ລິ້ງ ສຳຫລັບເຂົ້າຫາ

ຊິ້ນ​ສ່ວນ ​ທີ່​ພົບ​ເຫັນ “ມີ​ຄວາມ​ເປັນ​ໄປ​ໄດ້​ສູງ” ວ່າ ​ມາຈາກ​ເຮືອບິນ ​​ໂບອິ້ງ 777 ຂອງ​ສາຍ​ການບິນ ​ມາ​ເລ​ເຊຍ


ເຈົ້າ​ໜ້າ​ທີ່ອ໊ອສ​ເຕຣ​ເລຍ ກ່າວ​ວ່າ ​ຊິ້ນສ່ວນ 2 ອັນ ທີ່​ພົບ​ເຫັນ
ໃນ​ແຄມ​ຝັ່ງ ຂອງ​ປະ​ເທດ Mozambique ​ທີ່​ຕັ້ງຢູ່​ໃນ​ເຂດ
ອາ​ຟຣິກາ​ຕາ​ເວັນ​ອອກນັ້ນ “ມີ​ຄວາມ​ເປັນ​ໄປ​ໄດ້​ສູງ” ວ່າ​ ຈະ​ເປັນ
​ຊິ້ນ​ສ່ວນຂອງເຮືອບິນໂບອິ້ງ 777 ຈາກ​ສາຍ​ການບິນ​ມາ​ເລ​ເຊຍ
ທີ່​ໄດ້​ຫາຍ​ສາບ​ສູນ ເ​ມື່ອ​ສອງ​ປີ​ກ່ອນ​ນັ້ນ.

ນຶ່ງ​ຂອງ​ສິ້ນສ່ວນສອງ​ອັນ​ດັ່ງກ່າວ​ນີ້ ​ແມ່ນ​ເຫຼັກ​ທີ່​ມີ​ຄວາມ​ຍາວ
ນຶ່ງ​ແມັດ ​ທີ່​ພົບ​ເຫັນ​ໃນ​ຕົ້ນ​ເດືອນ​ນີ້​ ໃນ​ກອງ​ຂີ້​ຊາຍ ​ໂດຍທະນາຍ
ຄວາມ​ອາ​ເມຣິກັນຄົນ​ນຶ່ງ ​ພ້ອມ​ທັງເປັນ​ນັກ​ພະ​ຈົນ​ໄພສະໝັກ
​ຫລິ້ນນຳ​ດ້ວຍ. ໄວ​ລຸ້ນ​ຊາວ​ອາ​ຟຣິກາ​ໃຕ້​ກໍ​ໄດ້​ພົບ​ເຫັນ​ຊິ້ນອີກ
ອັນ​ນຶ່ງ​ໃນ​ຫາດ​ຊາຍ ​ໃນ​ຂະນະ​ທີ່​ລາວ​ພັກ​ຮ້ອນ ກັບ​ຄອບຄົວ​
ຂອງ​ລາວ​ ​ເມື່ອ​ເດືອນ​ທັນວາ​ຜ່ານ​ມາ​ນີ້.

ຖະ​ແຫລ​ງການ​ສະບັບ​ນຶ່ງ​ຂອງ​ລັດຖະມົນຕີ​ຂົນ​ສົ່ງ​ອ໊ອສ​ເຕຣ​ເລຍ ທ່ານ Darren Chester ກ່າວ​ວ່າ ການ​ວິ​ເຄາະເບິ່ງຊິ້ນ​ສ່ວນ​ດັ່ງກ່າວ​ນີ້ ສະຫຼຸບ​ໄດ້​ວ່າ “​ເກືອ​ບ​ແນ່ນອນ​ແລ້ວ” ​ວ່າ​ເປັນ​ຊິ້ນ​ສ່ວນ​ທີ່​ມາ​ຈາກ​ເຮືອບິນຂອງຖ້ຽວ​ບິນ 370 ທີ່​ໄດ້​ຫາຍ​ສາບ​ສູນ​ໄປ ພ້ອມ​ກັບ​ຜູ້​ໂດຍສານ ແລະ​ຈຸ​ບິນ 239 ຄົນ ​ທີ່​ບິນ​ແຕ່​ນະຄອນ Kuala Lumpur ​ໄປຍັງ​ປັກ​ກິ່ງ ເມື່ອ​ວັນ​ທີ 8 ມີນາ 2014 ນັ້ນ.

​ເຈົ້າ​ໜ້າ​ທີ່​ການບິນ ​ເຊື່ອ​ວ່າ ຖ້ຽວ​ບິນ 370 ​ໄດ້​ຕົກ​ຢູ່​ບ່ອນ​ໃດ​ບ່ອນ​ນຶ່ງໃສ່​ມະຫາ​ສະມຸດ​ອິນ​ເດຍ ນອກແຄມ​ຝັ່ງ​ຂອງ​ປະ​ເທດ Mozambique. ພວກ​ຄົ້ນ​ຫາ​ທັງຫຼາຍ ​ໄດ້​ທຳ​ການຊອກ​ຄົ້ນ​ໃນ​ພື້ນ​ທີ່ເກືອບ 100 ພັນຕະລາງ​ກິ​ໂລ​ແມັຕຂອງ​ທ້ອງທະ​ເລ ​ເພື່ອຫວັງ​ວ່າ​ຈະ​ໄດ້​ພົບ​ເຫັນ​ຊິ້ນ​ສ່ວນ​ຂອງເຮືອບິນໂບອິ້ງ 777 ດັ່ງກ່າວນີ້.

XS
SM
MD
LG