ອົງການນຶ່ງຂອງສະຫະລັດກ່າວວ່າ ມີທ່າທາງວ່າອິນໂດເນເຊຍຈະສະໜັບສະໜຸນຄວາມ
ພະຍາຍາມຂອງມຽນມາ ເພື່ອໃຫ້ໄດ້ເປັນປະທານຂອງສະມາຄົມກຸ່ມປະເທດໃນພາກ
ພື້ນເອເຊຍຕາເວັນອອກສຽງໃຕ້ ຫລື ອາຊຽນ ໃນປີ 2014 ນັ້ນ.
ອົງການ Open Source Center ຊຶ່ງວິເຄາະລາຍງານຂ່າວຈາກນາໆຊາດກ່າວວ່າການ
ວິເຄາະຂອງຕົນແມ່ນອິງຕາມຖ້ອຍຖະແຫລງຕ່າງໆຂອງທ່ານ Marty Natalegawa ລັດຖະມົນຕີຕ່າງປະເທດອິນໂດເນເຊຍ ທີ່ໄປຢ້ຽມຢາມມຽນມາໃນສັບປະດາແລ້ວນີ້.
ຄວາມຄິດຄວາມເຫັນຂອງອິນໂດເນເຊຍແມ່ນມີນໍ້າໜັກຫລາຍເປັນພິເສດຍ້ອນບົດບາດ
ຂອງອິນໂດເນເຊຍ ໃນຖານະເປັນປະທານຂອງກຸ່ມອາຊຽນໃນປີນີ້.
ມີການອ້າງຄໍາເວົ້າຂອງທ່ານ Natalegawa ຢ່າງແຜ່ຫລາຍ ຫລັງຈາກການຢ້ຽມຢາມ
ມຽນມາຂອງທ່ານ ຊຶ່ງທ່ານໄດ້ກ່າວວ່າ ມຽນມາໄດ້ທໍາຄວາມກ້າວໜ້າຢ່າງຫລວງຫລາຍ ໃນການຫັນປ່ຽນໄປສູ່ລະບອບປະຊາທິປະໄຕນັ້ນ. ອົງການຂ່າວຝຣັ່ງ AFP ອ້າງຄໍາເວົ້າ
ຂອງທ່ານ Natalegawa ທີ່ກ່າວຢູ່ໃນນະຄອນຫລວງຈາກາຕາໃນວັນອັງຄານມື້ນີ້ວ່າ ບັດ
ນີ້ ທ່ານຮູ້ສຶກວ່າ ມີການສະໜັບສະໜຸນຢ່າງແຮງກ້າໃນບັນດາ 10 ປະເທດສະມາຊິກ ຕໍ່
ຄວາມພະຍາຍາມຂອງມຽນມາ ເພື່ອໃຫ້ໄດ້ເປັນປະທານຂອງກຸ່ມອາຊຽນນັ້ນ.
