ຜູ້ນຳຂອງພັກຝ່າຍຄ້ານ ທ່ານນາງ Aung San Suu Kyi ເປັນຫວ່ງໃນວັນອັງຄານມື້ນີ້ ກ່ຽວກັບການໄລ່ອອກໃນອາທິດແລ້ວນີ້ ໂຄສົກສະພາ ທ່ານ Shwe Mann ປະທານຂອງ
ພັກການເມືອງທີ່ປົກຄອງປະເທດຢູ່ດຽວນີ້.
ໃນການຖະແຫຼ່ງ ຊ້ອງໜ້າຄະນະລັດຖະສະພາ ໃນກອງປະຊຸມ
ນັດສຸດທ້າຍ ກ່ອນການເລືອກຕັ້ງໃນເດືອນພະຈິກນີ້ ທ່ານນາງ
Aung San Suu Kyi ບັນຍາຍວ່າການກວດລ້າງຈາກການເປັນ
ຜູ້ນຳຂອງພັກແນວໂຮມສາມະຄີ ຫຼື Union Solidarity ແລະພັກ
ພັດທະນາຊາດ ຫຼື Development Party ວ່າ ບໍ່ເປັນແບບປະຊາ
ທິປະໄຕ.
ທ່ານນາງໄດ້ກ່າວວ່າ: “ເຫດການທີ່ກຳລັງດຳເນີນຢູ່ໃນຄໍ່າຄືນນີ້ ບໍ່ແມ່ນສິ່ງທີ່ຄາດຫວັງໄວ້ ໃນການດຳເນີນຂັ້ນຕອນແບບປະຊາທິປະໄຕ.”
ທ່ານ Shwe Mann ຍັງຄົງດໍາລົງຕໍາແໜ່ງໃນຖານະໂຄສົກ ແຕ່ວ່າອາດຈະປະເຊີນໜ້າ
ກັບການອາດຖືກກົດດັນໃຫ້ຖືກຟ້ອງຮ້ອງ ຈາກບາງສະມາຊິກສະພາ ຝ່ານຄ້ານກໍເປັນໄດ້.
ທ່ານນາງ Aung San Suu Kyi ໄດ້ກ່າວໃນວັນອັງຄານມື້ນີ້ວ່າການສະເໜີຮ່າງລັດຖະທຳ
ມະນູນ ນັ້ນ ແມ່ນ “ເປັນຕາຢາກຫົວ.” ທ່ານຍັງໄດ້ສືບຕໍ່ພົບປະກັບທ່ານ Shwe Mann ໃນວັນຈັນວານນີ້ ຜູ້ຊຶ່ງໄດ້ສະໜັບສະໜຸນ ທ່ານນາງ ເພື່ອປະຕິຮູບລັດຖະທຳມະນູນຂອງ
ປະເທດ.
ມຽນມາ ມີໝາຍກຳໜົດ ທີ່ຈະເລືອກຕັ້ງທົ່ວປະເທດໃນວັນທີ 8 ພະຈິກ ທີ່ຈະມາເຖິງນີ້ ຊຶ່ງເປັນການເລືອກຕັ້ງແບບດັ່ງກ່າວ ນັບຕັ້ງແຕ່ການປົກຄອງທາງທະຫານມາເປັນເວລາ ຫຼາຍທົດສະວັດ ທີ່ສິ້ນສຸດລົງໃນປີ 2011 ນັ້ນ.
ປະທານາທິບໍດີ Thein Sein ຜູ້ຊຶ່ງປົດທ່ານ Shwe Mannຊຶ່ງເປັນການປ່ຽນແປງທາງ
ການເມືອງ ກ່ອນໜ້າການເລືອກຕັ້ງ. ທ່ານ Thein Sein ຈະບໍ່ລົງເລືອກຕັ້ງອີກ ແຕ່ວ່າ
ບໍ່ສາມາດລົງແຂ່ງຂັນເປັນຜູ້ສະໝັກເປັນປະທານາທິບໍດີໄດ້.
ທ່ານນາງ Aung San Suu Kyi ຜູ້ນຳພັກສັນນິບາດເພື່ອປະຊາທິປະໄຕແຫ່ງຊາດ ຫຼື NLDP ອິງຕາມກົດລັດຖະທຳມະນູນແລ້ວນັ້ນ ແມ່ນກີດກັນທ່ານນາງ ບໍ່ໃຫ້ລົງເລືອກຕັ້ງ.
