຂໍ້ຍົກເວັ້ນ ສຳລັບ ພຽງແຕ່ພວກທີ່ຂໍລີ້ໄພ ເທົ່ານັ້ນ.