ລິ້ງ ສຳຫລັບເຂົ້າຫາ

ປະຊາຄົມຈີນ-ຟີລິບປີນ ວິຕົກນໍາ ຄວາມເຄ່ງຕຶງລະຫວ່າງ ຟິລິບປິນກັບຈີນ (ວີດີໂອລາວ/ອັງກິດ)

  • ທອງປານ ເທບວົງສາ
  • ດາຣາ ບັກຄໍາ

ຄວາມ​ເຄັ່ງ​ຕຶງ​ຍ້ອນເລຶ່ອງ​ເຂດ​ນໍ້າ​ແດນດິນ​ ລະຫວ່າງ​ຟິລິບ​ປິນແລະ​ຈີນ ​ທີ່​ເກີດ​ຂຶ້ນ ​ເມື່ອ​ບໍ່​ດົນ​ມາ​ນີ້ ​ໄດ້​ສົ່ງ​ຜົນ​ກະທົບຕໍ່ການ​ຄ້າ ​ແລະ​ກະ​ຕຸ້ນ​ໃຫ້​ມີການ ​ໃຊ້​ສໍານວນ​ໂວຫານຊາດ​ນິຍົມ​ ຕໍ່​ຕ້ານກັນ​ແລະກັນ. ​ແຕ່ທີ່​ນະຄອນຫລວງ ມະນີລາ ພວກ​ຊາວ​ເມືອງ​ທີ່​ອາ​ໃສ​ຢູ່​ໃນ​ຄຸ້ມ​ຈີນ ຫຼື Chinatown ທີ່​ເກົ່າ​ແກ່​ທີ່​ສຸດຄຸ້ມ​ນຶ່ງ​ໃນ​ໂລກ ມີ​ທັດສະນະ​ທີ່​ກວ້າງ​ໄກກ່ວາ​ນັ້ນ. ພວກ​ພໍ່ຄ້າ​ຊາວ​ຟິລິບ​ປິນ​ແລະ​ຊາວຈີນ ຢູ່​ໃນ​ປະຊາ​ຄົມທີ່​ຄຶກຄັກ​ມີ​ຊີວິດ​ຊີວາ​ແຫ່ງ​ນີ້ ມີ​ສາຍ​ພົວພັນ​ກັນ​ທີ່​ເຂັ້ມ​ແຂງ​ຕໍ່​ທັງ​ສອງ​ປະ​ເທດ. ​ສະມາຊິກຈໍານວນ​ນຶ່ງ​ຂອງ​ສະມາ​ພັນ​ສະພາ​ການ​ຄ້າ​ແລະ​ອຸດສາ ຫະກໍາ​ ຂອງ​ນັກທຸລະກິດ​ຟີ​ລິບ​ປິນ​ແລະ​ຈີນ ​ໄດ້​ໂອ້​ລົມ​ກັບ​ Pros Laput ຜູ້​ຜະລິດ​ລາຍ ການ​ໂທລະພາບ​ຂອງ​ວີ​ໂອ​ເອ ​ແລະ​ນັກ​ຂ່າວ Daniel Schearf ກ່ຽວ​ກັບ​ຄວາມ​ສໍ​າພັນ​ທີ່​ມີ​ມາ​ແຕ່​ປະ​ຫວັດ​ສາດ ​ແລະ​ຄວາມ​ເຄ່ງ​ຕຶງ​ໃນ​ປັດຈຸບັນ​ນີ້ ລະຫວ່າງ​ສອງ​ກຸ່ມ​ດັ່ງກ່າວ ດັ່ງດາຣາ ແລະທອງ​ປານມີ​ລາຍ​ລະອຽດມາສະ​ເໜີທ່ານ​.

ວີດີໂອພາສາລາວ:

Wilson Lee Flores ນາຍ​ໜ້າ​ຂາຍ​ບ້ານ​ແລະ​ທີ່​ດິນ ​ກ່າວ​ວ່າ ຊາວ​ຈີນ​ໄດ້​ປະກອບ​ທຸລະ​ກິດ
​ທໍາ​ມາ​ຄ້າຂາຍຢູ່​ໃນ​ຟິລິບ​ປິນ​ ​ມາເປັນເວລາ​ຫຼາຍ​ກວ່າ 1,000 ປີ ​ໂດຍ​ໄດ້​ລວມຕົວ​ກັນເຂົ້າ​ເປັນ
​ປະຊາ​ຄົມຟິລິບ​ປິນ-ຈີນ ​ທີ່ພື້ນຖານ​ແລະ​ການ​ຈັດ​ຕັ້ງ​ຢ່າງ​ແໜ້ນໜາ. ບໍ່​ແມ່ນ​ແຕ່​ໃນ​ເລຶ່ອງການ​
ທໍາ​ມາ​ຄ້າຂາຍ​ເທົ່າ​ນັ້ນ ພວກ​ເຂົາ​ເຈົ້າຍັງ​ຜະລິດ​ຜູ້​ນໍາ​ທາງ​ສາສະໜາ​ແລະ​ການເມືອງ​ ໃນ​ປະຊາ​
ຄົມ​ຂອງ​ພວກ​ເຂົາ​ເຈົ້ານໍາ​ອີກ. ລາວ​ກ່າວ​ຕື່ມ​ວ່າ:

