ຜູ້ນຳປະຊາທິປະໄຕມຽນມາ ທ່ານນາງ Aung San Suu Kyi
ໄດ້ໂອ້ລົມໃນວັນພຸດມື້ນີ້ ກັບປະທານາທິບໍດີ Thein Sein
ເພື່ອສົນທະນາຫາລືກ່ຽວກັບການໂອນອຳນາດໃຫ້ແກ່ລັດຖະ
ບານ ທີ່ໄດ້ຮັບເລືອກ ແບບປະຊາທິປະໄຕເທື່ອທຳອິດຂອງ
ປະເທດ ຫລັງຈາກການປົກຄອງ ຂອງທະຫານ ມາເປັນເວລາ
ເກືອບຫ້າທົດສະວັດແລ້ວນັ້ນ ໃຫ້ດຳເນີນໄປດ້ວຍຄວາມລາບ
ລື່ນແລະສັນຕິ.
ການພົບປະເປັນເວລາສັ້ນໆ ລະຫວ່າງ ທ່ານນາງອອງຊານ
ຊູຈີ ຜູ້ທີ່ໄດ້ຮັບລາງວັນ Nobel ຂະແໜງສັນຕິພາບ ແລະ
ປະທານາທິບໍທີ່ກຳລັງຈະອອກຈາກຕຳແໜ່ງ ຢູ່ທີ່ບ້ານພັກ
ຂອງທ່ານ ໃນນະຄອນຫລວງ Naypyitaw ແມ່ນເປັນພາກສ່ວນນຶ່ງ ໃນການຊຸກຍູ້ເພື່ອ
ສ້າງຄວາມ ປອງດອງຊາດ ຂອງທ່ານນາງ Aung San Suu Kyi ທີ່ໄດ້ມີການປະກາດບໍ່
ດົນ ຫລັງຈາກທີ່ພັກສັນນິບາດແຫ່ງຊາດເພື່ອປະຊາທິປະໄຕຫລື NLD ໄດ້ຮັບໄຊຊະນະ
ຢ່າງຖ້ວມລົ້ນຕໍ່ພັກສະຫະພັນສາມັກຄີແລະ ການພັດທະນາ ທີ່ໜູນຫລັງໂດຍພວກທະ
ຫານ ໃນການເລືອກຕັ້ງ ວັນທີ 8 ເດືອນພະຈິກທີ່ຜ່ານມາ. ທ່ານນາງມີແຜນ ທີ່ຈະພົບປະ
ກັບ ນາຍພົນ Min Aung Hlaing ຜູ້ບັນຊາການທະຫານມຽນມາ ໃນຕອນແລງວັນພຸດ
ມື້ນີ້ິ.
ພາຍໃຕ້ລັດຖະທຳມະນູນສະບັບປັດຈຸບັນຂອງມຽນມາ ພຸວກທະຫານແມ່ນຄວບຄຸມ 25
ເປີເຊັນ ຂອງບ່ອນນັ່ງທັງໝົດໃນສະພາ ພ້ອມທັງຄວບຄຸມຕຳແໜ່ງທີ່ສຳຄັນຕ່າງໆ ຂອງ
ລັດຖະບານ ຮວມທັງກະຊວງປ້ອງກັນປະເທດ ກະຊວງພາຍໃນແລະກະຊວງຮັກສາ
ຄວາມປອດໄພຊາຍແດນ. ຫລາຍຄົນຢູ່ໃນປະເທດຢ້ານວ່າ ທະຫານຈະບໍ່ເອົາຫົວຊາ
ຕໍ່ຜົນຂອງການເລືອກຕັ້ງໃນເດືອນແລ້ວນີ້ ແລະສືບຕໍ່ການກຳອຳນາດ ດັ່ງທີ່ເຄີຍໄດ້ເຮັດ
ມາ ໃນປີ 1990 ເວລາພວກທະຫານບໍ່ໃຫ້ການເຄົາ ລົບຕໍ່ການໄດ້ຮັບໄຊຊະນະຢ່າງຖ້ວມ
ລົ້ນ ໂດຍພັກ NLD ແລະກັກບໍລິ ເວນທ່ານນາງ Aung San Suu ເປັນເວລາ 20 ປີ.
ແຕ່ປະທານາທິບໍດີເທນ ເຊນ ແລະ ນາຍພົນ Hlaing ໄດ້ໃຫ້ຄຳໝັ້ນສັນຍາ ທີ່ຈະຮັບ
ເອົາຜົນການເລືອກຕັ້ງ ຂອງເດືອນພະຈິກ.
ລັດຖະທຳມນະນູນຂອງມຽນມາຫ້າມບໍ່ໃຫ້ທ່ານນາງ Aung San Suu Kyi ອາຍຸ 70 ປີ
ເຂົ້າຮັບຕຳແໜ່ງເປັນປະທານາທິບໍດີຂອງປະເທດໃນ ເມື່ອວ່າ ມື້ລາງສາມີຂອງທ່ານນາງ
ແລະລູກຊາຍສອງຄົນ ເປັນຄົນສັນ ຊາດອັງກິດ. ແຕ່ທ່ານນາງໄດ້ສະເໜີວ່າ ທ່ານນາງ
ຈະປົກຄອງປະເທດ ໂດຍຜ່ານຜູ້ທີ່ທ່ານນາງມອບໝາຍໃຫ້ເປັນໂຕແທນ.
