ລິ້ງ ສຳຫລັບເຂົ້າຫາ

ນັກບິນ ອະວະກາດ ສະຫະລັດ ແລະນັກເຫາະ ຈັກກະວານ ຣັດເຊຍ ກັບຄືນສູ່ໂລກ


ນຶ່ງປີໃນການປະຕິບັດງານ ເທິງສະຖານີອະວະກາດນາໆຊາດ ທ່ານ Scott Kelly ຈາກອົງການ NASA (ຊ້າຍ) ແລະທ່ານ Mikhail Kornienko ແຫ່ງອົງການ Roscosmos.

ຫຼັງຈາກ​ຢູ່​ເທິງ​ວົງ​ໂຄຈອນ​ເປັນ​ເວລາ 340 ມື້​ແລ້ວ ນັກ​ບິນ​ອະ
ວະກາດ​ອາ​ເມຣິກັນ​ທ່ານ Scott Kelly ​ແລະ​ນັກ​ເຫາະ​ຈັກ​ກະ​
ວານຣັດ​ເຊຍ ທ່ານ Mikhail Kornienko ກໍ​ໄດ້​ກັບ​ຄືນ​ສູ່​ໂລກ​
ດ້ວຍ​ຄວາມ​ປອດ​ໄພ.

ຍານ​ອະວະກາດ​ Soyuz ຂອງຣັດ​ເຊຍ​ ​ໄດ້​ນຳ​ເອົາ​ທ່ານ Kelly ​
ແລະ ​ທ່ານ Kornienko ພ້ອມ​ທັງ​ນັກ​ເຫາະ​ຈັກກະວານຣັດ​ເຊຍ
​ຄົນທີ​ສອງທ່ານ Sergey Volkov ​ໄດ້​ລົງ​ຈອດ​ດ້ວຍ​ຄວາມ​ລາບ
​ລື່ນທີ່​ທົ່ງກວ້າງໃນ​ກາ​ຊັກ​ສະຖານໃນຕອນ​ເຊົ້າວັນ​ພຸດ​ມື້ນີ້ 3 ຊົ່ວ
​ໂມງ​ລຸນ​ຫລັງ​ທີ່​ໄດ້​ແຍກ​ໂຕ​ອອກ​ຈາກ​ສະຖານີ​ອະວະກາດນາໆ
​ຊາດ. ທ່ານ Volkov ​ໄດ້​ກັບ​ຄືນ​ມາ​ຍັງ​ໂລກ​ຫລັ​ງຈາກ​ໄດ້​ໃຊ້​ເວ
ລາຢ່າງ​ນ້ອຍ 6 ​ເດືອນ​ຢູ່​ເທິງ​ສະຖານີ​ອະວະກາດ​ນາໆ​ຊາດ​ ຊຶ່ງ​ເປັນ​ໄລຍະ​ເວລາປົກກະຕິ​
ທີ່ນັກ​ບິນ​ອະວະກາດ​ປະຕິບັດ​ງານ​ຢູ່​ເທິງ​ສະຖານີ​ອະວະກາດ​ນາໆ​ຊາດ.

ທ່ານ Kelly ​ເວລາ​ນີ້​ແມ່ນ​ນັກ​ບິນ​ອະວະກາດສະຫະລັດ ​ທີ່ຢູ່​ເທິງ​ອະວະກາດ​ຕິດ​ຕໍ່​ກັນ​ດົນ
ເປັນ​ປະຫວັດ​ກາດ ​ໃນ​ຂະນະ​ທີ່​ທ່ານ ​ແລະ​ທ່ານ Kornienko ​ໂຄຈອນອ້ອມ​ໂລກ​ 5,440
​ເທື່ອ ຢູ່​ເທິງ​ສະຖານີ​ອະວະກາດ​ນາໆ​ຊາດຄືກ​ວມ​ເອົາ​ໄລຍະທາງ 144 ລ້ານ​ໄມ​ແລະ​ເຫັນ
​ຕາ​ເວັນ​ຂຶ້ນ ​ແລະ​ຕາ​ເວັນ​ຕົກ ​ຢູ່​ເທິງ​ວົງ​ໂຄຈອນ 10,880 ​ເທື່ອ.

ການ​ປະຕິບັດ​ງານ​ຂອງນັກ​ບິນ​ອະວະກາດ​ທັງ​ສອງແມ່ນ​ເພື່ອ​ວັດ​ແທກ​ເບິ່ງຜົນກະທົບກ່ຽວ​
ກັບ​ການ​ເປັນ​ຢູ່​ທ່າມກາງ​ສະພາບ​ແວດ​ລ້ອມ​ທີ່​ມີ​ແຮງ​ດຶງ​ດູດ​ໜ້ອຍ​ເປັນ​ເວລາ​ດົນ​ນານ ທີ່ມີ
ຕໍ່​ຮ່າງກາຍ​ແລະ​ຈິດ​ໃຈ ດ້ວຍ​ຈຸດປະສົງ​ທີ່​ແນ​ໃສ່​ເພື່ອ​ວາງ​ແຜນ​ໃນ​ອະນາຄົດ​ກ່ຽວກັບ​ການ​
ປະຕິບັດ​ງານ​ເປັນ​ເວລາ​ຫຼາຍໆ​ປີ ທີ່​ຈຳ​ເປັນ​ຈະ​ຕ້ອງ​ນຳ​ເອົາ​ນັກ​ບິນ​ອະວະກາດ​ ໄປ​ສູ່ດາວ​
ພະ​ອັງຄານ​ແລະ​ດວງ​ດາວ​ອື່ນໆ​ໃນ​ລະບົບສຸລິຍະ​ຈັກກະວານ.

ທ່ານໝໍຣັ​ດ​ເຊຍ​ຄົນ​ນຶ່ງ ຍັງ​ສືບ​ຕໍ່​ເປັນ​ຜູ້​ກຳ​ສະຖິຕິ​ ຢູ່​ເທິງ​ອະວະກາດ​ດົນ​ນານ​ທີ່​ສຸດ​ເປັນ​ເວ
ລາ 438​ ມື້ ທີ່​ທ່ານ​ໄດ້​ເຮັດ​ໄວ້​ໃນ​ກາງ​ຊຸມ​ປີ​ 1990.

XS
SM
MD
LG