ຄວາມ​ຈິງ​ແລ້ວ ຢູ່ວັດ​ທີ່​ພວກ​ເຈົ້າ​ເຫັນ​ຢູ່​ຂ້າງ​ຫຼັງ​ຂ້ອຍ​ນີ້ ນັກບຸນ​ຊາວ​ຟິລິບ​ປິນຄົນ​ທໍາ​ອິດ
ແມ່ນ
ເປັນ​ລູກ​ຊາຍ​ຂອງ​ຄົນຕ່າງ​ດ້າວ​ຊາວ​ຈີນ ທີ່​ເປັນ​ຊາວ​ຄຣີສຕຽນ ທີ່​ຮັບ​ໃຊ້​ຢູ່ໃນ​ວັດ
​ແຫ່ງ​ນີ້
. ດັ່ງ​ນັ້ນ​ ພວກ​ເຮົາ​ກໍ​​ແມ່ນເປັນ​ພາກ ສ່ວນນຶ່ງຂອງ​ຊີວິດ​ຂອງ​ຟິລິບ​ປິນ ແທ້ໆ.

ຊາວຟີລິບປີນພາກັນເດີນຂະບວນ ໄປຍັງສະຖານກົງສູນຈີນ ທີ່ນະຄອນຫລວງມະນີລາ ເພື່ອປະທ້ວງຈີນ ກ່ຽວກັບການອ້າງ ເອົາເກາະນຶ່ງໃນເຂດທະເລຈີນໃຕ້ ທີ່ຟີລິບປີນກໍອ້າງວ່າເປັນຂອງຕົນ, ວັນທີ 11 ພຶດສະພາ 2012.

ຊາວຟີລິບປີນພາກັນເດີນຂະບວນ ໄປຍັງສະຖານກົງສູນຈີນ ທີ່ນະຄອນຫລວງມະນີລາ ເພື່ອປະທ້ວງຈີນ ກ່ຽວກັບການອ້າງ ເອົາເກາະນຶ່ງໃນເຂດທະເລຈີນໃຕ້ ທີ່ຟີລິບປີນກໍອ້າງວ່າເປັນຂອງຕົນ, ວັນທີ 11 ພຶດສະພາ 2012.

ເຖິງ​ແມ່ນ​ຈະ​ມີ​ສາຍ​ສໍາພັນ​ອັນໃກ້
ຊິດ​ກັນ​ມາແຕ່​ປະຫວັດສາດ​ກໍ​ຈິງ
ບັນດາ​ພໍ່ຄ້າ​ຊາວຂາຍ​ ທັງ​ຟິລິບ
​ປິນແລະ​ຈີນ ກ່າວ​ວ່າ ຄວາມ​ເຄັ່ງ​
ຕຶງ​ລະຫວ່າງທັງ​ສອງ​ປະ​ເທດ​ໃນ
​ເວລາ​ນີ້ ກ່ຽວ​ກັບ​ການ​ຜິດຖຽງ​
ກັນ​ເລື້ອງ​ດິນ​ແດນນັ້ນ ກໍແມ່ນ
​ສ້າງ​ຄວາມວິຕົກ​ກັງວົນ​ໃຫ້​ແກ່
​ວົງ​ການ​ທຸລະ​ກິດ​.

ທ່ານ George Chua-Cham
​ໂຄສົກ​ສະມາພັນ​ສະພາການ​ຄ້າ
​ແລະ​ອຸດສາຫະກໍາ​ຊາວ​ຟິລິບ​ປິນ
​ເຊື້ອສາຍ​ຈີນ​ກ່າວ​ວ່າ

