ລິ້ງ ສຳຫລັບເຂົ້າຫາ

ເຫດລະເບີດ ສອງຄັ້ງ ຢູ່ນະຄອນ Mogadishu ສັງຫານ ຢ່າງໜ້ອຍ 10 ຄົນ


ສ່ວນໜຶ່ງຂອງຝາ ຖືກທຳລາຍ ຫລັງຈາກເຫດລະເບີດແຕກ ຢູ່ຄຸ້ມ Hamarweyne ໃນນະຄອນຫຼວງ Mogadishu ປະທດ Somalia ວັນທີ 26 ກຸມພາ 2016.

ສ່ວນໜຶ່ງຂອງຝາ ຖືກທຳລາຍ ຫລັງຈາກເຫດລະເບີດແຕກ ຢູ່ຄຸ້ມ Hamarweyne ໃນນະຄອນຫຼວງ Mogadishu ປະທດ Somalia ວັນທີ 26 ກຸມພາ 2016.

ຢ່າງ​ໜ້ອຍ 12 ຄົນ​ໄດ້​ເສຍ​ຊີວິດ ​ແລະ​ຫລາຍກວ່າ 30 ຄົນ​ໄດ້
​ຮັບ​ບາດ​ເຈັບໃນ​ເຫດລະ​ເບີດ​ຂະໜາດແຮງ​ສອງ​ຄັ້ງ​ແລະການ
​ຍິງ​ຕໍ່ສູ້ກັນ​ ຢູ່ທີ່ນະຄອນຫຼວງ Somalia ​ໃນ​ຕອນ​ແລງ​ວັ​ນສຸກ​
ວານ​ນີ້.

ກຸ່ມ​ຫົວຮຸນ​ແຮງ Al-Shabab ​ໄດ້​ອ້າງ​ເອົາ​ຄວາມ​ຮັບຜິດຊອບ
ໃນ​ການ​ໂຈມ​ຕີ​ດັ່ງກ່າວ.

ບັນດາ​ຜູ້​ເຫັນ​ເຫດການ​ລາຍ​ງານວ່າ ລົດ​ບັນ​ທຸກ​ຄັນ​ໜຶ່ງ​ທີ່ເຕັ​ມ
​ໄປ​ດ້ວຍ​ລະ​ເບີດ ​ໄດ້ແຕກ​ຂື້ນ​ຢູ່ທີ່ດ່ານກວດຂອງ​ເຈົ້າໜ້າ​ທີ່​ໃກ້​
ກັບໂຮງ​ແຮມ SYL ​ໃນ​ນະຄອນ Mogadishu ປະມານ 7 ​ໂມງ
45 ​ໃນຕອນ​ແລງວານ​ນີ້ຕາມ​ເວລາ​ທ້ອງ​ຖິ່ນ.

ລັດຖະມົນຕີ​ຮັກສາ​ຄວາ​ມປອດ​ໄພ Somalia ທ່ານ Abdirizak Omar Mohamed
ກ່າວ​ຕໍ່ ວີ​ໂອ​ເອ ພະ​ແນ​ກພາສາ Somalia ວ່າ ສະມາຊິກ​ຫ້າ​ຄົນ​ຂອງອົວການ​ຮັກສາ​
ຄວາມ​ປອດ​ໄພແຫ່ງ​ຊາດ ​ໄດ້​ເສຍ​ຊີວິດ​ໃນ​ທັນ​ທີຢູ່​ດ່ານ​ກວດ ​ດັ່ງກ່າວ ເວລາ​ລະ​ເບີດ
​ແຕກ​ຂື້ນ​ເທື່ອ​ທຳ​ອິດ. ທ່ານ​ກ່າວ​ວ່າ ຜູ້​ຂັບ​ລົດສະ​ລະ​ຊີບ​ກໍໄດ້​ເສຍ​ຊີວິດ​ເຊັ່ນ​ກັນ.

ຜູ້ຊາຍໂຊມາເລຍ ຄົນໜຶ່ງໄດ້ຮັບບາດເຈັບ ຈາກລະເບີດແຕກ ທີ່ ນະຄອນຫລວງ Mogadishu ປະເທດ Somalia.

ຜູ້ຊາຍໂຊມາເລຍ ຄົນໜຶ່ງໄດ້ຮັບບາດເຈັບ ຈາກລະເບີດແຕກ ທີ່ ນະຄອນຫລວງ Mogadishu ປະເທດ Somalia.

ໃນ​ເວລາ​ຕໍ່​ມ​າ ພວກ​ມື​ປືນ​ສາມ​ຄົນ​ໄດ້​ອອກ​ຈາກ​ລົດ ​ແລ້ວ​ເລີ້ມ​ຍິງປືນ​ເຂົ້າ​ໃສ່ໃນ​ຄວາມ
​ພະຍາຍາມ​ທີ່​ຈະບຸກ​ເຂົ້າ​ໄປ​ໃນ​ໂຮງ​ແຮມ ​ແຕ່​ໄດ້​ຖືກກຳລັງ​ຮັກສາ​ຄວາມ​ປອດ​ໄພສະກັດ
​ກັ້ນ​ເອົາ​ໄວ້.

ທ່ານ Mohamed ກ່າວ​ວ່າ ກຳລັງ​ຮັກສາ​ຄວາມ​ປອດ​ໄພ ​ແລະ​ພວກຍາມ​ຢູ່​ທີ່​ໂຮງ​ແຮມ ​
ໄດ້​ຍິງສັງຫານ​ພວກ​ຫົວ​ຮຸນ​ແຮງ​ສາມ​ຄົນ ກ່ອນ​ເຂົາ​ເຈົ້າ​ເຂົ້າໄປເຖິງໂຮງ​ແຮມ. ບັນດາ​ຜູ້​
ເຫັນ​ເຫດການ​ໃຫ້ການ​ຢືນຢັນ​ວ່າ ພວກ​ຫົວ​ຮຸນ​ແຮງ al-Shabab ​ບໍ່​ສາມາດບຸກເຂົ້າ
ໄປ​ໃນໂຮງ​ແຮມ​ໄດ້.

​ໃນ​ເວລາ 8​ ​ໂມງ 45 ຕອນ ລົດ​ເກງ​ທີ່​ໃຊ້​ໂດຍ​ພວກ​ມື​ປືນ​ກໍ​ໄດ້​ລະ​ເບີດ​ຂຶ້ນຢູ່ ​ໃກ້ໆ​ນັ້ນ ກໍ່
​ໃຫ້​ເກີດ​ຄວາມ​ເສຍ​ຫາຍ​ເພີ້ມຕື່ມ​ ແລະ​ສົນ​ລະ​ວົນກັນ​ຢູ່​ທີ່​ບ່ອນ​ເກີດ ​ເຫດ.

XS
SM
MD
LG