ລິ້ງ ສຳຫລັບເຂົ້າຫາ

ນາຍຍົກ​​ໃໝ່ ອອສ​ເຕຣ​ເລຍ ຢ້ຽມ​ຢາມ ອິນ​ໂດ​ເນ​ເຊຍ


ທ່ານ Tony Abbott ນາຍຍົກ​ລັດຖະມົນຕີ​ໃໝ່ອອສ​ເຕຣ​ເລຍ ​ແລະປະທານາທິບໍດີ Susilo Bambang Yudhoyono ແຫ່ງ​ອິນ​ໂດ​ເນ​ເຊຍ
ທ່ານ Tony Abbott ນາຍຍົກ​ລັດຖະມົນຕີ​ໃໝ່ ອອສ​ເຕຣ​ເລຍ ​
ໄດ້​ເດີນທາງ​ໄປຮອດ​ສູ່​ອິນ​ໂດ​ເນ​ເຊຍ​ໃນ​ວັນ​ຈັນ​ມື້​ນີ້ ເພື່ອ​ທຳ​
ການ​ຢ້ຽມຢາມ​ ທີ່​ເບິ່ງ​ຄື​ວ່າ​ຈະ​ຄອບ​ງຳໂດຍ​ນະ​ໂຍບາຍທີ່ເຂັ້ມ​
ງວດວ່າ​ດ້ວຍ​ພວກ​ຫາ​ທາງ​ຂໍ​ລີ້​ໄພ​ຂອງ​ທ່ານ​ນັ້ນ.

ທ່ານ Abbot ​ເລີ້ມ​ການ​ຢ້ຽມຢາມ​ຂອງ​ທ່ານ​ທີ່​ກຸງ Jakarta ​ ດ້ວຍ
​ການວາງພວງ​ມາ​ລາທີ່ປາ​ຊ້າ​ແຫ່ງ​ຊາດ​ແຫ່ງ​ນຶ່ງ​ເພື່ອ​ໃຫ້​ກຽດ​ແກ່​ວີ
ລະ​ບຸລຸດ​ສົງຄາມ​ອິນ​ໂດ​ເນ​ເຊຍ ​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງ​ກ່ອນ
​ການ​ພົບ​ປະກັບ​ປະທານາທິບໍດີ Susil Bambang Yudhoyono
ທີ່​ມີ​ໝາຍ​ກຳນົດ​ໄວ້​ກ່ອນ​ໜ້າ​ນັ້ນ.

ການ​ພົບ​ປະລະ​ຫວ່າງ​ຜູ້ນຳ​ທັງສອງ ມີ​ຂຶ້ນ​ໃນ​ເວລາຫລາຍມື້ ຫລັງ​ຈາກ​ພວກ​ຫາ​ທາງ​ຂໍລີ້​ໄພຢ່າງ​ໜ້ອຍ 36 ຄົນ​ເສຍຊີວິດ ​ເວລາ​ເຮືອ​ຂອງ​ພວກ​ເຂົາ​ເຈົ້າ​ຫລົ້ມ​ຢູ່ໃນ​ນ່ານນ້ຳນອກ
​ຝັ່ງ​ທະ​ເລເກາະຂອງ​ອິນ​ໂດ​ເນ​ເຊຍ​ນັ້ນ. ຜູ້ນຳ​ໃໝ່​ຂອງ​ອອສ​ເຕຣ​ເລຍ ​ໄດ້​ຊະນະ​ການ
​ເລືອກ​ຕັ້ງ​ແຫ່ງຊາດ​ໃນ​ຕົ້ນເດືອນ​ນີ້ ທີ່​ໄດ້​ໃຫ້​ຄຳ​ໝັ້ນ​ສັນຍາ​ໄວ້​ວ່າ​ຈະ​ຢຸດ​ການ​ລັ່ງ​ໄຫລ
​ເຂົ້າ​ມາ​ຢ່າງ​ບໍ່​ຢຸດ​ຢ່ອນທາງ​ເຮືອຂອງ​ພວກ​ຊອກ​ຫາ​ທາງ​ຂໍ​ລີ້​ໄພ​ຈາກ​ອິນ​ໂດ​ເນ​ເຊຍ​ໄປ
​ຫາ​ອອສ​ເຕຣ​ເລຍ​ນັ້ນ.

ພາຍ​ໃຕ້​ນະ​ໂຍບາຍ​ໃໝ່ ​ໄດ້​ມີ​ການ​ສັ່ງ​ໃຫ້​ພວກ​ກອງທັບ​ເຮືອ​ຂອງ​ອອສ​ເຕຣ​ເລຍ ປ້ອງ
ກັນ​ບໍ່​ໃຫ້​ເຮືອ​ພວກ​ຫາ​ທາງ​ຂໍ​ລີ້​ໄພ​ເຫລົ່າ​ນີ້​ເຂົ້າ​ໄປ​ເຖິງ​ຝັ່ງແລະ​ສົ່ງ​ພວກ​ເຂົາເຈົ້າ​ກັບຄືນ​
ໄປ ​ເວລາ​ໃດ​ຫາກ​ເປັນ​ໄປ​ໄດ້​. ນະ​ໂຍບາຍ​ດັ່ງກ່າວ​ໄດ້​ສ້າງ​ຄວາມໂມ​ໂຫ​ໂທ​ໂສ​ໃຫ້​ແກ່​
ລັດຖະບານ​ກຸງ​ຢາ​ກາກ​ຕ້າ ​ໂດຍ​ເຕືອນ​ວ່າ ການ​ກະທຳ​ຂອງ​ອອສເຕຣ​ເລຍ​ນີ້​ ລະ​ເມີດ​
ອະທິປະ​ໄຕ​ຂອງ​ອິນ​ໂດ​ເນ​ເຊຍ.
XS
SM
MD
LG