ລິ້ງ ສຳຫລັບເຂົ້າຫາ

ກອງປະຊຸມສຸດຍອດ ຂອງປະເທດ ເຄືອຈັກກະພົບ ອັງກິດ

  • ໄພສານ ວໍຣະຈັກ

ພະລາຊີນີ Elizabeth ແຫ່ງອັງກິດຊົງໃຫ້ພະລາດຊະໂອວາດ ໃນພິທີເປີດກອງປະຊຸມສຸດຍອດປະເທດໃນເຄືອ ຈັກກະພົບອັງກິດ ທີ່ອອສເຕຣເລຍ (28 ຕຸລາ 2011)

ພວກຜູ້ນຳຈາກສິບກວ່າປະເທດ ຊຶ່ງຄັ້ງນຶ່ງເຄີຍມີຄວາມສຳພັນກັບອະດີດມະຫາອານາຈັກ
ອັງກິດນັ້ນ ໄດ້ໄປເຕົ້າໂຮມກັນທີ່ປະເທດອອສເຕຣເລຍ ເພື່ອປຶກສາຫາລືກ່ຽວກັບບັນຫາ
ຕ່າງໆ ເຊັ່ນເລື່ອງສິດທິມະນຸດແລະການສືບທອດລາດຊະບັນລັງຂອງອັງກິດເປັນຕົ້ນ.

ໄດ້ມີການຕ້ອນຮັບ ພວກຜູ້ນຳຂອງປະເທດຕ່າງໆ ດ້ວຍພິທີລ້າງສວ່າຍຫຼືທຳຄວາມສະອາດ
ຕາມປະເພນີຂອງຊົນເຜົ່າພື້ນເມືອງ Aborigines ຂະນະທີ່ພວກທ່ານເດີນທາງໄປເຖິງເພື່ອ ເຂົ້າຮ່ວມພິທີເປີດກອງປະຊຸມປະມຸກລັດຖະບານ 54 ປະເທດແຫ່ງເຄືອຈັກກະພົບອັງກິດທີ່
ເມືອງ Perth ໃນພາກຕາເວັນຕົກຂອງອອສເຕຣເລຍ.

ກອງປະຊຸມສຸດຍອດເປັນເວລາ 3 ມື້ດັ່ງກ່າວນີ້ ມີຂຶ້ນທ່າມກາງທີ່ມີຄວາມວິຕົກກັງວົນກ່ຽວ ກັບສະພາບຂອງຄວາມສຳພັນກັນຢູ່ໃນເຄືອຈັກກະພົບອັງກິດໃນສັດຕະວັດທີ 21.

ພະລາຊີນີ Elizabeth ແຫ່ງອັງກິດ ຊົງກ່າວຕໍ່ພວກຜູ້ນຳຂອງປະເທດຕ່າງໆໃນການໃຫ້
ພະລາດຊະໂອວາດໃນພິທີເປີດກອງປະຊຸມໂດຍໃຫ້ຄຳໝັ້ນສັນຍາວ່າ ຈະນຳເອົາກຳລັງວັງ
ຊາໃໝ່ມາສູ່ເຄືອຈັກກະພົບ.

ນາຍົກລັດຖະມົນຕີອອສເຕຣ ເລຍທ່ານນາງ Julia Gillard ໄດ້ຮຽກຮ້ອງໃຫ້ບັນດາຄູ່
ຕຳແໜ່ງຂອງທ່ານນາງເຮັດໃຫ້ການປະຊຸມກັນໃນປີນີ້ເປັນສິ່ງສຳຄັນທີ່ຢູ່ໃນຄວາມຊົງຈຳ
ເພື່ອໃຫ້ທິດທາງທີ່ຈຳເປັນແກ່ເຄືອຈັກກະພົບອັງກິດໃນເວລາທີ່ໂລກພວມປະເຊີນກັບສະ ພາບທີ່ບໍ່ແນ່ນອນແລະມີຄວາມສ່ຽງນັ້ນ.

ພວກຜູ້ນຳຂອງເຄືອຈັກກະພົບ ຈະປຶກສາຫາລືກັນ ກ່ຽວກັບບັນຫາຕ່າງໆເຊັ່ນການປ່ຽນ
ແປງຂອງດິນຟ້າອາກາດ ການມີອັດຕາສູງຂອງພວກເຈົ້າສາວເດັກນ້ອຍ ຢູ່ໃນຫຼາຍໆປະ
ເທດຂອງເຄືອຈັກກະພົບແລະກົດໝາຍທີ່ໃຫ້ພວກຮັກຮ່ວມເພດເປັນພວກທີ່ຜິດກົດໝາຍ
ນັ້ນ.

XS
SM
MD
LG