ລິ້ງ ສຳຫລັບເຂົ້າຫາ

ອອສເຕຣເລຍ ອອກ​ຄຳເຕືອນ ກ່ຽວກັບ ການໂຈມຕີ ທີ່ອາດ ເກີດຂຶ້ນ ຢູ່ອິນໂດເນເຊຍ


ຕຳຫຼວດອິນໂດເນເຊຍ ຕິດອາວຸດ ສອງຄົນ ຢືນຍາມ ຮ້ານ ກາເຟ Starbucks ບ່ອນທີ່ເກີດການໂຈມຕີ ເມື່ອວັນພະຫັດ ທີ 15 ມັງກອນ 2016 ໃນນະຄອນຫຼວງ Jakarta ປະເທດອິນໂດເນເຊຍ.

ຕຳຫຼວດອິນໂດເນເຊຍ ຕິດອາວຸດ ສອງຄົນ ຢືນຍາມ ຮ້ານ ກາເຟ Starbucks ບ່ອນທີ່ເກີດການໂຈມຕີ ເມື່ອວັນພະຫັດ ທີ 15 ມັງກອນ 2016 ໃນນະຄອນຫຼວງ Jakarta ປະເທດອິນໂດເນເຊຍ.

ອອສເຕຣເລຍ ໄດ້ອອກ​ຄຳເຕືອນ ກ່ຽວກັບການກໍ່ການຮ້າຍ ຢູ່
ປະເທດອິນໂດເນເຊຍ ໂດຍແຈ້ງໃຫ້ລະມັດລະວັງ ວ່າ ພວກກໍ່
ການຮ້າຍ ອາດວາງແຜນການໂຈມຕີ ຢູ່ໃນຂັ້ນສຸດ​ທ້າຍ​ແລ້ວ.

ກະຊວງການຕ່າງປະເທດ ຂອງອອສເຕຣເລຍ ໄດ້ເປີດເຜີຍຄຳ
ເຕືອນດັ່ງກ່າວ ໃນວັນພະຫັດມື້ນີ້ ​ໂດຍຮຽກຮ້ອງ​ໃຫ້ບັນດາຜູ້ທີ່
ເດີນທາງ ຈົ່ງ​ໃຊ້​ຄວາມລະມັດລະວັງ ໃນເວລາທີ່ໄປຢ້ຽມຢາມ
ປະເທດອິນ​ໂດ​ເນ​ເຊຍ ລວມທັງເກາະ Bali ຊຶ່ງ​ເປັນ​ບ່ອນ​ຕາກ
​ອາກາດ​ ທີ່​ໄດ້ນິຍົມຊົມຊອບຈາກພວກນັກທ່ອງທ່ຽວຕ່າງຊາດ.

ການເຕືອນຂອງອອສເຕຣເລຍ ​ໄດ້ມີ​ຂຶ້ນຫຼັງຈາກທີ່ໄດ້ມີ​ການ
​ອອກ​ຄຳ ເຕືອນທີ່ຄ້າຍຄືກັນນີ້ ໃນວັນອາທິດຜ່ານມາ ຕໍ່ນະຄອນຫຼວງ Kuala Lumpur
ຊຶ່ງເປັນເມືອງໃຫຍ່ທີ່ສຸດ ຂອງປະເທດມາເລເຊຍ.

ນະຄອນຫຼວງ Jakarta ຂອງອິນໂດເນເຊຍ ໄດ້ເປັນສະຖານທີ່ ເກີດເຫດການໂຈມຕີ ກໍ່
ການຮ້າຍ ຫຼາຍຄັ້ງຜ່ານມາ ຄັ້ງຫຼ້າສຸດເກີດຂຶ້ນເມື່ອວັນທີ 14 ມັງກອນ ​ເມື່ອການໂຈມຕີ
ດ້ວຍ ລະເບີດ ແລະ ອາວຸດປືນ ໄດ້ສັງຫານ 6 ຄົນ. ການໂຈມຕີດັ່ງກ່າວນີ້ ໄດ້ມີ​ການ​ອ້າງ ເອົາຄວາມຮັບຜິດຊອບ ໂດຍກຸ່ມຫົວຮຸນແຮງລັດອິສລາມ.

XS
SM
MD
LG