ເກີດການຢຽບກັນຕາຍ ຢູ່ທີ່ການສະຫລອງບຸນແຫ່ງນຶ່ງ ໃນ
ພາກຕາເວັນອອກຂອງອິນເດຍ ເຮັດໃຫ້ຢ່າງໜ້ອຍ 32 ຄົນ
ເສຍຊີວິດ ແລະອີກ 15 ຄົນເຂົ້າໂຮງໝໍ.
ບັນດາເຈົ້າໜ້າທີ່ ຢູ່ລັດ Bahir ກ່າວວ່າ ການຢຽບກັນຕາຍ
ໄດ້ເກີດຂື້ນໃນວັນສຸກວານນີ້ ເວລາຝູງຊົນເປັນຈຳນວນຫຼວງ
ຫຼາຍ ກຳລັງພາກັນ ອອກຈາກງານສະຫຼອງບຸນ ຂອງສາສະ
ໜາຮິນດູ ທີ່ຮູ້ກັນວ່າ Dussehra ໃນເມືອງຫລວງ Patna.
ຄົນສ່ວນໃຫຍ່ຢູ່ທີ່ນັ້ນແມ່ນຜູ້ຍິງ ແລະເດັກນ້ອຍ ແລະລາຍ
ງານກ່າວວ່າ ຜູ້ເສຍຊີວິດສ່ວນຫລາຍແມ່ນຜູ້ຍິງ.
ອີງຕາມລາຍງານຂ່າວທ້ອງຖິ່ນແລ້ວ ການຢຽບກັນຕາຍເລີ້ມຂຶ້ນ ຂະນະທີ່ມີຂ່າວລືວ່າ
ສາຍໄຟຟ້າໄດ້ຕົກລົງມາໃສ່ຝູງຊົນ ແລະຂ່າວໄດ້ເລີ້ມແຜ່ກະຈາຍອອກໄປ ເຮັດໃຫ້ຄົນຮີບ
ຮ້ອນໜີອອກຈາກປະຕູ.
ການຢຽບກັນຕາຍ ມັກເກີດຂື້ນຢູ່ເລື້ອຍໆ ໃນການສະຫລອງບຸນທາງສາສະໜາຂອງຊາວ
ອິນເດຍ ບ່ອນທີ່ມີຝູງຊົນເປັນຈຳນວນຫຼວງຫຼາຍ ໂຮມຊຸມນຸມກັນຢູ່ໃນບໍລິເວນທີ່ແອອັດ
ຕ່າງໆ.
ບັນດາເຈົ້າໜ້າທີ່ກ່າວວ່າ ຜູ້ຄົນຈຳນວນນຶ່ງພາກັນເປັນລົມ ແລະຖືກນຳສົ່ງໄປໂຮງໝໍທີ່ຢູ່
ໃກ້ຄຽງນັ້ນ.
ຢູ່ໃນພິທີສະຫລອງບຸນ Dussehra ທີ່ນິຍົມກັນນັ້ນ ໄດ້ມີການເຜົາຫຸ່ນຂອງກະ ສັດຜີມານ
Ravana ເພື່ອເປັນສັນຍາລັກ ຂອງການໄດ້ຮັບໄຊຊະນະໃນການ ທຳຄວາມດີ ຕໍ່ຄວາມ
ຊົ່ວຊ້າສາມານນັ້ນ.
