ລິ້ງ ສຳຫລັບເຂົ້າຫາ

ຊີເຣຍ ພ້ອມແລ້ວ ທີ່ຈະຊ່ວຍເຫຼືອ ໃນການຈັດຕັ້ງປະຕິບັດ ແຜນການຢຸດຍິງ


ອາສາສະໝັກຊີເຣຍ ແລະ ພີ່ນ້ອງທັງຫຼາຍ ແກວ່ງທຸງຊາດ ແລະ ຮູບພາບຂອງປະທານາທິບໍດີ ທ່ານ Bashar al-Assad ໃນຂະນະທີ່ພວກເຂົາເຈົ້າສະເຫຼີມສະຫຼອງ ໃນຕອນ ທ້າຍຂອງການຝຶກແອບ ໜ່ວຍທະຫານເສີມ ດຳເນີນໂດຍ ທະຫາ ຊີເຣຍ ໃນເມືອງ al-Qtaifeh, ໃກ້ກັບນະຄອນຫຼວງ Damascus, 22 ກຸມພາ, 2016.

ອາສາສະໝັກຊີເຣຍ ແລະ ພີ່ນ້ອງທັງຫຼາຍ ແກວ່ງທຸງຊາດ ແລະ ຮູບພາບຂອງປະທານາທິບໍດີ ທ່ານ Bashar al-Assad ໃນຂະນະທີ່ພວກເຂົາເຈົ້າສະເຫຼີມສະຫຼອງ ໃນຕອນ ທ້າຍຂອງການຝຶກແອບ ໜ່ວຍທະຫານເສີມ ດຳເນີນໂດຍ ທະຫາ ຊີເຣຍ ໃນເມືອງ al-Qtaifeh, ໃກ້ກັບນະຄອນຫຼວງ Damascus, 22 ກຸມພາ, 2016.

ປະທານາທິບໍດີ ຊີເຣຍ ທ່ານ Bashar al-Assad ໄດ້ໃຫ້ການຢືນ ຢັນຕໍ່ຄູ່ຕຳ​ແໜ່​ງຝ່າຍ ຣັດເຊຍ ທ່ານ Vladimir Putin ວ່າ ຊີເຣຍ ແມ່ນພ້ອມແລ້ວທີ່ຈະຊ່ວຍ ເຫຼືອ ​ໃນ​ການຈັດຕັ້ງປະຕິບັດການຢຸດ ຍິງ ເຊິ່ງມີແຜນທີ່ຈະເລີ່ມຂຶ້ນໃນວັນເສົາ ທີ່ຈະມານີ້.

ຜູ້ນຳທັງສອງທ່ານໄດ້ລົມກັນຜ່ານທາງໂທລະສັບໃນວັນພຸດມື້ນີ້ ແລະ ໄດ້ກ່າວ ເນັ້ນ​ເຖິງຄວາມສຳຄັນ ຂອງການສືບຕໍ່ໃນ​ການຕໍ່ສູ້ ກັບກຸ່ມກໍ່ການຮ້າຍເຊັ່ນພວກ ລັດອິສລາມ ແລະ ພວກ Jabhat al-Nusra. ພວກຫົວຮຸນແຮງບໍ່ແມ່ນພາກ ສ່ວນ ​ໃນຂໍ້ສະເໜີຍຸຕິ​ການເປັນ​ປໍ​ລະ​ປັກ ຂອງສະຫະລັດ ແລະ ຣັດເຊຍ. ກຸ່ມອື່ນໆ ແມ່ນ ຄວນຈະໃຫ້ຄຳຕອບໃນວັນສຸກທີ່ໃກ້ຈະມາເຖິງນີ້ວ່າ ພວກເຂົາເຈົ້າ ຈະເຂົ້າ ຮ່ວມຫຼືບໍ່.

