ລິ້ງ ສຳຫລັບເຂົ້າຫາ

ທ່ານນາງ Aung San Suu Kyi ຢູ່ກາງເວທີ ການເຈລະຈາ ສັນຕິພາບ


ທ່ານນາງ Aung San Suu Kyi ແຫ່ງມຽນມາ ນັ່ງຍິ້ມຫົວໃນ
ຂະນະ ທີ່ໄປເຖິງບ່ອນກ່າວຄຳປາໄສ ລະຫວ່າງ ລັດຖະບານ
ທະຫານ ແລະບັນດາຜູ້ຕາງໜ້າເຜົ່າຕ່າງໆ.

ທ່ານນາງ Aung San Suu Kyi ແຫ່ງມຽນມາ ນັ່ງຍິ້ມຫົວໃນ ຂະນະ ທີ່ໄປເຖິງບ່ອນກ່າວຄຳປາໄສ ລະຫວ່າງ ລັດຖະບານ ທະຫານ ແລະບັນດາຜູ້ຕາງໜ້າເຜົ່າຕ່າງໆ.

ຜູ້ນຳພັກ​ສັນນິບາດແຫ່ງ​ຊາດເພື່ອ​ປະຊາທິປະໄຕຂອງມຽນມາ
ທ່ານ​ນາງ Aung San Suu Kyi ​ຮຽກຮ້ອງ​ໃຫ້​ທຸກ​ພັກຝ່າຍ​ທັງ
ໝົດເຂົ້າຮ່ວມ ຢູ່​ໃນການເ​ຈລະ​ຈາ​ສັນຕິ​ພາບ​ ຮອບ​ໃໝ່​ສຸດ ລະ
ຫວ່າງ​ບັນດາ​ກຸ່ມກຳລັງ​ປະກອບ​ອາ​ວຸດ​ເຜົ່າ​ຕ່າງໆ ​ແລະລັດຖະ
ບານ​ເຄິ່ງພົນລະ​ເຮືອນ ​ທີ່ພວມ​ຈະ​ພົ້ນ ຈາກ​ຕຳ​ແໜ່​ງ ຂອງ​ປະ
​ເທດ.

ທ່ານ​ນາງ Suu Kyi ກ່າວ​ວ່າ “ໃນ​ບັດ​ນີ້ ​ອີງ​ຕາມຄຳ​ສັ່ງ​ແລ້ວ
ມັນເປັນ ​ສິ່ງຖືກຕ້ອງ​ທີ່​ຈະ​ເຮັດ ​ໃນອັນ​ທີ່​ປະຊາຊົນ​ຕ້ອງການ
ຢາກ​ໃຫ້​ເຮົາ​ເຮັດ ພວກ​ເຮົາ​ພ້ອມ​ແລ້ວ​ທີ່​ຈະ​ເອົາ​ຄວາມ​ຮັບຜິດ
ຊອບ​ໃນ​ການ​ສ້າງສັນ​ຕິ​ພາບ ຢ່າງ​ເປັນ​ການ​ຖາວອນພາຍ​ໃນ​
ປະ​ເທດ. ຂ້າພະ​ເຈົ້າ​ຫວັງ​ວ່າທຸກໆ​ຄົນ​ຈະ​ຊ່ວຍ​ພວກ​ເຮົາ.”

