ສາຍການບິນ Asiana ກໍາລັງປ່ຽນແປງ ຫຼັກສູດການເຝິກອົບ
ລົມນັກບິນຂອງຕົນ ເພື່ອຊຸກຍູ້ສົ່ງເສີມໃຫ້ນັກບິນຜູ້ເປັນຫົວໜ້າ
ແລະນັກບິນຜູ້ຊ່ວຍ ຫຼື co-pilot ເວົ້າລົມກັນຫຼາຍຂຶ້ນແລະປັບ
ປ່ຽນປະເພນີການປະຕິບັດຢູ່ໃນຫ້ອງບັງຄັບເຮືອບິນ. ການສຶບ
ສວນສອບສວນຂອງສະຫະລັດບັ້ນນຶ່ງພົບວ່າ ເລຶ່ອງວັດທະນະ
ທໍາຂອງບໍລິສັດທຸລະກິດເກົາຫຼີໃຕ້ ທີ່ຖືຜູ້ອະວຸໂສເປັນໃຫຍ່ນັ້ນ
ອາດເປັນປັດໃຈສໍາຄັນ ທີ່ພາໃຫ້ເກີດອຸບັດເຫດທີ່ຮ້າຍແຮງ
ເຖິງຂັ້ນມີຄົນຕາຍຂອງສາຍການບິນ Asiana ເມື່ອປີຜ່ານມາ
ທີ່ລັດ Califrnia. ຜູ້ສື່ຂ່າວວີໂອເອ Carolyn Presutti ມີລາຍ
ງານກ່ຽວກັບວ່າ ບາດກ້າວໃໝ່ນີ້ມີຄວາມໝາຍແນວໃດຕໍ່ວົງ
ການການບິນຂອງເກົາຫຼີໃຕ້ ຊຶ່ງທອງປານຈະນໍາມາສະເໜີທ່ານ.
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ຖ້ຽວບິນທີ 214 ຂອງສາຍການບິນ Asiana ປະສົບອຸບັດຕິເຫດ ຂະນະແລ່ນລົງສະໜາມ
ບິນ San Francisco ເມື່ອເດືອນກໍລະກົດ ປີຜ່ານມາ ຊຶ່ງພາໃຫ້ເສຍຊີວິດໄປສາມຄົນ ແລະບາດເຈັບອີກ 180.
ເດືອນຕໍ່ມາ ວີໂອເອ ເປັນແຫຼ່ງຂ່າວທໍາອິດທີ່ລາຍງານວ່າ ການທີ່ເຮືອບິນຕົກນັ້ນອາດໄດ້
ມີສ່ວນພົວພັນກັບ ວັດທະນະທໍາຖືລໍາດັບຊັ້ນອະວຸໂສເປັນໃຫຍ່ຢູ່ໃນຫ້ອງບັງຄັບເຮືອບິນ
ກໍຄືນັກບິນຜູ້ຊ່ວຍຈະປ່ອຍໃຫ້ນັກບິນຜູ້ເປັນຫົວໜ້ານັ້ນ ເປັນຄົນຕັດສິນໃຈໃນເລື້ອງຕ່າງໆ
ເຖິງແມ່ນນັກບິນຜູ້ຊ່ວຍຈະຢ້ານວ່າ ກໍາລັງຈະເກີດໄພອັນຕະລາຍກໍຕາມ ແລະກໍຈະບໍ່
ສະແດງຄວາມເຫັນຫຍັງອອກມາເລີຍ.
ການຮັບຟັງຄໍາໃຫ້ການກ່ຽວກັບອຸບັດດັ່ງກ່າວ ຂອງກໍາມະການຄວາມປອດໄພດ້ານການ
ຂົນສົ່ງແຫ່ງຊາດສະຫະລັດ ຫຼື NTSB ເມື່ອເດືອນທັນວາປີຜ່ານມາ ພົບວ່າ ນັກບິນຜູ້ຊ່ວຍ
ຂອງຖ້ຽວບິນ Asiana ຖ້ຽວນັ້ນ ຮູ້ສຶກວ່າຕົນບໍ່ມີສິດ ທີ່ຈະລົບລ້າງການລົງຈອດຂອງເຮືອ
ບິນ ທີ່ກໍາລັງແລ່ນລົງເດີ່ນໃນລະດັບຕໍ່າ ແລະຊ້າເກີນໄປນັ້ນ.
ຖ້ຽວບິນທີ 214 ຕົກລົງ ເວລານັກບິນພະຍາຍາມຈະເອົາເຮືອບິນຂຶ້ນຄືນ ແຕ່ເນື່ອງຈາກ
ເຮືອບິນຢູ່ໃນລະດັບຕໍ່າ ຫາງຂອງເຮືອບິນຈຶ່ງໄປຕໍາກັບກໍາແພງຄອນກຣີດ ກັ້ນທາງແລ່ນ
ກັບນໍ້າທະເລ ຂອງເດິ່ນບິນສາກົນນະຄອນ ແຊນ ແຟຣນຊິສໂກ ເຮັດໃຫ້ເຮືອບິນຕົກລົງ
ແລະຫັກອອກເປັນທ່ອນ.
