ລິ້ງ ສຳຫລັບເຂົ້າຫາ

ການລັກລອບຄ້າຂາຍ ແລະການຊົມໃຊ້ ຢາບ້າ Amphetamine ເພີ່ມຂຶ້ນ ໃນເອເຊຍ

  • ທອງປານ ເທບວົງສາ

ຕໍາຫລວດໄທຢືນຍາມຖົງຢາບ້າ methamphetamine ທີ່ຍຶດມາໄດ້ ທີ່ຈັງຫວັດອະຍຸດທະຍາ ຂອງໄທ, ວັນທີ 24 ມີຖຸນາ 2011. REUTERS/Sukree Sukplang (THAILAND - Tags: CRIME LAW SOCIETY)

​ໃນ​ລາຍ​ງານ​​ສະບັບ​ລ່າ​ສຸດ ວ່າ​ດ້ວຍ​ການ​ຊົມ​ໃຊ້ ​ແລະ​ການ​ລັກລອບ​ຄ້າ​ຢາ​ເສບ​ຕິດ​​ໃນ​ທົ່ວ ໂລກນັ້ນ ​ອົງການ​ສະຫະ​ປະຊາ​ຊາດ ​ເວົ້າວ່າຂົງ​ເຂດ​ເອ​ເຊຍ​ກໍາລັງ​ປະ​ເຊີນ​ກັບ​ການລັກລອບ ຄ້າຂາຍ ​ແລະ​​ໃຊ້​ຢາ​ກະ​ຕຸ້ນປະ​ສາດປະ​ເພດ Amphetamine ຫລື​ຢາ​ບ້າ ຫລາຍ​ຂຶ້ນ​ໄປ​ນັບ​ມື້ ພ້ອມ​ທັງ​ມີ​ການ​ກັບ​ຄືນ​ໄປ​ປູກ​ແລະ​ຜະ​ລິດ​ຝິ່ນຄືນ ​ຢູ່​ໃນ​ມຽນມາ​ແລະລາວນໍາ​ອີກ. Ron Corben ຜູ້​ສື່​ຂ່າວ​ວີ​ໂອ​ເອ ລາຍ​ງານມາ​ຈາກ​ບາງກອກ​ວ່າ ​ເຈົ້າໜ້າ​ທີ່​ອາວຸ​ໂສ​ສະຫະ​ປະຊາ​ຊາດ​ທ່ານ​ນຶ່ງ ​ເວົ້າ​ວ່າ ການ​ຜະລິດ​ ​ແລະ​ການ​ໃຊ້ຢາ​ເສບ​ຕິດ​ທີ່​ຜິດ​ກົດໝາຍ ກໍາລັງ​ເກີດ​ເປັນ​ບັນຫາ​ລະດັບ​ຂົງ​ເຂດ​ ທີ່​​ໃຫຍ່​ຂຶ້ນ​​ນັບ​ມື້. ທອງ​ປານ ມີ​ລາຍ​ລະອຽດ ມາສະ​ເໜີທ່ານ.

​ໃນລາຍ​ງານ​ວ່າ​ດ້ວຍ​ຢາ​ເສບ​ຕິດ​ໂລກ​ສະບັບ​ລ່າ​ສຸດ​ຂອງ​ຕົນ ​ທີ່​ນໍາອອກ​ເຜີຍ​ແຜ່​ເມື່ອ​ວັນ
​ອັງຄານ​ຜ່ານ​ມາ​ນີ້ ຫ້ອງການ​ຢາ​ເສບ​ຕິດ​ແລະ​ອາຊະຍາ​ກໍາ​ຂອງ​ຢູ​ເອນ ຫຼື UNODC
​ເວົ້າວ່າ ຂົງ​ເຂດ​ເອ​ເຊຍ​ປະ​ເຊີນ​ກັບ​ການ​ທ້າ​ທາຍ​ຢ່າງ​ໃຫຍ່ ຖ້າ​ເວົ້າ​ເຖິງ​ເລຶ່ອງການ​ປາບ​
ປາມ​ການຜ​ະລິດ​ແລ​ະການ​ຊົມ​ໃຊ້​ຢາ​ກະ​ຕຸ້ນ​ປະສາດປະ​ເພດ Amphetamine ຫລື​ຢາ​ບ້າ
ທີ່​ຮູ້​ກັນ​ໃນ​ຊື່ຫຍໍ້ວ່າ ATS ນັ້ນ ພ້ອມ​ກັບ​ຜົນ​ຜະລິດ​ຝິ່ນ​ທີ່​ຖີບ​ຕົວສູງຂຶ້ນນັບ​ມື້ ​ແລະ​ການ
​ຊົມ​ໃຊ້​ກັນຊາທີ່​ແຜ່​ລາມ​ອອກ​ໄປ​ຢ່າງ​ກວ້າງຂວາງ ​ໂດຍ​ສະ​ເພາະ​ໃນ​ກຸ່ມ​ພວກຊາວ​ໜຸ່ມ​ຂອງ
​ຂົງ​ເຂດນັ້ນ.

