ລິ້ງ ສຳຫລັບເຂົ້າຫາ

ອອສເຕຣເລຍ ຈະສືບຕໍ່ ຄົ້ນຫາ ເຮືອບິນ ມາເລເຊຍ ທີ່ ຫາຍສາບສູນ (ວີດີໂອ)


ນາຍົກລັດຖະມົນຕີອອສເຕຣຍເລຍ ທ່ານ Tony Abbott (ຊ້າຍ) ແລະຄູ່ຕຳແໜ່ງ ຝ່າຍມາເລເຊຍ ທ່ານ Najib Razak.

ນາຍົກລັດຖະມົນຕີອອສ​ເຕຣ​ເລຍ ທ່ານ Tony Abbott ກ່າວ
​ວ່າ ທ່ານ​ຈະ​ບໍ່​ຍອມຢຸດເຊົາໃນ​ການ​ຊອກ​ຫາ​ຖ້ຽວບິນ MH370
ຂອງສາຍ​ການບິນມາ​ເລຍ​ເຊຍ ທີ່ໄດ້ຫາຍ​ສາບ​ສູນໄປ ໃນລະ
ຫວ່າງການເດີນທາງ ແຕ່ກົວ​ລາ​ລຳເປີ ​ໄປ​ຫາ​ປັກ​ກິ່ງ ​ເມື່ອ​ຫົກ
ເດືອນ​ກ່ອນ.

ທ່ານ Abott ກ່າວໃນ​ວັນ​ເສົາ ​ມື້​ນີ້​ ​ໃນ​ລະຫວ່າງ ​ການ​ຢ້ຽມຢາມ
ມາ​ເລ​ເຊຍ​ເປັນ​ເວລານຶ່ງ​ມື້ ວ່າ ການ​ຊອກ​ຫາ​ເຮືອບິນທີ່​ໄດ້​ຫາຍ​
ສາບ​ສູນ​ໄປ​ໃນ​ວັນ​ທີ 8 ​ເດືອ​ນມີນາພ້ອມ​ດ້ວຍ​ຜູ້​ໂດຍສານແລະ
ພະນັກງານ 239 ຄົນ​ຢູ່ໃນ​ເຮືອບິນ ຈະ​ເລີ້ມ​ອີກ​ປະມານ​ສອງ​ອາ
ທິດນີ້ ​ແລະ​ຈະ​ສີ້​ນສຸດ​ລົງ​ນານ​ເທົ່າ​ທີ່​ຍັງມີ​ຄວາມ​ຕ້ອງການ ​ເພື່ອ​
ຊອກຄົ້ນ​ຫາ​ຢູ່​ພື້ນ​ມະຫາ​ສະມຸດ​ອິນ​ເດຍ ທາງ​ພາກ​ຕາ​ເວັນ​ຕົກ​ ຂອງອອສ​ເຕຣ​ເລຍ.

ຜູ້ນໍາ ອອສ​ເຕຣຍເລຍ ​ໄດ້​ໄປ​ຢ້ຽມຢາມມາ​ເລ​ເຊຍ ​ໃນ​ວັນ​ເສົາ​ມື້​ນີ້​ເພື່ອ​ສົນທະນາຫາລືກ່ຽວ
ກັບຄວາມ​ພະຍາຍາມໃນການຊອກ​ຄົ້ນ​ຫາ ກັບນາຍົກລັດຖະມົນຕີມາ​ເລ​ຍເຊຍ ທ່ານ
Najib Razak. ຜູ້ນຳທັງ​ສອງ​ຍັງ​ໄດ້​ຫາລືກັນ ກ່ຽວກັບຊາ​ຕາ​ກຳ​ກ່ຽວກັບຖ້ຽວບິນ​ MH17
ຂອງມາ​ເລ​ເຊຍ ທີ່​ໄດ້​ລະ​ເບີດ​ຢູ່ເໜືອເຂດນ່ານຟ້າ ໃນພາກ​ຕາ​ເວັນ​ອອກ​ຂອງ​ຢູ​ເຄຣນ
​ເມື່ອ​ເດືອນ​ກໍ​ລະ​ກົດຜ່ານມາ ພ້ອມ​ດ້ວຍ​ຜູ້​ໂດຍສານພະນັກງານ 289 ຄົນ​ຢູ່​ເທິງ​ເຮືອບິນ.

ທ່ານ Nijab ກ່າວ​ວ່າ ທ່ານ​ຕ້ອງການ​ຢາກສົ່ງ​ຄະນະ​ສືບ​ສວນ​ ໄປ​ຍັງຢູ​ເຄຣນ ກ່ອນ​ຈະ
​ເລີ້ມລະ​ດູໜາວ ​ເພື່ອ​ລວບ​ລວມຫລັກ​ຖານ ​ເຖິງ​ແມ່ນ​ທ່ານ​ໄດ້ກ່າວ​ວ່າ ລັດຖະບານມາ
ເລເຊຍ ມີລາຍງານສືບລັບທີ່ຂ້ອນຂ້າງແນ່ນອນແລ້ວ ເພື່ອພິສູດ ວ່າ ເຮືອ​ບິນ​ໄດ້​ຖືກ​ຍິງ​
ຕົກ. ແຕ່ທ່ານບໍ່​ໄດ້​ໃຫ້ການຊີ້ແຈ້ງເພີ້ມຕື່ມແຕ່ປະການໃດ.

XS
SM
MD
LG