ແລະບັດນີ້ ສາຍການບິນ Asiana ກໍາລັງປັບປ່ຽນ ວິທີການເຝິກອົບລົມພວກນັກບິນຂອງ
ຕົນແລ້ວ.
Asiana ຊຶ່ງເປັນສາຍການບິນໃຫຍ່ທີ່ສຸດອັນດັບສອງຂອງເກົາຫຼີໃຕ້ນັ້ນ ຈະຊຸກຍູ້ໃຫ້ມີ
ວັດທະນະທໍາ ທີ່ເປັນມິດກັນຫຼາຍຂຶ້ນ ຢູ່ໃນຫ້ອງບັງຄັບເຮືອບິນ ແທນທີ່ຈະໃຊ້ລະບົບທີ່
ອິງໃສ່ ຄວາມເປັນຜູ້ອາວຸໂສໃນສາຍການບິນ, ສະຖານະພາບທະຫານ ຫຼືອາຍຸ ເປັນຕົ້ນ.
David Kirstein ຈາກບໍລິສັດ Kirstein & Young ເວົ້າວ່າ:
“ເຮົາຈະມີນັກບິນສອງຄົນຢູ່ໃນເຮືອບິນເຮັດຫຍັງ ຖ້າວ່າເຂົາເຈົ້າຈະບໍ່ເວົ້າ ບໍ່ລົມກັນ?”
ທ່ານ David Kirstein ທີ່ທໍາງານກ່ຽວກັບ ກົດໝາຍຄວບຄຸມການບິນ ບໍ່ປະຫຼາດໃຈ
ຫຍັງເລີຍ ກ່ຽວກັບການເຝິກອົບລົມໃໝ່ນີ້. ທ່ານ ເຄີສະຕາຍໃຫ້ຄວາມເຫັນອີກວ່າ:
“ກໍຄົງຈະມີແຮງກົດດັນຈາກພວກເຈົ້້າໜ້າທີ່ການບິນສະຫະລັດ ຈາກກໍາມະການ
NTSB ຫຼືລັດຖະບານຂອງເຂົາເຈົ້າເອງ ແລະກໍອາດຈະມີການຕົກຕໍ່າລົງ ໃນຈໍາ
ນວນຜູ້ໂດຍສານ. ພວກຜູ້ຊົມໃຊ້ພາກັນເປັນຫ່ວງຫຼາຍໃນເລື້ອງຄວາມປອດໄພ.
ຖ້າຫາກວ່າ ບໍ່ມີຄົນຂີ່ເຮືອບິນແລ້ວ ນັ້ນກໍຈະເປັນປັດໃຈຈູງໃຈທີ່ແຮງທີ່ສຸດ.”
CEO ຂອງສາຍການບິນ Asiana (ຂວາ) ຖະແຫຼງຕໍ່ກອງປະຊຸມນັກຂ່າວ ຢູ່ກຸງໂຊລ, ວັນທີ 10 ກຸມພາ 2014.
ຫົວໜ້າບໍລິຫານ ຫຼືຊີອີໂອ ຂອງສາຍການບິນ Asiana ຍອມຮັບ
ວ່າ ມີແນວໂນ້ມໃນເກົາຫຼີໃຕ້ ໄປສູ່ການປະຕິບັດວັດທະນະທໍາຖື
ລໍາດັບຊັ້ນອະວຸໂສເປັນໃຫຍ່ ຊຶ່ງທ່ານເວົ້າວ່າ ນັກບິນຫຼາຍໆຄົນ
ຈະທໍາງານຫຼືຂັບເຮືອບິນ ຢູ່ພາຍໃຕ້ກົດອັນເຄັ່ງຄັດຂອງທະຫານ.
ທ່ານ ເຄີສະຕາຍ ເວົ້າໃນທີ່ສຸດວ່າ ສາຍການບິນອື່ນໆ ກໍຄວນຈະ
ໃຫ້ຄວາມສົນໃຈແກ່ການປັບປຸງຂອງສາຍການບິນ Asiana ແລະ
ເຂົ້າໃຈໃນຄວາມສໍາຄັນຂອງການສື່ສານກັນແບບເປີດກວ້າງ ຢູ່ໃນ
ຫ້ອງບັງຄັບເຮືອບິນນັ້ນ.
