ລິ້ງ ສຳຫລັບເຂົ້າຫາ

ຕະຫຼາດຮຸ້ນ ເຂດເອເຊຍ ຂຶ້ນລາຄາຢ່າງໃຫຍ່ ຫຼັງຈາກຍີ່ປຸ່ນ ປະກາດນະໂຍບາຍ ດອກເບ້ຍລົບ


ນັກລົງທຶນຄົນນຶ່ງ ກຳລັງເບິ່ງກະດານອີເລັກໂທຣນິກ ທີ່ໃຫ້ຂໍ້ມູນກ່ຽວກັບລາຄາຮຸ້ນ ຢູ່ບ່ອນຂາຍຮຸ້ນ ໃນເມືອງ
Huaibei ແຂວງ Anhui ຂອງຈີນ (29​ ມັງກອນ 2016)

ນັກລົງທຶນຄົນນຶ່ງ ກຳລັງເບິ່ງກະດານອີເລັກໂທຣນິກ ທີ່ໃຫ້ຂໍ້ມູນກ່ຽວກັບລາຄາຮຸ້ນ ຢູ່ບ່ອນຂາຍຮຸ້ນ ໃນເມືອງ Huaibei ແຂວງ Anhui ຂອງຈີນ (29​ ມັງກອນ 2016)

ຕະຫລາດ​ຮຸ້ນ​ໃນ​ເຂດ​ເອ​ເຊຍ​ມີ​ລາຄາ​ສູງ​ຂຶ້ນຢ່າງ​ຫຼວງຫຼາຍ​ໃນ
​ວັນ​ສຸກ​ມື້ນີ້​ ຫລັງ​ຈາກ​ທະນາຄານ​ກາງ ຂອງ​ຍີ່ປຸ່ນ ​ໄດ້​ປະກາດ​
ແບບ​ບໍ່​ຄາດ​ຝັນ ໃນ​ການສະ​ເໜີ​ນະ​ໂຍບາຍ ອັດຕາດອກ​ເບ້ຍ
ລົບທີ່​ຄວນ​ຈະ​ເລີ້ມກະຕຸກ​ຊຸກຍູ້​ການ​ໃຫ້​ເງິນ​ກູ້​ຢືມ​ຢູ່​ໃນເສດຖະ
ກິດ​ທີ່​ໃຫຍ່ເປັນອັນ​ດັບ 3 ຂອງ​ໂລກ.

ດັດຊະນີ​ຮຸ້ນ Nikkei ຂອງ​ຍີ່ປຸ່ນ ມີ​ລາຄາ​ສູງ​ຂຶ້ນ 2.8​ ​ເປີ​ເຊັນ
ໃນ​ຕອດ​ອັດຕະຫຼາດ ຫລັງ​ຈາກ​ໄດ້​ມ່ີ​ການ​ຂຶ້ນໆ​ລົງໆ​ໃນ​ການ
​ຊື້ຂາຍ​ຕະຫລອດ​ມື້.

ດັດຊະນີ​ຮຸ້ນ Hang Seng ຂອງ​ຮົງ​ກົງ ກໍ​ມີ​ລາຄາ​ສູງ​ຂຶ້ນ 2.5 ​
ເປີ​ເຊັນສຳລັບມື້ນີ້ ​ເຖິງແມ່ນ​ວ່າ​ໄດ້​ຕົກ​ລາຄາປະມານ 10 ​ເປີ​ເຊັນມາຈົນຮອດທ້າຍ​ເດືອນ
​ນີ້.​ ດັດຊະນີ​ຮຸ້ນ​ປະສົມ ຂອງນະຄອນ​ຊຽງ​ໄຮ້ ຂຶ້ນລາຄາ​ 3.1 ​ເປີ​ເຊັນ ​ເພື່ອ​ສະຫລຸບ​ທ້າຍ​
​ເດືອນ ຊຶ່ງ​ດັດຊະນີ​ດັ່ງກ່າວ ຍັງ​ຕົກລາຄາ​ຢູ່​ຫລາຍ​ກວ່າ 22 ​ເປີ​ເຊັນ.

ຕະຫລາດ​ຮຸ້ນ ​ທີ່​ນະຄອນ​ຊິດ​ນີ ສິງ​ກະ​ໂປ ມະນີ​ລາ ​ແລະ​ໄທ​ເປ ຕ່າງ​ກໍ​ມີ​ລາຄາ​ສູງ​ຂຶ້ນປະ
ມານ 2 ​ເປີ​ເຊັນ.

ສ່ວນ​ຕະຫລາດ​ຮຸ້ນ​ ຢູ່​ຢູ​ໂຮບ ກໍມີລາຄາ​ສູງ​ຂຶ້ນ​ໄປ​ຕາມໆ​ກັນ ​ໃນ​ຕອນ​ເປີດ​ຕະຫຼາດ​ເຊົ້າ
ມື້ນີ້.

XS
SM
MD
LG