ລິ້ງ ສຳຫລັບເຂົ້າຫາ

22 ຄົນຖືກຈັບ ຫຼັງຈາກ ບຸກ​ເຂົ້າ​ໄປ​ໃນ​ຄຸກ ແລ້ວຂ້າ ຜູ້ຕ້ອງສົງໄສຂົ່ມຂືນສຳເລົາ ຕາຍ ໃນອິນເດຍ


ບັນດາຕຳຫລວດອິນເດຍ ກັກໂຕພວກນັກເຄື່ອນໄຫວຂອງກຸ່ມ Asomiya Yuva Mancha (AYM) ໃນລະຫວ່າງການປະທ້ວງ ຕໍ່ຕ້ານການຂ້າຜູ້​ຕ້ອງ​ສົງ​ໄສ​ໃນ​ຖານ​​ຂົ່ມຂືນສຳ​ເລົາ ຄົນ​ໜຶ່ງ​ຈົນ​ຕາຍ ຢູ່ດ້ານໜ້າຂອງສະພາລັດ Nagaland ໃນເມືອງ Gauhati, ວັນເສົາທີ 7 ມີນາ 2015.

ບັນດາຕຳຫລວດອິນເດຍ ກັກໂຕພວກນັກເຄື່ອນໄຫວຂອງກຸ່ມ Asomiya Yuva Mancha (AYM) ໃນລະຫວ່າງການປະທ້ວງ ຕໍ່ຕ້ານການຂ້າຜູ້​ຕ້ອງ​ສົງ​ໄສ​ໃນ​ຖານ​​ຂົ່ມຂືນສຳ​ເລົາ ຄົນ​ໜຶ່ງ​ຈົນ​ຕາຍ ຢູ່ດ້ານໜ້າຂອງສະພາລັດ Nagaland ໃນເມືອງ Gauhati, ວັນເສົາທີ 7 ມີນາ 2015.

ຕຳຫລວດ​ໃນ​ອິນ​ເດຍ ​ໄດ້​ຈັບ​ກຸມ ຢ່າງ​ນ້ອຍ 22 ຄົນ ຫຼັງຈາກ​ຝຸງ
ຄົນໂມ​ໂຫຮ້າຍກຸ່ມ​ໜຶ່ງ ​ໄດ້​ບຸກ​ເຂົ້າ​ໄປ​ໃນ​ຄຸກ ແລ້ວທຸບ​ຕີຜູ້​ຕ້ອງ
​ສົງ​ໄສ​ໃນ​ຖານ​ທຳ​ການ​ຂົ່ມຂືນສຳ​ເລົາ ຄົນ​ໜຶ່ງ​ຈົນ​ຕາຍ ຢູ່ລັດ
Nagaland ທາງພາກ​ຕາ​ເວັນ​ອອກສຽງ​ເໜືອຂອງ​ປະ​ເທດ.

ຄວາມ​ເຄັ່ງ​ຕຶງ​ຍັງ​ຢູ່​ໃນ​ລະດັບສູງ ​ໃນ​ວັນ​ອາທິດ​ວານ​ນີ້ ຫຼັງຈາກ
ຫຼາຍພັນຄົນ​ ໄດ້​ບຸກ​ເຂົ້າ​ໄປ​ໃນຄຸກ​ແຫ່ງ​ໜຶ່ງ ​ໃນ​ເມືອງ Dimapur
​ເພື່ອ​ລາກ​ເອົາຕົວຜູ້​ຕ້ອງ​ສົງ​ໄສ​ທຳ​ການ​ຂົ່ມຂືນອອກ​ມາ ​ແລ້ວ​ທຸບ
​ຕີ​ຜູ້ກ່ຽວ​ຈົນ​ຕາຍ ​ແລ​ະ ມັດ​ສົບ​ຂອງ​ຜູ້ກ່ຽວ​ໃສ່ກັບ​ຫໍ​ນາລິກາ ​ເມື່ອ
​ວັນ​ພະຫັດ​ຜ່ານ​ມາ.

