ລິ້ງ ສຳຫລັບເຂົ້າຫາ

ທ່ານ​ນາງ Aung San Suu Kyi ​ຢ້ຽມຢາມ ອອສເຕຣເລຍ (ວີດີໂອ)


ທ່ານນາງ Aung San Suu Kyi (ຂວາ) ແລະ ຜູ້ປົກຄອງລັດ New South Wale (ຊ້າຍ) ທ່ານນາງ Marie Bashir ທີ່ນະຄອນ Sydney

ທ່ານນາງ Aung San Suu Kyi (ຂວາ) ແລະ ຜູ້ປົກຄອງລັດ New South Wale (ຊ້າຍ) ທ່ານນາງ Marie Bashir ທີ່ນະຄອນ Sydney

ຜູ້​ນໍາປະ​ຊາ​ທິປະ​ໄຕຂອງມຽນມາ ທ່ານ​ນາງ Aung San Suu
Kyi ​ໄດ້​ຖືກ​ຮັບ​ຕ້ອນ​ຈາກບັນດາ​ຜູ້​ສະໜັບສະໜູນ​ຫຼາຍ​ສິບ​ຄົນ
​ໃນ​ຂະນະ​ທີ່ທ່ານ​ນາງ​ເດີນ ທາງ​ໄປ​ເຖິງ ​ສະໜາມ​ບິນ​ນະຄອນ
Sydney ​ໃນ​ວັນ​ພຸດ​ມື້​ນີ້ ອັນ​ເປັນ​ການ​ເດີນທາງ ໄປ​ຢ້ຽມຢາມ
ອອສ​ເຕຣ​ເລຍ​ ເປັນເທື່ອ​ທໍາ​ອິດ.

ຜູ້ແທນ​ຝ່າ​ຍຄ້ານຂອງ​ມຽນມາ​ທ່ານນີ້ ​ໄດ້​ກ່າວ​ຕໍ່​ບັນດາ​ນັກຂ່າ​ວ
ວ່າ ທ່າ​ນນາງ ຫວັງ​ວ່າ​ຈະ​ໃຊ້​ເວລາ​ຫ້າ​ມື້​ຂອງ​ການຢ້ຽມຢາມເພື່ອ​
ອະພິ​ບາຍ​ວ່າ ​ເປັນ​ຫຍັງພັກ​ຂອງ​ທ່າ​ນນາງຈຶ່ງ​ໃຫ້ການສະໜັບສະ
ໜູ​ນ​ປະຊາທິປະ​ໄຕ​ໃນມຽນມາ ຊຶ່ງກໍາລັງ​ຫັນປ່ຽນ ຈາກ​ການ​ປົກ
ຄອງ​ແບບໂຫດຮ້າຍ​ຂອງທະຫານເປັນ​ເວລາ​ຫລາຍສິບ​ປີ ນັ້ນ.

ທ່ານ​ນາງ​ອອງຊານ​ ຊູ​ຈີ ​ເວົ້າວ່າ “ຂ້າພະ​ເຈົ້າ ກໍາລັງ​ມີ​ຄວາ​ມຮູ້ສຶກວ່າ​ມັນ​ເປັນ​ຢ່າງ​ໃດບໍ່​ຮູ້ ​ເພາະ
ວ່າ ນີ້ແມ່ນການ​ເດີນທາງ​ລົງ​ມາ​ໃຕ້​ເສັ້ນ​ສູນ​ສູດ​ເປັນ​ເທື່ອ​ທຳ ອິດ. ມັນ​ມີ​ຄວາມ​ຮູ້​ສື​ກ​ແປກໆໜ້ອຍ
​ນຶ່ງ ​ແລະ​ຍັງ​ຈະ​ອະພິ​ບາຍ​ໃຫ້​ຮູ້​ວ່າ ພວ​ກ​ເຮົາ​ກໍາລັງເຮັດ​ຫຍັງ​ຢູ່​ໃນມຽນມາ ຂະນະ​ນີ້.”

ຫລາຍ​ສິບ​ຄົນ ທີ່​ພາ​ກັນໄປເຕົ້າ​ໂຮມ​ກັນ​ຢູ່​ສະໜາມບິນ ກ່າວ​ວ່າ ​ເຂົາ​ເຈົ້າ​ມີ​ຄວາມ​ຕື່ນ​ເຕັ້ນ​ ​ໃນ​ທີ່​
ສຸດ​ທີ່​ໄດ້​ພົບ​ກັບຜູ້​ທີ່ໄດ້​ຮັບ​ລາງວັນ​ໂນ​ແບ​ລຂະ​ແໜງ​ສັນ ຕິພາບ.

ທ່ານ​ນາງ Aung San Suu Kyi ຕໍ່​ມາ​ໄດ້​ຮັບ​ປະລິນຍາເອກ ກຽດນິຍົມ ​ໃນ​ວັນ​ພຸດ​ມື້​ນີ້ຈາກ​ມະ
ຫາວິທະຍາ​ໄລ Sydney ແລະມະຫາວິທະຍາ​ໄລ Technology ໃນລະຫວ່າງພິທີ ທີ່​ຈັດ​ຂຶ້ນທີ່
ໂຮງ​ມະຫໍລະສົບ​ແຫ່ງ​ຊາດ Sydney Opera House ທີ່​ມີ​ຊື່​ສຽງ​ຂອງ​ອອສ​ເຕຣ​ເລຍ​ນັ້ນ.

ທ່ານ​ນາງ ຍັງ​ຈະ​ໄດ້​ກ່າວ​ຄໍາ​ປາ​ໄສ​ຫລາຍໆ​ຄັ້ງ ​ໃນ​ຂະນະ​ທີ່​ຢ້ຽມຢາມນະຄອນ Canbera ​ແລະ
Melbourne ​ໃນ​ທ້າຍ​ອາທິດ​ນີ້.

XS
SM
MD
LG