ວີດີໂອ: ກໍາມະການຄວາມປອດໄພ ດ້ານການບິນແຫ່ງຊາດສະຫະລັດ (NTSB) ສອບສວນກ່ຽວກັບ ອຸບັດເຫດຂອງ Asiana ຖ້ຽວບິນ 214 ຢູ່ ແຊນ ແຟຣນຊິສໂກ:
ລົມນັກບິນຂອງຕົນ ເພື່ອຊຸກຍູ້ສົ່ງເສີມໃຫ້ນັກບິນຜູ້ເປັນຫົວໜ້າ
ແລະນັກບິນຜູ້ຊ່ວຍ ຫຼື co-pilot ເວົ້າລົມກັນຫຼາຍຂຶ້ນແລະປັບ
ປ່ຽນປະເພນີການປະຕິບັດຢູ່ໃນຫ້ອງບັງຄັບເຮືອບິນ. ການສຶບ
ສວນສອບສວນຂອງສະຫະລັດບັ້ນນຶ່ງພົບວ່າ ເລຶ່ອງວັດທະນະ
ທໍາຂອງບໍລິສັດທຸລະກິດເກົາຫຼີໃຕ້ ທີ່ຖືຜູ້ອະວຸໂສເປັນໃຫຍ່ນັ້ນ
ອາດເປັນປັດໃຈສໍາຄັນ ທີ່ພາໃຫ້ເກີດອຸບັດເຫດທີ່ຮ້າຍແຮງ
ເຖິງຂັ້ນມີຄົນຕາຍຂອງສາຍການບິນ Asiana ເມື່ອປີຜ່ານມາ
ທີ່ລັດ Califrnia. ຜູ້ສື່ຂ່າວວີໂອເອ Carolyn Presutti ມີລາຍ
ງານກ່ຽວກັບວ່າ ບາດກ້າວໃໝ່ນີ້ມີຄວາມໝາຍແນວໃດຕໍ່ວົງ
ການການບິນຂອງເກົາຫຼີໃຕ້ ຊຶ່ງທອງປານຈະນໍາມາສະເໜີທ່ານ.
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ຖ້ຽວບິນທີ 214 ຂອງສາຍການບິນ Asiana ປະສົບອຸບັດຕິເຫດ ຂະນະແລ່ນລົງສະໜາມ
ບິນ San Francisco ເມື່ອເດືອນກໍລະກົດ ປີຜ່ານມາ ຊຶ່ງພາໃຫ້ເສຍຊີວິດໄປສາມຄົນ ແລະບາດເຈັບອີກ 180.
ເດືອນຕໍ່ມາ ວີໂອເອ ເປັນແຫຼ່ງຂ່າວທໍາອິດທີ່ລາຍງານວ່າ ການທີ່ເຮືອບິນຕົກນັ້ນອາດໄດ້
ມີສ່ວນພົວພັນກັບ ວັດທະນະທໍາຖືລໍາດັບຊັ້ນອະວຸໂສເປັນໃຫຍ່ຢູ່ໃນຫ້ອງບັງຄັບເຮືອບິນ
ກໍຄືນັກບິນຜູ້ຊ່ວຍຈະປ່ອຍໃຫ້ນັກບິນຜູ້ເປັນຫົວໜ້ານັ້ນ ເປັນຄົນຕັດສິນໃຈໃນເລື້ອງຕ່າງໆ
ເຖິງແມ່ນນັກບິນຜູ້ຊ່ວຍຈະຢ້ານວ່າ ກໍາລັງຈະເກີດໄພອັນຕະລາຍກໍຕາມ ແລະກໍຈະບໍ່
ສະແດງຄວາມເຫັນຫຍັງອອກມາເລີຍ.
ການຮັບຟັງຄໍາໃຫ້ການກ່ຽວກັບອຸບັດດັ່ງກ່າວ ຂອງກໍາມະການຄວາມປອດໄພດ້ານການ
ຂົນສົ່ງແຫ່ງຊາດສະຫະລັດ ຫຼື NTSB ເມື່ອເດືອນທັນວາປີຜ່ານມາ ພົບວ່າ ນັກບິນຜູ້ຊ່ວຍ
ຂອງຖ້ຽວບິນ Asiana ຖ້ຽວນັ້ນ ຮູ້ສຶກວ່າຕົນບໍ່ມີສິດ ທີ່ຈະລົບລ້າງການລົງຈອດຂອງເຮືອ
ບິນ ທີ່ກໍາລັງແລ່ນລົງເດີ່ນໃນລະດັບຕໍ່າ ແລະຊ້າເກີນໄປນັ້ນ.