“ພວກ​ເຮົາ​ຄວນ​ຈະ​ປອບໃຈ
ພວກ​ເຂົາ​ເຈົ້າ ​ທັງ​ສອງ​ຝ່າຍ​ ​
ແລະ​ພະຍາຍາມ​ໃຫ້​ເຂົາ​ເຈົ້າ
​ມີ​ແນວ​ຄິດເບົາ​ບາງລົງ. ມັນ​ມັກມີຢູ່​ເລື້ອຍໆ​ດອກ ​ພວກ​ຄົນ​ພານ​ທີ່​ມັກ​ຫາ​ເລຶ່ອງຍຸຍົງ​
ຫຼາຍ​ສິ່ງ​ຫຼາຍ​ຢ່າງ​ຢູ່​ ຊຶ່ງບໍ່​ແມ່ນ​ແຕ່​ຢູ່​ທາງຝ່າຍ​ຈີນ​ເທົ່າ​ນັ້ນ ຝ່າຍ​ຟິລິບ​ປິນ​ເອງ​ກໍ​ຄື​ກັນ.
ເພາະວ່າ ທຸກ​ຫົນ​ແຫ່ງ​ທີ່​ພວກ​ເຮົາ​ໄປ ​ເຮົາ​ບໍ່​ສາມາດ​ທີ່​ຈະ​ຫຼີກ​ລ່ຽງມັຍ​ໄດ້ ​ແຕ່​ພວກ​
ເຮົາກໍ​ພະຍາຍາມ​ບໍ່ໃຫ້​ຄວາມສໍາຄັນ​ໃດໆ​ໃນ​ເລຶ່ອງນີ້​ໃຫ້​ຫຼາຍ​ເທົ່າ​ທີ່​ຈະຫຼາຍ​ໄດ້ ​ແລະ
​ປ່ອຍ​ໃຫ້​ເຫດຜົນ​ເປັນ​ຕົວ​ຊີ້ນໍາ​ພວກ​ເຂົາ​ເຈົ້າ.​”

ພວກ​ພໍ່ຄ້າ​ຊາວ​ຂາຍ​ຢູ່​ຄຸ້ມ Chinatown ນີ້​ກ່າວ​ວ່າ ຊາວ​ຟິລິບປີນ​ແລະ​ຊາວ​ຈີນ​ທີ່​ອາ​ໃສ​ຢູ່​ທີ່​ນີ້
ກໍປຽບສະ​ເໝືອນ​ພີ່​ເໝືອນ​ນ້ອງ​ກັນ ​ແຕ່​ກໍ​ມີ​ບາງ​ຄັ້ງ​ບາງ​ຄາວທີ່ ພວກ​ເຂົາ​ເຈົ້າຜິດຖຽງກັນ ​
ແຕ່​ກໍ​ຍັງ​ຖື​ວ່າ​ເປັນ​ຄອບຄົວ​ດຽວ​ກັນຢູ່.

ນາຍ George Sy ພໍ່ຄ້າ​ຂາຍ​ເຄຶ່ອງສໍາອາງ ກ່າວ​ວ່າ:

“ຂ້ອຍ​ຄິດ​ວ່າ ຖ້າຫາກ​ພວກ​ເຮົາ​ພິຈາລະນາ​ດ້ວຍ​ສາຍຕາ​ທີ່​ສົມ​ດຸນກັນ​ແລ້ວ ພວກ​ເຮົາ​
ກໍ​ຈະ​ເຫັນວ່າ ຄວາມສໍາພັນ​ລະຫວ່າງກັນ​ ແມ່ນ​ດີ​ຫຼາຍ ຕະຫລອດ​ເວລາ 1,000 ປີ ທີ່
​ຜ່ານ​ມາ ຄືຊາວ​ຈີນ​ໄດ້​ຕໍ່ສູ້​ຢູ່​ຄຽງ​ຂ້າງ​ກັບ​ຊາວ​ຟິລິບ​ປິນຢູ່ສະ​ເໝີ​ມາ ​ໃນ​ທຸກໆ​ສົງ​ຄາມ ​
ໃນ​ທຸກໆການ​ປະຕິວັດ. ​ແລະ​ການ​ເປັນ​ພາຄີ​ກັນດັ່ງກ່າວ​ ​ແມ່ນ​ແຕ່​ໃນ​ລະດັບສ່ວນໂຕ​
ກໍ​ຕາມ​ ແມ່ນດີຫຼາຍ​ມາ​ຕະຫຼອດ. ​ສະ​ນັ້ນ​ແລ້ວ ​ພວກ​ເຮົາກໍ​ແມ່ນຈະ​ມີ​ຫຼາຍ​ສິ່ງ​ຫຼາຍ​
ທີ່​ສາມາດຄາດ​ຫວັງ​ໄດ້ ​ໃນ​ອະນາຄົດ​ຂ້າງ​ໜ້າ.

ນາຍ George Sy ​ໄດ້​ໃຫ້​ຂໍ້​ສັງ​ເກດ​ວ່າ ປະຊາ​ຄົມ​ຈີນແມ່ນ​ດໍາລົງ​ຄົງ​ຢູ່ມາໄດ້​ ຕັ້ງ​ແຕ່ສະ​ໄໝ
​ເປັນຫົວ​ເມືອງ​ຂຶ້ນຂອງ​ສະ​ເປ​ນ ​ແລະ​ຕໍ່​ມາ​ພາຍ​ໃຕ້ການ​ປົກຄອງ​ຂອງ​ອາ​ເມຣິກາ ​ໂດຍ​ບໍ່ເຂົ້າ
ຫຍຸ້ງ​ກ່ຽວກັບການ​ເມືອງ ​ແລະ​ສຸມ​ໃສ່​ແຕ່​ດ້ານ​ທຸລະ​ກິດເທົ່ານັ້ນ.

ວີດີໂອພາສາອັງກິດ:

XS
SM
MD
LG