ທ່ານ​ນາງ Suu Kyi ຜູ້ໄດ້​ຮັບ​ລາງວັນ Nobel ຂະ​ແໜງ​ສັນ​ຕິ​ພາບ ໃຫ້​ຄວາມ​ເຫັນ​ດັ່ງກ່າວ
ໃນ​ວັນ​ອັງຄານ​ມື້​ນີ້ ​ໃນ​ວັນ​ເປີດສົນທະນາ​ທີ່​ນະ ຄອນຫລວງ Naypyitaw. ຄຳ​ຖະ​ແຫລ​ງ
ຂອງ​ທ່ານນາງ ​ແມ່ນ​ເປັນ​ຂີດ​ໝາຍ​ເທື່ອ​ທຳ​ອິດ ​ໃນ​ການເຂົ້າພົວພັນ​ກັບຂັ້ນຕອນ​ສັນຕິ
ພາບ ທີ່​ກຳລັງ​ດຳ​ເນີນ​ຢູ່​ໃນ​ເວລາ​ນີ້ ​ແລະ​ອາດ​ເປັນ​ການ​ວາງ​ພື້ນ​ຖານໄປ​ສູ່ການຕົກລົງ
ຂຶ້ນສຸດ​ທ້າຍ ​ເວລາ​ພັກ​ສັນນິບາດແຫ່ງ​ຊາດ​ເພື່ອ​ປະຊາທິປະໄຕ ຂອງ​ທ່ານ​ນາງ ​ເຂົ້າກຳ
​ອຳນາດ​ໃນ​ເດືອນ​ມີນາ ສີ່​ເດືອນ​ຫລັງ​ຈາກ​ພັກ​ຂອງ​ທ່ານ​ນາງ​ໄດ້ຮັບ​ໄຊຊະນະ​ຢ່າ​ງຖ້ວມ
​ລົ້ນ ​ຢູ່​ໃນ​ການ​ເລືອກ​ຕັ້ງ​ຢ່າງ​ເສລີ ​ເທື່ອ​ທຳ​ອິດ​ຂອງ​ປະ​ເທດ ໃນຮອບ​ຊາວ​ຫ້າ​ປີທີ່​ຜ່າ​ນມາ.

ປະ​ທານາທິບໍດີ Thein Sein ​ແລະ​ຜູ້​ບັນຊາ​ການທະຫານ​ທີ່​ມີ​ອິດທິພົນ ທ່ານ Min Aung
Hlaing ​ໄດ້ເຂົ້າຮ່ວມຢູ່​ໃນການ​ເປີດ​ຮອບ​ທຳ​ອິດ​ໃນ​ວັນ​ອັງຄານ​ມື້​ນີ້. ລັດຖະບານ​ທ່ານ
Thein Sein ​ໄດ້​ເຈລະຈາ ​ກັບ​ບັນ ດາກຳລັງ​ກະບົດ ນັບ​ແຕ່ໄດ້ເຂົ້າກໍາ​ອຳນາດໃນ​ປີ
2011 ຫຼັງຈາກ​ການ​ປົກຄອງເປັນ​ເວລາ​ດົນນານ​ຂອງ​ທະຫານ ຊຶ່ງຄວາມ​ພະ​ຍາ​ຍາມ​ເຫຼົ່າ
​ນັ້ນ​ໄດ້​ເຮັດ​ໃຫ້​ມີ​ການ​ຕົກ​ລົງ​ຢຸດ​ຍິງ​ ກັບກຸ່ມ​ກະບົດ​ຈຳນວນ​ໜຶ່ງ ​ທີ່​ໄດ້​ສູ້​ລົບ​ເປັນ​ເວລາ
​ຫລາຍ​ປີ ​ເພື່ອຢາກ​ໃຫ້​ມີ​ປົກຄອງ​ຕົນ​ເອງ​ຫລາຍ​ຂື້ນ.

​ແຕ່່​ວ່າ​ພວກກະບົດຫຼາຍກຸ່ມ ​ໄດ້​ປະຕິ​ເສດ​ບໍ່​ຍອມເຂົ້າ​ຮ່ວມ ​ໃນ​ການ​ເຈ ລະຈາ​ກ່ອນ​ໜ້ານີ້
ຫລື​ລົງ​ນາມ​ໃນ​ຂໍ້​ຕົກລົງ ​ແລະ​ການ​ສູ້​ລົບ​ກັນ ​ຍັງດຳ​ເນີນ​ຢູ່​ຕໍ່​ໄປ ລະຫວ່າງພວກ​ກະບົດ
​ແລະ​ລັດຖະບານ.

XS
SM
MD
LG