Gary Lewis ຜູ້ຕາງໜ້າຫ້ອງການ​ UNODC ປະ​ຈໍາ​ຂົງ​ເຂດ ກ່າວ​ວ່າ ທ່າ​ອຽງ​ທີ່​ສູງ​ຂຶ້ນ​
ນັບ​ມື້ ຂອງ​ການ​ຜະລິດ​ຢາເສບ​ຕິດ ATS ​ແລະ​ກາ​ນຊົ​ມ​ໃຊ້​ໃນ​ທາງ​ຜິດ ​ຢູ່​ໃນ​ຈີນ ​ແລະ​ຂົງ
​ເຂດ​ເອ​ເຊຍຕາ​ເວັນ​ອອກສຽງ​ໃຕ້ ​ແມ່ນມີ​ຂຶ້ນ ທັ້ງໆ​ທີ່​ປະລິມານ​ການ​ຜະລິດ​ແລະ​ການ​ໃຊ້
ໃນທົ່ວໂລກ ຢູ່​ໃນ​ລະດັບ​ທຸ່ນ​ທ່ຽງ​ ​ໂດຍ​ສ່ວນ​ໃຫຍ່​ ກໍ​ຕາມ.

ທ່ານ Lewis ກ່າວ​ວ່າ ບັດ​ນີ້ ​ເອ​ເຊຍແມ່ນ​ເປັນຂົງ​ເຂດ​ທີ່​ມີ​ຄົນ​ໃຊ້​ຢາ​ບ້າ​ ATS ປະມານ
​ເຄິ່ງນຶ່ງ​ຂອງ​ໂລກ. ທ່ານກ່າວ​ອີກ​ວ່າ ປະລິມານການ​ຜະລິດຝິ່ນ​ກໍ​ກໍາລັງ​ເພີ່ມ​ຂຶ້ນ​ເຊ່ນ​ກັນ
ຢູ່​ໃນຂົງ​ເຂດ​ດັ່ງກ່າວ. ທ່ານ ລູອີສ ​ເວົ້າ​ວ່າ:

“ມີ​ຄວາມ​ເປັນ​ຫ່ວງໃນ​ເລື້ອງຢາ​ເສບ​ຕິດ​ປະ​ເພດ ATS ຫຼື ຢາ​ກະ​ຕຸ້ນປະສາດ
Amphetamine ຢູ່​ໃນ​ຂົງ​ເຂດ​ຂອງ​ເຮົາຢູ່. ​ຄື​ວ່າ ​ເຖິງ​ແມ່ນ​ການເສບ​ຢາ​ນີ້ ​
ໄດ້​ຢູ່​ໃນ​ລະດັບ​ທຸ່ນ​ທ່ຽງແດ່​ແລ້ວ​ຢູ່ໃນທົ່ວ​ໂລກ ​ແຕ່​ມັນ​ກໍາລັງເພີ່ມ​ຫລາຍຂຶ້ນ
​ເລື້ອຍ​ໆ​ຢູ່​ໃນ​ຂົງ​ເຂດຂອງ​ພວກ​ເຮົາ ຄື​ໃນ​ເອ​ເຊຍ​ຕາ​ເວັນອອກສຽງ​ໃຕ້ ​ແລະ
ໃນຈີນ. ​ການ​ປູກ​ຝິ່ນ​ກໍ​ໄດ້ຟື້ນ​ຄືນ​ມາ​ອີກ​ ​ໃນໄລຍະ​ຫາ​ປີຜ່ານມາ ​ແລະ​ການ​
ຜະລິດ ການ​ລັກ​ລອບ ​ແລະ​ການ​ໃຊ້​ຢາ​ກະ​ຕຸ້ນປະສາດ Amphetamine ກໍ​
ເພີ່ມ​ຂຶ້ນ. ​ແລະ​ເລຶ່ອງນີ້​ກໍ​ໜ້າ​ຈະເປັນ​ຫ່ວງ​ກັນ​ ໃນ​ວົງ​ການ​ຜູ້ຮ່າງ​ນະ​ໂຍບາຍ.”

