ລິ້ງ ສຳຫລັບເຂົ້າຫາ

ຢ່າງ​ນ້ອຍ 8 ຄົນ ​ເສຍ​ຊີວິດ ​​ໃນ​ໄພ​ນໍ້າ​ຖ້ວມ​ ຢູ່ຟີລິບປິນ​ (ສະໄລດ໌)

  • ວັນນະສອນ​ ແກ້ວດາຣາ

ຜູ້​ຊາຍ​ກໍາລັງ​ຜ່າ​ນໍ້າ​ຝົນ ທີ່​ສູງ​ພຽງ​ຄໍ ​ໃນ​ເມືອງ Quezon City ທາງທິດ​ເໜືອ​ຂອງກຸງ Manila, ຟີລິບປິນ, ວັນທີ 7 ສິງຫາ 2012.

ຜູ້​ຊາຍ​ກໍາລັງ​ຜ່າ​ນໍ້າ​ຝົນ ທີ່​ສູງ​ພຽງ​ຄໍ ​ໃນ​ເມືອງ Quezon City ທາງທິດ​ເໜືອ​ຂອງກຸງ Manila, ຟີລິບປິນ, ວັນທີ 7 ສິງຫາ 2012.

ຝົນຕົກໜັກຢູ່ໃນ​ເຂດນະຄອນຫຼວງ​ມະນີ​ລາຂອງຟິລິບ​ປີນ​ພາ​ໃຫ້​ເກີດ​ໄພ​ນໍ້າຖ້ວມ​ເຄິ່ງ​ເມືອງ ​ພ້ອມ​ທັງ​ດິນ​ເຈື່ອນ​ລົງ​ມາ​ທັບຢ່າງ​ຮ້າຍ​ແຮງ ແລະເຮັດໃຫ້​ປະຊາຊົນ ຫຼາຍກວ່າ 250,000 ​ຄົນຕ້ອງໄດ້​ອົບ​ພະ​ຍົບຈາກ​ເຮືອນ​ຊານ​ຂອງ​ພວກ​ເຂົາ​ເຈົ້າ.

ຝົນຕົກແຮງໃນ​ລະດູລົມ​ monsoon ດັ່ງກ່າວເຮັດ​ໃຫ້​ບາງ​ເຂດໃນ​ນະຄອນຫຼວງ​ມະນີ​ລາ​ເກີດ​ນໍ້າ​ຖ້ວມສູງ​ເຖິງ​ຄໍບ່ອນ​ທີ່​ປະຊາຊົນ​ໄດ້​ພາກັນ​ຂຶ້ນ​ເຮືອ​ກູ້​ໄພ​ຫຼົບໜີໃນ​ຂະນະ​ທີ່​ອີກ​ຈຳນວນ​ນຶ່ງ ພາກັນນັ່ງ​ເບິ່ງ​ຈາກເທິງຫຼັງຄາເຮືອນ.

ດິນ​ເຈື່ອນ​ໃນ​ເຂດ​ຊານ​ເມືອງ​ກໍ້າ​ເໜືອ​ຂອງ​ກຸງ​ມະນີ​ລາ ​ໄດ້​ເຮັດ​ໃຫ້​ມີ​ຢ່າງ​ນ້ອຍ 8 ຄົນ​ເສຍ​ຊີວິດ.

​ເຂດ​ນະຄອນຫຼວງຂອງ​ຟີ​ລິບ​ປິນ​ ໄດ້​ມີ​ຝົນຕົກ​ໜັກ​ເ​ລີ້​ມມາ​ແຕ່​ອາທິດແລ້ວ​ເວລາ​ລົມ​ພາຍຸ
​ເສົາ​ຫລາ​ພັດ​ເຂົ້າຖະຫຼົ່ມຊຶ່ງ​ເຮັດ​ໃຫ້​ຫຼາຍ​ກວ່າ 50 ​ຄົນໄດ້ເສຍ​ຊີວິດ​ໃນ​ຮອບອາທິດ​ຜ່ານ​ມາ.

ນໍ້າ​ຖ້ວມ​ຄັ້ງ​ນີ້​ ແມ່ນ​ຮ້າຍ​ແຮງ​ສຸດ​ໃນຟີ​ລິບ​ປິນ​ ທີ່​ເຄີຍ​ພົບ​ເຫັນ​ມາ​ໃນ​ຮອບ 3 ປີ​ ແລະພວກນັກ​ພະຍາກອນ​ອາກາດ​ຄາດວ່າ​ ຝົນ​ຍັງ​ຈະ​ສືບ​ຕໍ່​ຕົກ​ລົງມາ​ອີກຈົນ​ຮອດ​ວັນ​ພຸດ​ມື້​ອື່ນ​ນີ້.

XS
SM
MD
LG