ບັນດາເຈົ້າໜ້າທີ່ ອອສເຕຣເລຍ ກ່າວວ່າ ໄຟປ່າ ກຳລັງໄໝ້ແບບ
ຄວບຄຸມບໍ່ໄດ້ຢູ່ໃນລັດຕ່າງໆ ທາງພາກໃຕ້ຂອງປະເທດ ໂດຍໄດ້
ບັງຄັບໃຫ້ຫລາຍໆພັນຄົນຕ້ອງໄດ້ຍົກຍ້າຍອອກຈາກບ້ານເຮືອນ
ຂອງເຂົາເຈົ້າ.
ເຈົ້າໜ້າທີ່ມອດໄຟກ່າວວ່າ ບັນດາຂົງເຂດ ທີ່ໄດ້ຜົນກະທົບຮ້າຍ
ແຮງສຸດ ແມ່ນຢູ່ທີ່ ລັດອອສເຕຣເລຍໃຕ້ ແລະລັດ Victoria ທີ່
ເຮືອນຫລາຍສິບຫລັງໄດ້ຖືກທຳ ລາຍ ຫລືບໍ່ກໍໄດ້ຮັບເສຍຫາຍ.
ສະພາບຄວາມແຫ້ງແລ້ງ ລົມແຮງ ແລະອຸນຫະພູມທີ່ສູງເຖິງ 30
ອົງສາ Celsius ກຳລັງກໍ່ໃຫ້ເກີດສະພາບການ ທີ່ເປັນອັນຕະລາຍ ສຳຫລັບເກີດໄຟໄໝ້ ທີ່ຄວບຄຸມບໍ່ໄດ້ ຢູ່ໃນທົ່ວທຸກດ້ານ.
ໄຟໄໝ້ປ່າຮ້າຍແຮງ ມັກເກີດຂື້ນຢູ່ເລື້ອຍໆຫລືຖືເປັນເລື້ອງທຳມະດາຢູ່ໃນຊຸມ ເດືອນລະ
ດູຮ້ອນຂອງອອສເຕຣເລຍ. ໃນເດືອນກຸມພາ ປີ 2009 ໄຟໄໜ້ປ່າ ທີ່ເກີດຄວາມພິນາດ
“ວັນເສົາດຳ” ໃນລັດ Victoria ໄດ້ເຮັດໃຫ້ 173 ຄົນເສຍຊີວິດ ແລະຫລາຍກວ່າ 2,000 ຫລັງຄາເຮືອນ ໄດ້ຖືກທຳລາຍ.