ທ້າວຕີ໋ ຊາຍໄທ ທີ່ເມົາຢາບ້າ metamphetamine ເອົາມີດປາດຕົນເອງ ແລ້ວຈັບນັກສຶກສາຍິງຄົນນຶ່ງເປັນ ໂຕປະກັນ ຢູ່ບາງກອກ ເປັນເວລາສາມຊົ່ວໂມງກ່ວາ ກ່ອນຕໍາຫລວດເຂົ້າຈັບກຸມຜູ້ກ່ຽວໄດ້, ເມື່ອວັນທີ 29 ສິງຫາ 2002. ເຈົ້າໜ້າທີ່ໄທກະປະມານວ່າ ມີການ ລັກລອບເອົາຢາບ້າ ເຂົ້າມາໄທ 700 ລ້ານ
ທ້າວຕີ໋ ຊາຍໄທ ທີ່ເມົາຢາບ້າ metamphetamine ເອົາມີດປາດຕົນເອງ ແລ້ວຈັບນັກສຶກສາຍິງຄົນນຶ່ງເປັນ ໂຕປະກັນ ຢູ່ບາງກອກ ເປັນເວລາສາມຊົ່ວໂມງກ່ວາ ກ່ອນຕໍາຫລວດເຂົ້າຈັບກຸມຜູ້ກ່ຽວໄດ້, ເມື່ອວັນທີ 29 ສິງຫາ 2002. ເຈົ້າໜ້າທີ່ໄທກະປະມານວ່າ ມີການ ລັກລອບເອົາຢາບ້າ ເຂົ້າມາໄທ 700 ລ້ານ

ອົງການ​ສະຫະ​ປະຊາ​ຊາດກ່າວ​ວ່າ ມີ​ການ​
ຍຶດ​ໄດ້​ຢາ​ບ້າ​ເພີ່ມ​ຂຶ້ນ ​ເປັນ​ສີ່​ເທົ່າ​ຕົວໃນໄລ
ຍະ​ບໍ່​ເທົ່າ​ໃດ​ປີຜ່ານມາ​ນີ້ ​ຊຶ່ງ​ຊີ້​ໄປ​ໃສ່​ປະລິ
ມານ​ການ​ຜະລິດ​ທີ່​ເພີ່ມ​ຂຶ້ນ​ໄປ​ຢ່າງໄວ​ນັ້ນ.

ນອກ​ນີ້​ ລາຍ​ງານ​ຍັງໃຫ້​ຂໍ້​ສັງ​ເກດ​ວ່າ ມີ
ການ​ຊົມ​ໃຊ້​ຢາ​ທຽມແລະ​ຢາ​ໝໍ​ສັ່ງ​ ​ເພີ່ມ​
ຂຶ້ນນັບມື້ໃນຂົງ​ເຂດ​ເອ​ເຊຍ ​ເຊັ່ນຢາ ​ເຄຕາ
ມີນ ​ໂດຍ​ສະ​ເພາະໃນ​ຈີນ ​ໂຮມ​ທັງ​ຮ່ອງ​ກົງ
ມາ​ເລ​ເຊຍ​ ​ແລະ​ຫວຽດນາມ.

