ເກົາຫຼີໃຕ້ໄດ້ເປີດຕົວເມືອງໃໝ່ແຫ່ງນຶ່ງ ຊຶ່ງທາງການຫວັງວ່າ ຈະຊ່ອຍຜ່ອນຄາຍຄວາມແອ
ອັດໃ ນເມືອງຫຼວງຂອງປະເທດລົງໄດ້ ແລະສະໜອງການພັດທະນາທີ່ສົມດູນຂຶ້ນກ່ວາເກົ່າ.
ໃນພິທີທີ່ຈັດຂຶ້ນໃນວັນຈັນມື້ນີ້ ທາງການໄດ້ເປີດໂຕເມືອງໃໝ່ “Sejong City” ຊຶ່ງຫ່າງຈາກ
ນະຄອນຫລວງໂຊລໄປທາງທິດໃຕ້ ປະມານ 120 ຫຼັກກິໂລເເມັດ ບ່ອນທີ່ທາງການຈະຍົກ
ຍ້າຍພະນັກງານລັດ10,000 ຄົນໄປເຮັດວຽກຢູ່ທີ່ນັ້ນ ພາຍໃນປີ 2014.
ຄືລັດຖະບານມີແຜນການຈະຍ້າຍ 16 ກະຊວງ ແລະອີກ 20 ທະບວງກົມຕ່າງໆໄປຢູ່ເມືອງ
“Sejong” ພາຍໃນ 2 ປີຕໍ່ໜ້ານີ້ ຊຶ່ງຮວມທັງສໍານັກງານນາຍົກລົຖະມົນຕີ ແລະພະແນກກະ
ຈາຍສຽງຂອງລັດຖະບານນໍາ.
ພວກທີ່ບໍ່ເຫັນພ້ອມນໍາໂຄງການນີ້ ທີ່ໄດ້ມີການສະເໜີຂຶ້ນມາໃນປີ 2002 ນັ້ນ ໄດ້ຕັ້ງຂໍ້ສົງໄສ
ກ່ຽວກັບ ປະສິດທິຜົນໃນການແຍກລັດຖະບານ ອອກໄປຕັ້ງຢູ່ສອງຫົວເມືອງນີ້.
ປັດຈຸບັນ ເມືອງ “Sejong” ມີພົນລະເມືອງ 120,000 ຄົນ ແລະລັດຖະບານຄາດວ່າຈະເພີ່ມ
ຂຶ້ນເຖິງ 300,000 ຄົນໃນປີ 2020 ແລະວ່າຈະຮອດເຄິ່ງລ້ານຄົນ ເວລາການກໍ່ສ້າງສາເລັດ
ລົງຢ່າງສົມບູນ ໃນປີ 2030. ສ່ວນນະຄອນຫລວງໂຊລນັ້ນ ແມ່ນມີປະຊາກອນປະມານ 10
ລ້ານຄົນ ຂອງຈໍານວນປະຊາກອນທັງໝົດ 49 ລ້ານຄົນຂອງປະເທດ.
ອະດີດປະທານາທິບໍດີ ທ່ານ Roh Moo-hyun ໄດ້ມີຄວາມຕ້ອງການທີ່ຈະສະຖາປະນາ
“Sejong City” ໃຫ້ເປັນເມືອງຫຼວງໃໝ່ຂອງປະເທດ ແຕ່ໃນປີ 2004 ສານສູງເກົາຫຼີໃຕ້
ໄດ້ຕັດສິນບໍ່ອະນຸມັດ.
ຜູ້ນໍາເກົາຫລີໃຕ້ຄົນຕໍ່ມາ ຄືປະທານາທິບໍດີ Lee Myun-bak ກໍໄດ້ພະຍາຍາມທີ່ຈະຕັດ
ໂຄງການທີ່ວ່ານີ້ ໃຫ້ນ້ອຍລົງ ແລະເຮັດໃຫ້ເປັນສູນກາງວິທະຍາສາດ ແລະເທັກໂນໂລຈີ
ແທນ ແຕ່ບໍ່ສໍາເລັດຜົນ.