ລິ້ງ ສຳຫລັບເຂົ້າຫາ

ອົບພະຍົບ 125 ຄົນ ຖືກຊ່ອຍຊີວິດ ຢູ່ນອກຝັ່ງທະເລ ອອສເຕຣເລຍ

  • ສິງ ບູຣົມມະວົງ

ທ່ານນາງ Julia Gillard ນາຍົກລັດຖະມົນຕີອອສເຕຣເລຍ. ວັນທີ 27 ມິຖຸນາ 2012.

​ເຈົ້າໜ້າ​ທີ່ອອສ​ເຕຣ​ເລຍ​ໄດ້​ຊ່ອຍ​ກູ້​ຊີວິດ​ພວກ​ຜູ້​ຄົນ​ສ່ວນ​ຫຼາຍທີ່​ເດີນທາງ​ໄປ​ນຳເຮືອ​ແອ​ອັດ​ໄປ​ດ້ວຍ​ອົບ​ພະຍົບລຳ​ນຶ່ງ ຊຶ່ງ​ໄດ້​ປີ້ນ​ຂວໍ້າ​ໃນ​ມະຫາສະມຸດ​ອິນ​ເດຍ​ໃນ​ວັນ​ພຸດ​ມື້​ນີ້.

ນາຍົກລັດຖະມົນຕີ Julia Gillard ກ່າວ​ວ່າ ຢ່າງ​ໜ້ອຍ​ປະຊາຊົນ 125 ຄົນ​ໄດ້​ຖື​ກຊ່ອຍ​ຊີວິດໄວ້​ໄດ້​ຈາກ​ເຮືອ​ລໍາ​ດັ່ງກ່າວ ຊຶ່ງ​ໄດ້​ຫຼົ້ມຢູ່​ໄກ ປະມານ 200 ຫລັກ ຈາ​ກຝັ່ງ​ທະ​ເລ​ຂອງ​ເກາະຄຣິສມາສທີ່​ຕັ້ງຢູ່​ຫ່າງ​ໄກຈາກ​ແຜ່ນດິນ​ໃຫຍ່​ອອສ​ເຕຣ​ເລຍ​ນັ້ນ. ​ເຈົ້າ​ໜ້າ​ທີ່ໄດ້​ກູ້​ເອົາ​ສົບ​ມາ​ໄດ້ 1 ສົບ ​ແລະ​ອາດ​ມີ​ຮອດ 20 ຄົນ ທີ່​ຍັງ​ຊອກ​ບໍ່​ເຫັນ.

​ເຫດ​ເຮືອ​ຫຼົ້ມ​ດັ່ງກ່າວ​ໄດ້​ມີ​ຂຶ້ນ​ໃນ​ເວລາ​ບໍ່​ຮອດ 1 ສັບປະດາ ​ຫຼັງ​ຈາກ ເຮືອ​ອີກ​ລໍາ​ນຶ່ງ​ທີ່​ພວມ​ມຸ້ງ​ໜ້າ​ໄປ​ສູ່​ອອສ​ເຕຣ​ເລຍ​ ທີ່​ບັນທຸກ​ພວກ​ອົບພະຍົບຫາ​ບ່ອນ​ລີ້​ໄພ​ຈໍານວນ​ຫຼາຍ​ກວ່າ 200 ຄົນ​ ຫຼົ້ມ​ລົງ​ໃນ​ເຂດ​ດຽວກັນ ຊຶ່ງເຮັດ​ຫຼາຍຮອດ 90 ຄົນເສຍ​ຊີວິດ​.

​ເຫດການ​ເຫຼົ່າ​ນີ້​ໄດ້​ກະ​ຕຸ້ນ​ໃຫ້​ມີ​ການ​ໂຕ້​ວາທີ​ກັນ​ຂຶ້ນ​ໃໝ່ໃນ​ອອສ​ເຕຣ​ເລຍ ກ່ຽວ​ກັບ​ວ່າ​ຈະ​ເຮັດ​ວິທີ​ໃດ​ດີ ​ເພື່ອ​ຍັບ​ຍັ້ງ​ພວກ​ອົບ​ພະຍົບຫາ​ບ່ອນ​ລີ້​ໄພຈໍານວນ​ເປັນ​ພັນໆ​ຄົນ​ ໃນ​ແຕ່ລະ​ປີ ບໍ່​ໃຫ້​ເດີນທາງ​ໄປໃນ​ທະ​ເລ​ທີ່​ກັນ​ດານ​ແລະ​ເປັນ​ອັນຕະລາຍ ​ໂດຍ​ທາງເຮືອ​ທີ່ແອອັດແລະ​ບາງ​ຄັ້ງ​ກໍ​ບໍ່​ໄດ້​ຮັບ​ການກໍ່ສ້າງ​ຢ່າງ​ແໜ້ນ​ໜາ​ນັ້ນ.

XS
SM
MD
LG