ລາຍ​ງານ​ໃຫ້​ຂໍ້​ສັງ​ເກດ​ຕື່ມ​ວ່າ ​ປັດຈຸບັນ​ນີ້ ກໍ​ແມ່ນມີ​ການ​ຊົມ​ໃຊ້​ຢາ​ກະ​ຕຸ້ນ​ປະ​ສາດ​ ປະ​ເພດ ຢາບ້າ methamphetamine ​ຊະນິດ​ຄຣິສ​ເຕິ​ລທີ່ໃສ​ຄື​ແກ້ວ​ນັ້ນ ຢູ່​ທົ່ວ​ໄປ ຢູ່ໃນ​ປະ​ເທດບຣູ​ໄນ ຍີ່ປຸ່ນ ຟິລິບ​ປິນ ແລະເກົາ​ຫຼີ​ໃຕ້. ສ່ວນ​ໃນ​ຂົງ​ເຂ​ດ​ເອ​ເຊຍ​ໃຕ້ ທັງປະ​ເທດ​ພູ​ຖານ ​ແລະ​ສີ​ລັງການ ກໍພົບ​ວ່າ​ມີ​ການ​ຊົ​ມ​ໃຊ້​ຢາ​ກັນຊາ ​ແລະ​ຢາ ATS ​ເພີ່ມ​ຂຶ້ນ ​ໃນ​ຂະນະ​ທີ່ຢູ່​ໃນ​ບັງ​ກລາ​ແດ​ສນັ້ນ​ ​ຢາ ATS ​ແມ່ນ​ໃຊ້​ກັນ​ຢ່າງ​ກວ້າງຂວາງ​ ໂດຍ​ສະ​ເພາະ​ໃນ​ຕົວ​ ເມືອງ.

ນອກ​ນີ້​ແລ້ວ ພວກ​ໃຊ້ຢາ​ເສບ​ຕິດ​ປະມານ ສາມ​ລ້ານ​ເກົ້າ​ແສນ​ຄົນ ​ໃນຂົງ​ເຂດ ຍັງ​ພາກັນ​ນິຍົມ​ໃຊ້​ເຂັມ​ສີດ ​ຢາ​ເສບ​ຕິດ​ປະ​ເພດທີ່​ຜະລິດ​ຈາກ​ຝິ່ນ ​ ພ້ອມທັງ​ຢາ Methamphetamine ນໍາ ຊຶ່ງເພີ່ມ​ຄວາມ​ສ່ຽງຕໍ່​ການ​ແຜ່​ລາມ​ຂອງເຊື້ອໄວຣັສ ເອັຊ​ໄອວີ ​ທີ່​ພາ​ໃຫ້​ເປັນ​ໂຣກ​ເອດ​ສ໌ນັ້ນ.

ຢາບ້າ methamphetamine ທີ່ທາງການມຽນມາ ຍຶດມາໄດ້. REUTERS/Khin Maung Win/Pool (MYANMAR MILITARY SOCIETY POLITICS)
ຢາບ້າ methamphetamine ທີ່ທາງການມຽນມາ ຍຶດມາໄດ້. REUTERS/Khin Maung Win/Pool (MYANMAR MILITARY SOCIETY POLITICS)

ຢູ​ເອັນ ​ເວົ້າ​ວ່າ ປາກົດ​ວ່າ ​ໄດ້ມີ​ການ​ເພິ່ມທະວີ​ຂຶ້ນ ​ໃນ​ຄວາມ​ສາມາດ​ຜະລິດ​ຝິ່ນ​ຂອງໂລກ ຫຼັງ​ຈາກ​ໄດ້​ລົດ​ລົງ​ຢ່າງ​ຫຼວງ​ຫຼາຍ​ໃນ​ປີ 2010 ​ເວລາ​ພະຍາດ​ແລະ​ເພ້ຍຄຸກຄາມການ​ປູກຝິ່ນ​ໃນ​ອັຟ ກາ​ນີສຖານ ຊຶ່ງ​ເປັນປະ​ເທດ​ຜະລິດ​ຝິ່ນ​ລາຍ​ໃຫຍ່​ທີ່​ສຸດຂອງ​ໂລກ.