ຕຳຫລວດ​ກ່າວ​ວ່າ ພວກ​ທີ່​ຖືກ​ຈັບ​ກຸມ ​ໄດ້ຖືກຕັ້ງຂໍ້ຫາ​ ​ກໍ່​ຄວາມ​ວຸ້ນວາຍ. ບໍ່​ມີ​ຄວາມ​ຈະແຈ້ງ​
ວ່າ ພວກ​ເຂົາ​ເຈົ້າມີ​ສ່ວນ​ກ່ຽວຂ້ອງ​ກັບ​ການ​ຕາຍ​ຂອງ​ທ້າວ Syed Farid Khan ​ໄວ 35 ປີ ຫຼືບໍ່ ຊຶ່ງ​ຜູ້ກ່ຽວ​ໄດ້​ຖືກ​ກ່າວ​ຫາ​ວ່າ ​ທຳ​ການ​ຂົ່ມຂືນ ຜູ້ຍິງເຜົ່າ Naga ​ໄວ 19 ປີ ຄົນ​ໜຶ່ງ ຊ້ຳ​ແລ້ວ​ຊ້ຳອີກຫຼາຍຄັ້ງ.

ທ້າວ Khan ​ເປັນ​ຊາວ​ມຸສລິ​ມທີ່​ປາກ​ເວົ້າພາສາ Bengali ​ແລະ ຄອບຄົວ​ຂອງ​ລາວ ​ໄດ້​ກ່າວ​ຫາ​ຕຳຫລວດ ວ່າ ບົ່ງ​ໂຕ​ລາວ​ຢ່າງ​ຜິດພາດ ​ໃນ​ການ​ຂົ່ມຂືນດັ່ງກ່າວ ​ເພື່ອ​ພະ​ຍາ​ຍາມ​ທີ່​ຈະ​ຂັບ​ໄລ່​ຊາວ​ມຸສລິ​ມ ອອກ​ໄປ​ຈາກລັດ Nagaland.

ບັນດາຊົນ​ເຜົ່າ​ພື້ນ​ເມືອງ​ຂອງ​ລັດ Nagaland ໄດ້​ກ່າວ​ຫາ ​ເປັນ​ເວລາ ຫຼາຍໆ​ປີ​ມາ​ແລ້ວ ​ພົນລະ​ເມືອງ​ຊາວ​ມຸສລິ​ມ ທີ່ເວົ້າພາສາ Bengali ​ ທີ່​ມີ​ຈຳນວນ​ເພີ້​ມຂຶ້ນນັບ​ມື້ ມາຈາກລັດ​ໃກ້​ຄຽງ Assam ​ແລະຈາກບັງ​ກລາ​ແດັສ ວ່າເຂົ້າ​ໄປຕັ້ງ ຖິ່ນຖານ​ໃນ​ດິນ​ແດນ​ຂອງ​ພວກ​ເຂົາ​ເຈົ້າ​ ຢ່າງ​ຜິດ​ກົດໝາຍ ​ແລະ​ສວາຍ​ໃຊ້​ຊັບພະຍາກອນ​ທຳ​ມະ​ຊາດ​ຕ່າງໆ.

ການທຸບ​ຕີ​ຈົນ​ເສຍ​ຊີວິດດັ່ງກ່າວ ມີ​ຂຶ້ນບໍ່​ເທົ່າ​ໃດມື້ ຫຼັງຈາກ​ລັດຖະບານ​ອິນ​ເດຍ ​ໄດ້​ຫ້າມ​ນຳ​ສາຍ ສາ​ລະ​ຄະດີ​ຮູບ​ເງົາ ຂອງ BBC ​ກ່ຽວ​ກັບການ​ຂົ່ມຂືນ​ນັກ​ສຶກສາສາວ ຈົນເຖິງ​ແກ່​ຊີ​ວິດ ເມື່ອ​ເດືອນທັນວາ ປີ 2012 ​ໃນ​ນະຄອນຫລວງ New Delhi ທີ່ໄດ້​ສ້າງ​ຄວາມ​ຕື່ນ​ຕົກ​ໃຈ ຢູ່ພາຍ​ໃນ​ອິນ​ເດຍ ​ແລະ ທົ່ວ​ໂລກ.

XS
SM
MD
LG