ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກອງປະຊມ ສຸດຍອດອາຊ່ຽນ ໄຂຂຶ້ນທີ່ອິນໂດເນເຊຍ


ປະທານາທິບໍດີອິນໂດເນເຊຍ ທ່ານ Susilo Bambang Yudhoyono ກ່າວຄຳປາໄສ ເປີດກອງປະຊຸມສຸດຍອດ ຄັ້ງທີ 18 ຂອງສະມາຄົມອາຊ່ຽນ ທີ່ນະຄອນຫຼວງຈາກາຕ້າ (7 ພຶດສະພາ 2011)
ປະທານາທິບໍດີອິນໂດເນເຊຍ ທ່ານ Susilo Bambang Yudhoyono ກ່າວຄຳປາໄສ ເປີດກອງປະຊຸມສຸດຍອດ ຄັ້ງທີ 18 ຂອງສະມາຄົມອາຊ່ຽນ ທີ່ນະຄອນຫຼວງຈາກາຕ້າ (7 ພຶດສະພາ 2011)

ກອງປະຊຸມສຸດຍອດເປັນເວລາ 2 ມື້ຂອງພວກຜູ້ນຳສະມາ
ຄົມບັນດາປະຊາຊາດໃນເຂດເອເຊຍຕາເວັນອອກສຽງໃຕ້ຫຼື
ອາຊ່ຽນໄຂຂຶ້ນທີ່ປະເທດອິນໂດເນເຊຍໃນວັນເສົາມື້ນີ້.

ບັນຫາຂັດແຍ້ງຊາຍແດນ ທີ່ຍັງດຳເນີນຢູ່ຕໍ່ມາລະຫວ່າງກຳ
ປູເຈຍແລະໄທມີທ່າທາງວ່າຈະກາຍເປັນຈຸດເພັ່ງເລັງໃນກອງ
ປະຊຸມທີ່ນະຄອນຫຼວງຈາກາຕ້າ.

ນອກນັ້ນຍັງເປັນທີ່ຄາດກັນວ່າ ພວກຜູ້ນຳຂອງອາຊ່ຽນຈະ
ໄດ້ສົນທະນາຫາລືກັນ ກ່ຽວກັບບັນຫາຄວາມໝັ້ນຄົງໃນພູ
ມີພາກປະຊາຄົມເສດຖະກິດແລະຄວາມເປັນໄປໄດ້ໃນການ
ທີ່ມຽນມາຈະໄດ້ເປັນເຈົ້າພາບຈັດກອງປະຊຸມອາຊ່ຽນ.

ໃນວັນສຸກວານນີ້ ລັດຖະມົນຕີການຕ່າງປະເທດອິນໂດເນເຊຍທ່ານ Marty Na talegawa
ໄດ້ປະກາດໃຫ້ຊາບວ່າ ກຳປູເຈຍແລະໄທໄດ້ຕົກລົງຮັບເອົາຄະນະສັງເກດການຂອງອິນໂດເນ
ເຊຍເຂົ້າໄປປະຕິບັດງານໃນບໍລິເວນຊາຍແດນລະຫວ່າງປະເທດທັງສອງເພື່ອຊ່ອຍປ້ອງກັນບໍ່
ໃຫ້ເກີດການປະທະກັນທາງດ້ານທະຫານເພີ່ມຕື່ມ. ມີ 20 ກວ່າຄົນໄດ້ເສຍຊີວິດແລ້ວໃນປີນີ້ ໃນການປະທະກັນຫຼາຍຄັ້ງລະຫວ່າງປະເທດທັງສອງ. ນອກນັ້ນ ຍັງມີປະຊາຊົນອີກຫຼາຍສິບ
ພັນຄົນ ຕ້ອງໄດ້ອົບພະຍົບຫຼົບໜີໄປຈາກເຮືອນຊານບ້ານຊ່ອງຂອງພວກເຂົາເຈົ້າໃນບໍລິເວນ ຊາຍແດນທີ່ມີການປະທະກັນຂອງທັງສອງປະເທດ.

ນອກນັ້ນແລ້ວໃນມື້ວານນີ້ ມຽນມາຍັງກ່າວວ່າ ຕົນຕ້ອງການຢາກເປັນເຈົ້າພາບຈັດກອງປະ
ຊຸມອາຊ່ຽນໃນປີ 2014.

ກຸ່ມປົກປ້ອງສິດທິມະນຸດ Human Rights Watch ຊຶ່ງມີສຳນັກງານໃນສະຫະລັດກ່າວວ່າ
ສະມາຄົມອາຊ່ຽນ ຈະກາຍເປັນໂຕຕະລົກ ຂອງກອງປະຊຸມອະພິປາຍລະຫວ່າງລັດຖະບານ
ຂອງປະເທດຕ່າງໆ ຖ້າມຽນມາຫາກໄດ້ຮັບອະນຸຍາດໃຫ້ເປັນປະທານຂອງສະມາຄົມອາຊ່ຽນ
ທີ່ມີສະມາຊິກ 10 ປະເທດດ້ວຍກັນນັ້ນ.

ການເລືອກຕັ້ງຢູ່ມຽນມາໃນປີກາຍໄດ້ນຳເອົາບັນຫາສິດທິມະນຸດພາຍໃນສະມາຄົມອາຊ່ຽນ
ຂຶ້ນມາເປັນຈຸດເດັ່ນສຸດ. ພວກຕຳໜິຕິຕຽນລັດຖະບານມຽນມາກ່າວວ່າ ລັດຖະບານເປັນຜູ້
ຄວບຄຸມການປ່ອນບັດເພື່ອຄໍ້າປະກັນວ່າພວກທະຫານຈະຍັງສືບຕໍ່ກຳອຳນາດຢູ່ໃນປະເທດ
ດັ່ງກ່າວ.

ບັນດາກຸ່ມປົກປ້ອງສິດທິມະນຸດ ໄດ້ຕຳໜິຕິຕຽນສະມາຄົມອາຊ່ຽນ ທີ່ບໍ່ໄດ້ປະເຊີນໜ້າກັບ ມຽນມາກ່ຽວກັບການລ່ວງລະເມີດຢູ່ໃນປະເທດດັ່ງກ່າວ.

ສະມາຊິກຂອງສະມາຄົມອາຊ່ຽນແມ່ນປະກອບດ້ວຍບຣູນາຍ ມຽນມາ ກຳປູເຈຍ ອິນໂດ
ເນເຊຍ ລາວ ມາເລເຊຍ ຟີລິບປິນ ສິງກະໂປ ໄທ ແລະຫວຽດນາມ.

XS
SM
MD
LG