ສ່ວນ​ໃນ​ປະ​ເທດມ​ຽນມາ​ນັ້ນ ຜົນຜະລິດ​ຝິ່ນ​ແມ່ນ​ໄດ້​ຖີບ​ຕົວ​ສູງ​ຂຶ້ນ​ເປັນ 610 ຕັນ ​ໃນ​ປີ 2011 ຈາກ 580 ຕັນ​ໃນ​ປີ​ກ່ອນ​ໜ້າ​ນັ້ນ. ສ່ວນໃນ ສປປ ລາວ ກໍ​ມີລາຍ​ງານ ​ວ່າ ຜົນຜະລິດ​ຝິ່ນໄດ້​ເພີ່ມ​ຂຶ້ນ​ເປັນ 25 ຕັນ.

ໃນການ​ເຄື່ອນ​ໄຫວ​ເພື່ອ​ແກ້​ໄຂ​ນັ້ນ ລັດຖະບານ​ມຽນມາ​ໄດ້​ດໍາ​ເນີນ​ໂຄງການກໍາ​ຈັດ​ຖອນ​ຮາ​ກ
ການ​ປູກຝິ່ນ​ ​ແຕ່​ທ່ານ ​ແກຣີ ລູອີສ ຜູ້ຕາງໜ້າຢູ​ເອັນ ກ່າວ​ວ່າ ພວກຊາວສວນຕ້ອງການ​ພືດແນວ
​ອື່ນ​ ມາ​ປູກ​ທົດ​ແທນ​ຝິ່ນ. ທ່ານ​ກ່າວວ່າ:

“ສິ່ງ​ທີ່​ເຮົາ​ຕ້ອງການ​ນັ້ນ ກໍ​ຄື​ມີ​ຫຼາຍ​ສິ່ງ​ຫຼາຍ​ຢ່າງ ປະສົມກັນ. ​ແຕ່ສິ່ງ​ທີ່​ບໍ່​ຕ້ອງການ​ນັ້ນ
ກໍ​ຄື​ການ​ເພ່ງ​ເລັງ​ສະ​ເພາະໃສ່​ແຕ່ ການ​ກໍາຈັດ​ຖອນ​ຮາກ​ແຕ່ພຽງ​ຢ່າງ​ດຽວ​ເທົ່າ​ນັ້ນ ​ເພາະ
ວ່າ ພວກ​ປະຊາ​ຄົມຊາວ​ສວນປູກ​ຝິ່ນ​ແມ່ນ ຕ້ອງການ​ຄວາມຢູ່​ລອດ ​ແລະ​ພວກ​ເຈົ້າ​ຈະ​ກັບ
​ຄືນ​ໄປ ປູ​ກຝິ່ນອີກ ຖ້າ​ຫາກ​ລັດຖະບານ ບໍ່​ສະໜອງຜົນ​ລະປູກ​ທາງເລືອກ​ອື່ນ ທົດ​ແທນ​
ການ​ປູກ​ຝິ່ນ​ໃຫ້​ພວກ​ເຂົາ​ເຈົ້າ​ແລ້ວ ດັ່ງ​ທີ່​ພວກ​ເຮົາ​ໄດ້ເຫັນ​ສະພາບ​ການ​ແບບ​ນີ້ ​ເກີດ​ຂຶ້ນ
ຊໍ້າ​ແລ້​ວຊໍ້າເຫຼົ່າ​.”

ອົງການ​ສະຫະ​ປະຊາ​ຊາດ ​ເວົ້າວ່າ ມີພຽງ​ນຶ່ງ​ສ່ວນ​ສີ່ຂອງ​ພວກ​ຊາວສວນທັງ​ໝົດ​ ທີ່​ພົວພັນ
​ໃນ​ການ​ປູກ​ພືດ​ທີ່​ເປັນ​ຢາ​ເສບ​ຕິດ​ຜິດ​ກົດໝາຍ​ໃນທົ່ວ​ໂລກ ​ທີ່ໄດ້​ຮັບການ​ຊ່ວຍ​ເຫຼືອດ້ານ​ການ
​ພັດທະນາ.

XS
SM
MD
LG