ຄະນະກຳມະການເຈລະຈາ​ໃນລະດັບສູງ ຂອງກຸ່ມຕໍ່ຕ້ານຫຼັກ ໄດ້ກ່າວວ່າການ ເຂົ້າຮ່ວມຂອງ ພວກເຂົາເຈົ້າ ແມ່ນ​ມີ​ເງື່ອນ​ໄຂ​ກ່ຽວ​ກັບ​ການຈັດສົ່ງປັດ​ໄຈການ ຊ່ວຍເຫຼືອດ້ານມະນຸດສະທຳ ພ້ອມ​ທັງຍຸຕິການປິດລ້ອມ ແລະ ການໂຈມຕີທາງ ອາກາດຕໍ່ພົນລະເຮືອນ.

ກອງກຳລັງປະຊາທິປະໄຕ ຊີເຣຍ ຍ່າງໃນຂົງເຂດທີ່ພວກເຂົາເຈົ້າໄດ້ເຂົ້າ ຄວບຄຸມແທນພວກນັກຮົບ ລັດອິສລາມ ໃນເຂດຊົນນະບົດ Hasaka, ປະເທດ ຊີເຣຍ. 19 ກຸມພາ 2016.

ກອງກຳລັງປະຊາທິປະໄຕ ຊີເຣຍ ຍ່າງໃນຂົງເຂດທີ່ພວກເຂົາເຈົ້າໄດ້ເຂົ້າ ຄວບຄຸມແທນພວກນັກຮົບ ລັດອິສລາມ ໃນເຂດຊົນນະບົດ Hasaka, ປະເທດ ຊີເຣຍ. 19 ກຸມພາ 2016.

ອົງການຂ່າວ Interfax ຂອງ ຣັດເຊຍ ໄດ້ອ້າງຄຳເວົ້າຂອງໂຄສົກ ກະຊວງການ ຕ່າງປະເທດ ທ່ານ Dmitry Peskov ທີ່​ກ່າວວ່າ ການຢຸດຍິງແມ່ນຈຸດເພັ່ງເລັງ ຕົ້ນຕໍຂອງລັດຖະບານ ແລະ ວ່າມັນ ໄວເກີນໄປທີ່ຈະກ່າວ ກ່ຽວກັບ ແຜນການສຳ ຮອງໃດໆ.

ລັດຖະມົນຕີການຕ່າງປະເທດ ສະຫະລັດ ທ່ານ John Kerry ໄດ້ ເອີ້ນການຢຸດ ຍິງນີ້ວ່າເປັນວິທີທີ່ດີທີ່ສຸດທີ່ຈະພະຍາຍາມຍຸຕິສົງ ຄາມທີ່ແກ່ຍາວມາ​ໄດ້ 5 ປີໃນ ຊີເຣຍ. ແຕ່ທ່ານກໍກ່າວຕໍ່ບັນດາສະ ມາຊິກສະພາ ທີ່​ຮັບ​ຟັງ​ຄຳ​ໃຫ້ການ​ຕໍ່ສະພາ ສູງ ໃນວັນອັງຄານ ວານນີ້ວ່າ ມັນບໍ່ມີການຮັບປະກັນວ່າ ການຢຸດຍິງຈະນຳໄປສູ່ບາດ ກ້າວທີ່ເປັນແງ່ບວກ ໃນເປົ້າໝາຍອັນໃຫຍ່ໂຕຂອງການນຳເອົາ ການແກ້ໄຂ ບັນຫາທາງດ້ານການເມືອງມາສູ່ວິກິດການດັ່ງກ່າວນີ້.

ທ່ານ Kerry ໄດ້ຕອບຄຳຖາມ ກ່ຽວກັບ ສິ່ງທີ່ຈະເກີດຂຶ້ນ ຖ້າຫາກມີການລະເມີດ ສັນຍາຢຸດຍິງ ໂດຍກ່າວວ່າ ມັນຈະບໍ່ມີການລົງໂທດ.

ທ່ານ​ເວົ້າວ່າ “​ໄດ້ມີການປຶກສາຫາລືທີ່ສຳຄັນ ກຳລັງເກີດຂຶ້ນໃນຕອນນີ້ ກ່ຽວກັບ ແຜນການ ທີ 2 ຖ້າພວກເຮົາບໍ່ປະສົບຜົນສຳເລັດ ທີ່ໂຕະເຈລະຈາ.”

XS
SM
MD
LG