ລິ້ງ ສຳຫລັບເຂົ້າຫາ

ມີຜູ້ເສຍຊີວິດໄປແລ້ວນຶ່ງຄົນ ໃນໄພນໍ້າຖ້ວມທີ່ອອສເຕຣເລຍ

  • ທອງປານ ເທບວົງສາ

ນໍ້າຖວມຄັ້ງໃຫຍ່ໃນລັດ Queensland ປະເທດອອສເຕຣເລຍ

ນໍ້າຖ້ວມຢ່າງໜັກຢູ່ໃນເຂດຕາເວັນອອກສຽງເໜືອຂອງ
ປະເທດອອສເຕຣ ເລຍໄດ້ເອົາຊີວິດຄົນທໍາອິດໄປແລ້ວ​ໃນ
ວັນອາທິດມື້ນີ້ ເວລາພວກຄົ້ນຫາ ພົບເຫັນຊາກສົບຂອງ
ແມ່ຍິງຄົນນຶ່ງທີ່ຖືກນໍ້າພັດ ໃນຂະນະທີ່ຜູ້ກ່ຽວພະຍາຍາມ
ຈະຂັບ​ລົດ​ຂ້າມ​ຫົນທາງສາຍ​ນຶ່ງ ທີ່​ຖືກນໍ້າຖ້ວມ.

ເຈົ້າໜ້າທີ່ຕໍາຫລວດກ່າວວ່າ ລົດຂອງແມ່ຍິງອາຍຸ 41 ປີ
ຄົນ​ນີ້ ຖືກນໍ້າພັດລົງສູ່ແມ່ນໍ້າເມື່ອຕອນແລງວັນເສົາວານນີ້
ທີ່ເມືອງ Burketown ລັດ Queensland ຂອງອອສເຕຣ ເລຍ

ພວກເຈົ້າໜ້າທີ່ອອສເຕຣເລຍກ່າວວ່ ມີປະຊາຊົນຈໍານວນ
ຫລາຍເຖິງສອງແສນຄົນຖືກກະທົບຈາກໄພນໍ້າຖ້ວມໃຫຍ່
ຄັ້ງນີ້ ທີ່ຖ້ວມໃນເນື້ອທີ່ ກວ້າງກວ່າປະເທດຝລັ່ງແລະເຢຍ ລະມັນລວມກັນ.

ເຖິງແມ່ນປະລິມານນໍ້າຖ້ວມເລິ່ມເບົາບາງລົງແດ່ໃນບາງພາກສ່ວນ ແຕ່ຫລາຍໆຕົວເມືອງກໍ
ຍັງຖືກຕັດຂາດຈາກພາຍນອກ ແລະຕາມທີ່ພວກພະຍາກອນອາກາດເວົ້ານັ້ນ ​ກໍ​ແມ່ນວ່າ
ບາງພາກສ່ວນຍັງຈະມີນໍ້າຖ້ວມ​ ໃນລະດັບທີ່ສູງຂຶ້ນ​ຕື່ມອີກຢູ່.

XS
SM
MD
LG