ລິ້ງ ສຳຫລັບເຂົ້າຫາ

ຜູ້ໂຈມຕີ ດ້ວຍມີດ ທີ່ພະຍາຍາມແທງ ຕຳຫຼວດອິສຣາແອລ ຖືກຍິງຕາຍ


ຄົນງານຜູ້ນຶ່ງ ພວມທຳຄວາມສະອາດ ພື້ນທີ່ ຈຸດເກີດເຫດ ການຍິງຜູ້ຮ້າຍ ໂຈມຕີດ້ວຍມີດ ຕາຍ ຢູ່ນອກປະຕູ Lions ທາງເຂົ້າເມືອງ Old City ຂອງນະຄອນຫຼວງ ເຈຣູຊາແລັມ, ວັນທີ 12 ຕຸລາ 2015.

ຄົນງານຜູ້ນຶ່ງ ພວມທຳຄວາມສະອາດ ພື້ນທີ່ ຈຸດເກີດເຫດ ການຍິງຜູ້ຮ້າຍ ໂຈມຕີດ້ວຍມີດ ຕາຍ ຢູ່ນອກປະຕູ Lions ທາງເຂົ້າເມືອງ Old City ຂອງນະຄອນຫຼວງ ເຈຣູຊາແລັມ, ວັນທີ 12 ຕຸລາ 2015.

ເກີດ​ຄວາມ​ເຄັ່ງ​ຕຶງ​ຢູ່​ສ່ວນ​ນຶ່ງ ໃນ​ Old City ເຂ​ດຕາ​ເວັນ​ອອກ​
ຂອງນະຄອນ Jerusalem ທີ່​ໄດ້​ປະ​ເຊີນ​ກັບ ຄວາມ​ຮຸນ​ແຮງ
​ອີກ​ຄັ້ງນຶ່ງ ​ໃນ​ວັນ​ຈັນ​ມື້​ນີ້ ​ໃນ​ເວລາ ຜູ້​ໂຈມ​ຕີ​ຄົນ​ນຶ່ງ ພະຍາຍາມ
​ແທງ​ຕຳຫຼວດອິສຣາ​ແອ​ລ ຄົນ​ນຶ່ງ ກ່ອນ​ຜູ້ກ່ຽວ​ ຈະ​ຖືກ​ຍິງ​ຕາຍ.

​ໂຄ​ສົກ​ຂອງ​ກອງ​ກຳລັງ​ປ້ອງ​ກັນ​ອິສຣາ​ແອ​ລ ກ່າວ​ວ່າ ການ​
ໂຈມ​ຕີນີ້​ ໄດ້​ເກີດ​ຂຶ້ນ ​ໃກ້​ກັບປະຕູ​ເຂົ້າ​ເມືອງ Lions Gate ​ແລະ
ມີດ​ຂອງ​ຜູ້​ໂຈມ​ຕີ ​ໄດ້​ຫັນປ່ຽນທິດ​ທາງ ​ໂດຍ​ເສື້ອ​ປ້ອງ​ກັນຕົວ​
ຂອງຕຳຫຼວດ.

​ເຫດການ​ດັ່ງກ່າວ ​ແມ່ນ​ເປັນ​ຄື້ນ​ຟອງ​ການ​ໂຈມ​ຕີ ຫຼ້າສຸດ ທີ່​ໄດ້
​ເກີດ​ຂຶ້ນຢູ່​ໃນ​ນະຄອນຫຼວງ ​ເຈຣູ​ຊາ​ແລັມ ທີ່​ເຊື່ອມ​ໂຍງ ​ໃສ່​ສະຖານ​ທີ່​ສັກສິດ ທີ່​ຊາວ​ມຸສລິມ
​ເອີ້ນ​ວ່າ ວັດມຸສລິ​ມ​ al-Aqsa ​ແລະ ຊາວ​ຢິວ ​ເອີ້ນ​ວ່າວັດ Temple Mount ນັ້ນ.

ຊາວ​ປາ​ແລັສໄຕ​ນ໌ ທີ່​ມີ​ຄວາມ​ຜິດ​ຫວັງ​ຢູ່​ແລ້ວນັ້ນ ​ໂດຍ​ການ​ສືບ​ຕໍ່ຕັ້ງຖິ່ນ​ຖານ ​ໃນດິນ
​ແດນ ທີ່ພວກ​ເຂົາ​ເຈົ້າ ຢາກ​ໃຫ້​ເປັນ​ປະ​ເທດ​ຂອງ​ຕົນ​ໃນ​ອະນາ​ຄົດ ​ແລະ ​ໄດ້​ກ່າວ​ຫາ
ອິສຣາ​ແອ​ລ ວ່າ ພະຍາຍາມ ກີດ​ກັນພວກ​ເຂົາ​ເຈົ້າ ຈາກ​ສະຖາ​ທີ່​ດັ່ງກ່າວ​. ອິສຣາ​ແອ​ລ
​ໄດ້​ປະຕິ​ເສດ ຕໍ່​ຂໍ້​ກ່າວ​ຫານັ້ນ ​ແລະໄດ້​ກ່າວ​ຫາ​ຄືນ​ວ່າ ພວກ​ຫົວ​ຮຸນ​ແຮງ​ ປາ​ແລັສ​ໄຕນ໌
​ປຸກລະດົມ​ ໃຫ້​ປະຊາຊົນ​ກໍ່ການ​ຈະລາຈົນ.

ການ​ໂຈມ​ຕີ​ໃນ​ວັນ​ຈັນ​ມື້​ນີ້ ​ເກີດ​ຂຶ້ນຫຼັງ​ຈາກ ​ເກີດຄວາມ​ຮຸນ​ແຮງ ​ໃນ​ບໍລິ​ເວນອື່ນ​ອີກ​ແຫ່ງ​ນຶ່ງ
ເມື່ອ​ວັນ​ອາທິດ​ວານ​ນີ້ ທີ່​ລວມທັງ​ ການ​ຍິງ​ສັງຫານ ​ເດັກນ້ອຍ​ປາ​ແລັສ​ໄຕ​ນ໌ ອາຍຸ 13 ປີ
ໂດຍ​ອິສຣາ​ແອ​ລຄົນນຶ່ງ ​ໃນ​ລະຫວ່າງ​ ການ​ປະ​ທະ​ກັນ ຢູ່​ນອກ​ດ່ານ​ກວດກາ ​ໃນ​ຝັ່ງ​
ຕາ​ເວັນ​ຕົກ​ຂອງ​ແມ່ນ້ຳຈໍ​ແດັນ ຫຼື West Bank ທີ່​ພວກ​ທະຫານ​ອິສຣາ​ແອ​ລ ກ່າວ​ວ່າ
ພວກ​ປະ​ທ້ວງ ຢູ່​ທີ່​ນັ້ນ ພາກັນ​ໂຈມຕີ​ ພວ​ກ​ເຂົາ​ເຈົ້າ ດ້ວຍ​ການ​ແກວ່ງ​ກ້ອນ​ຫິນ ​ແລະ
ລະ​ເບີດ​ໄຟຕ່າງໆ ​ໃສ່​ເຂົາ​ເຈົ້າ.

XS
SM
MD
LG