ນໍ້າຖ້ວມທີ່ຍຶ່ງຂຶ້ນນັບມື້ໄດ້ຊຶມຮົ່ວເຂົ້າໄປ ໃນເຂດສະໜາມບິນດອນເມືອງຂອງບາງກອກ ໃນວັນອັງຄານມື້ນີ້ ຊຶ່ງໄດ້ເຮັດໃຫ້ພວກຖ້ຽວບິນຕ່າງໆຕ້ອງຢຸດແລ່ນ ແລະເຮັດໃຫ້ພວກທາງການໄທຕ້ອງເລີ້ມຍົກຍ້າຍປະຊາຊົນອອກຈາກສູນຮອງຮັບພວກປະສົບໄພນໍ້າຖ້ວມທີ່ສຳຄັນອອກໄປຈາກສະຖານທີ່ດັ່ງກ່າວ.
ສ່ວນສະໜາມບິນໃຫຍ່ລະຫວ່າງຊາດ ທີ່ຕັ້ງຢູ່ທາງກໍ້າຕາເວັນອອກສຽງໃຕ້ນັ້ນບໍ່ໄດ້ຮັບຜົນກະທົບ ແຕ່ສະໜາມບິນດອນເມືອງຊຶ່ງຕັ້ງຢູ່ໃກ້ໆກັບຄຸ້ມນໍ້າຖ້ວມຫລາຍຄຸ້ມຢູ່ໃນເຂດຊານເມືອງໃນພາກເໜືອຂອງບາງກອກ ຊຶ່ງເປັນສູນກາງທີ່ສຳຄັນ ເພື່ອຈັດສົ່ງປັດໄຈບັນເທົາທຸກສຸກເສີນໄປຍັງພວກຂົງເຂດທີ່ຖືກນໍ້າຖ້ວມໃນພາກເໜືອຂອງໄທນັ້ນ.
ຂະນະທີ່ນໍ້າຊຶມຮົ່ວໄຫລເຂົ້າໄປເຖິງທາງແລ່ນຂອງສະໜາມບິນແລະແລະກີດກັນບໍ່ໃຫ້ພວກຖ້ຽວບິນມາຈາກບ່ອນອື່ນລົງໄດ້ນັ້ນ ທາງການຂອງໄທໄດ້ແນະນໍາໃຫ້ພວກປະສົບໄພນໍ້າຖ້ວມຫລາຍພັນຄົນທີ່ໄດ້ພັກອາໄສຢູ່ໃນຫ້ອງຮັບຄົນໂດຍສານແຫ່ງນຶ່ງໃນບັນດາຫ້ອງຮອງຮັບຄົນໂດຍສານຫລາຍແຫ່ງໃນສະໜາມບິນດັ່ງກ່າວມານັ້ນໃຫ້ພາກັນເລີ້ມຍົກຍ້າຍອອກຈາກຫ້ອງນີ້ໄປຍັງສູນຮອງຮັບພວກປະສົບໄພນໍ້າຖ້ວມອີກແຫ່ງອື່ນທີ່ຢູ່ທາງພາກໃຕ້ລົງໄປນັ້ນ.
