ລິ້ງ ສຳຫລັບເຂົ້າຫາ

ຕະຫຼາດຮຸ້ນ ເຂດເອເຊຍ ຟື້ນໂຕຄືນ ຍ້ອນຂ່າວ ການກະຕຸ້ນ ເສດຖະກິດຄັ້ງໃໝ່ ໃນຢູໂຣບ


ຜູ້ຍິງຄົນໜຶ່ງຍ່າງຜ່ານກະດານ ລາຍງານຕະຫລາດຮຸ້ນ Nikkei ຂອງຍິ່ປຸ່ນ ທີ່ນະຄອນ Tokyo, ສັນທີ 22, 2016.

ຜູ້ຍິງຄົນໜຶ່ງຍ່າງຜ່ານກະດານ ລາຍງານຕະຫລາດຮຸ້ນ Nikkei ຂອງຍິ່ປຸ່ນ ທີ່ນະຄອນ Tokyo, ສັນທີ 22, 2016.

ຕະຫລາດ​ຮຸ້ນ ​ໃນ​ເຂດ​ເອ​ເຊຍ ​ແລະ​ຢູ​ໂຣບ ​ມີ​ລາຄາ​ສູງ​ຂຶ້ນໃນ​
ວັນ​ສຸກ​ມື້​ນີ້ ຫຼັງ​ຈາກ​ການ​ນຳພາ​ຂອງ​ຕະຫລາດ ​ໃນ​ສະຫະລັດ
ລຸນຫລັງຫົວໜ້າທະນາຄານທີ່​ສຳຄັນ​ຂອງ​ຢູ​ໂຣບ ​ໄດ້​ໃຫ້​ຮ່ອງ
ຮອຍວ່າຈະ​ນຳ​ໃຊ້ມາດ​ຕະການ​ກະ​ຕຸ້ນ​ ​ເສດຖະກິດ​ຄັ້ງໃໝ່.

ດັດຊະນີຮຸ້ນ Nikkei ຂອງ​ຍີ່ປຸ່ນ ໄດ້​ນຳ​ທາງໝູ່ ຄື​ຖີບ​ໂຕ​ຂຶ້ນ
ເກືອບ 6 ​ເປີ​ເຊັນ. ຮຸ້ນ​ຂອງ Hong Kong ກໍ​ສູງຂຶ້ນ​ເກືອບ 3 ​
ເປີ​ເຊັນ. ທີ່​ນະ ຄອນ​ຫຼວງ ​Seoul ​ກໍ​ສູງ​ຂຶ້ນ 2 ​ເປີ​ເຊັນໃນ​ຕອນ​
ອັດ​ຕະຫລາດ. ຂະນະທີ່​ຮຸ້ນ ຢູ່​ນະຄອນ Sydney, Taipei,
Singapore ​ແລະ Manila ຕ່າງ​ກໍ​ມີ​ລາຄາ​ສູງ​ຂຶ້ນຕາມໆ​ກັນ.

​ໃນ​ການ​ຊື້ຂາຍ​ກັນ ໃນ​ຕອນ​ເຊົ້າມື້ນີ້ ຢູ່ຢູ​ໂຣບ ຮຸ້ນ​ທີ່​ນະຄອນ London ​ໄດ້​ສູງຂຶ້ນ 1.6 ​
ເປີ​ເຊັນ ​ໃນ​ຂະນະ​ທີ່ນະຄອນ Frankfurt ​ແລະ Paris ​ສູງຂຶ້ນ 2 ​ເປີ​ເຊັນ.

​ການ​ຖີບ​ໂຕ​ຂຶ້ນດັ່ງກ່າວ ມີ​ຂຶ້ນ​ຫລັງຈາກ​ຫົວໜ້າທະນາຄານ​ກາງ​ຢູ​ໂຣບ ທ່ານ Mario
Draghi ​ໃນ​ວັນ​ພະຫັດ​ວານ​ນີ້ ​ໄດ້​ພາ​ໃຫ້​ມີ​ຄວາມ​ຫວັງ​ຕື່ມ​ວ່າ ຈະ​ມີການ​ກະ​ຕຸ້ນ​ເສດ
ຖະກິດ​ຈຳນວນ​ໜຶ່ງ ຢູ່ທີ່ກອງ​ປະຊຸມ​ທະ ນາຄານ ​ໃນ​ເດືອນ​ມີນາຈະ​ມານີ້.

ບັນດາ​ນັກ​ລົງທຶນ ​ແມ່ນ​ໄດ້​ຮັບ​ການ​ຊຸກຍູຸ້ ຫລັງ​ຈາກ​ລາຄາ​ນໍ້າມັນດີ​ຂຶ້ນ​ໜ້ອຍ​ໜຶ່ງ ​ໃນ
​ວັນ​ພະຫັດ​ວານ​ນີ້.

ຕະຫລາດ​ຮຸ້ນໄດ້​ຕົກຕ່ຳລົງ ​ນັບ​ແຕ່​ເລີ້ມ​ຕົ້ນ​ປີ 2016 ​ຍ້ອນ​ຄວາມ​ເປັນ​ຫ່ວງ​ກ່ຽວກັບລາຄາ​
ນໍ້າມັນ​ຕົກ ການ​ເຕີບ​ໂຕ​ຊ້າ​ລົງ​ຂອງ​ເສດຖະກິດໃນ ຈີນ ​ແລະ​ເປັນ​ຫ່ວງ​ກ່ຽວ​ກັບ​ເສດຖະກິດ
​ໂລກ.

XS
SM
MD
LG