ຖ້ຽວບິນທີ 214 ຕົກລົງ ເວລານັກບິນພະຍາຍາມຈະເອົາເຮືອບິນຂຶ້ນຄືນ ແຕ່ເນື່ອງຈາກ
ເຮືອບິນຢູ່ໃນລະດັບຕໍ່າ ຫາງຂອງເຮືອບິນຈຶ່ງໄປຕໍາກັບກໍາແພງຄອນກຣີດ ກັ້ນທາງແລ່ນ
ກັບນໍ້າທະເລ ຂອງເດິ່ນບິນສາກົນນະຄອນ ແຊນ ແຟຣນຊິສໂກ ເຮັດໃຫ້ເຮືອບິນຕົກລົງ
ແລະຫັກອອກເປັນທ່ອນ.
ແລະບັດນີ້ ສາຍການບິນ Asiana ກໍາລັງປັບປ່ຽນ ວິທີການເຝິກອົບລົມພວກນັກບິນຂອງ
ຕົນແລ້ວ.
Asiana ຊຶ່ງເປັນສາຍການບິນໃຫຍ່ທີ່ສຸດອັນດັບສອງຂອງເກົາຫຼີໃຕ້ນັ້ນ ຈະຊຸກຍູ້ໃຫ້ມີ
ວັດທະນະທໍາ ທີ່ເປັນມິດກັນຫຼາຍຂຶ້ນ ຢູ່ໃນຫ້ອງບັງຄັບເຮືອບິນ ແທນທີ່ຈະໃຊ້ລະບົບທີ່
ອິງໃສ່ ຄວາມເປັນຜູ້ອາວຸໂສໃນສາຍການບິນ, ສະຖານະພາບທະຫານ ຫຼືອາຍຸ ເປັນຕົ້ນ.
David Kirstein ຈາກບໍລິສັດ Kirstein & Young ເວົ້າວ່າ:
“ເຮົາຈະມີນັກບິນສອງຄົນຢູ່ໃນເຮືອບິນເຮັດຫຍັງ ຖ້າວ່າເຂົາເຈົ້າຈະບໍ່ເວົ້າ ບໍ່ລົມກັນ?”
ທ່ານ David Kirstein ທີ່ທໍາງານກ່ຽວກັບ ກົດໝາຍຄວບຄຸມການບິນ ບໍ່ປະຫຼາດໃຈ
ຫຍັງເລີຍ ກ່ຽວກັບການເຝິກອົບລົມໃໝ່ນີ້. ທ່ານ ເຄີສະຕາຍໃຫ້ຄວາມເຫັນອີກວ່າ:
“ກໍຄົງຈະມີແຮງກົດດັນຈາກພວກເຈົ້້າໜ້າທີ່ການບິນສະຫະລັດ ຈາກກໍາມະການ
NTSB ຫຼືລັດຖະບານຂອງເຂົາເຈົ້າເອງ ແລະກໍອາດຈະມີການຕົກຕໍ່າລົງ ໃນຈໍາ
ນວນຜູ້ໂດຍສານ. ພວກຜູ້ຊົມໃຊ້ພາກັນເປັນຫ່ວງຫຼາຍໃນເລື້ອງຄວາມປອດໄພ.
ຖ້າຫາກວ່າ ບໍ່ມີຄົນຂີ່ເຮືອບິນແລ້ວ ນັ້ນກໍຈະເປັນປັດໃຈຈູງໃຈທີ່ແຮງທີ່ສຸດ.”
ຫົວໜ້າບໍລິຫານ ຫຼືຊີອີໂອ ຂອງສາຍການບິນ Asiana ຍອມຮັບ
ວ່າ ມີແນວໂນ້ມໃນເກົາຫຼີໃຕ້ ໄປສູ່ການປະຕິບັດວັດທະນະທໍາຖື
ລໍາດັບຊັ້ນອະວຸໂສເປັນໃຫຍ່ ຊຶ່ງທ່ານເວົ້າວ່າ ນັກບິນຫຼາຍໆຄົນ
ຈະທໍາງານຫຼືຂັບເຮືອບິນ ຢູ່ພາຍໃຕ້ກົດອັນເຄັ່ງຄັດຂອງທະຫານ.
ທ່ານ ເຄີສະຕາຍ ເວົ້າໃນທີ່ສຸດວ່າ ສາຍການບິນອື່ນໆ ກໍຄວນຈະ
ໃຫ້ຄວາມສົນໃຈແກ່ການປັບປຸງຂອງສາຍການບິນ Asiana ແລະ
ເຂົ້າໃຈໃນຄວາມສໍາຄັນຂອງການສື່ສານກັນແບບເປີດກວ້າງ ຢູ່ໃນ
ຫ້ອງບັງຄັບເຮືອບິນນັ້ນ.
ວີດີໂອ: ກໍາມະການຄວາມປອດໄພ ດ້ານການບິນແຫ່ງຊາດສະຫະລັດ (NTSB) ສອບສວນກ່ຽວກັບ ອຸບັດເຫດຂອງ Asiana ຖ້ຽວບິນ 214 ຢູ່ ແຊນ ແຟຣນຊິສໂກ:
