ລິ້ງ ສຳຫລັບເຂົ້າຫາ

ກຸ່ມການເມືອງໃນອີຣັກ ຮຽກຮ້ອງໃຫ້ຍຸບ ສະພາແຫ່ງຊາດ (ເບິ່ງສະໄລດ໌)

  • ບົວສະຫວັນ

ທ່ານ Muqtada al Sadr, ຊຶ່ງເປັນນັກບວດສາສະໜາອິສລາມນິກາຍ Shi’ite ແລະເປັນນັກການເມືອງ ທີ່ມີອິດທິພົນຫລາຍທີ່ສຸດ ຜູ້ນຶ່ງໃນອີກຣັກ (AP Photo/Bassem Tellawi, File)

ກຸ່ມ​ການ​ເມືອງອີຣັກທີ່​ນໍາ​ພາໂດຍ​ ທ່ານ Muqtada al Sadr ນັກ​ບວດສາສະໜາ​ອິສ
ລາມ​ນິກາຍ Shi’ite ນັ້ນ ໄດ້ຮຽກຮ້ອງ​ໃຫ້​ຍຸບ​ລັດຖະສະພາຂອງ​ອີຣັກ ​ແລະ​ຈັດການ​
ເລືອກ​ຕັ້ງຂຶ້ນກ່ອນ​ກໍານົດ ຊຶ່ງ​ເປັນ​ການ​ເຄື່ອນໄຫວ​ທີ່​ອາດ ​ເຮັດ​ໃຫ້​ວິ​ກິດ​ການ​ແຕກແຍກ
ກັນຂອງ​ປະ​ເທດ​ເພີ້ມທະວີຂຶ້ນອີກ.

ພວກ​ທີ່​ເຫັນ​ພ້ອມ​ກັບ​ທ່ານ Sadr ​ກ່າວ​ໃນວັນ​ຈັນວານ​ນີ້​ວ່າ ມີ​ແຕ່ການ​ເລືອກ​ຕັ້ງ​ໃໝ່​
ເທົ່າ​ນັ້ນ ຈຶ່ງ​ຈະ​ສາມາດ​ແກ້​ໄຂ​ບັນຫາ​ທາງ​ການ​ເມື​ອງ​ໄດ້ ​ເພາະວ່າລັດຖະບານປັດຈຸ​ບັນ
“ບໍ່ສາມາດຊອກ​ຫາ​ທາງ​ແກ້​ໄຂ​ບັນຫາ” ທີ່ “​ເປັນ​ໄພ​ຂົ່ມຂູ່” ຕໍ່​ການເຮັດ​ໃຫ້​ປະ​ເທດ​ແຕກ
ແຍກ​ກັນ​ໄດ້.

ເບິ່ງສະໄລດ໌ກ່ຽວກັບນັກບວດ Muqtada al Sadr:

ຄວາມ​ເຄັ່ງ​ຕຶງ​ໄດ້​ເພີ້ມທະວີ​ຂຶ້ນ ລຸນ​ຫລັງ​ທີ່ນາຍົກ​ລັດຖະມົນ​ຕີ​ອີຣັກ, ທ່ານ Nouri
al-Maliki ​ ທີ່​ນັບຖື​ສາສະໜາ​ອິສລາມນິກາຍ Shi’ite ນັ້ນອອກ​ຄໍາ​ສັ່ງໃຫ້​ຈັບ​ກຸ​ມທ່ານ
Tariq al-Hashemi ຮອງ​ປະທານາທິບໍດີອີຣັກທີ່ນັບຖື​ນິ ກາຍ​ຊຸນ​ນີ່ ເນື່ອງ​ຈາກ​ສົງໄ​ສ
ວ່າ ທ່ານ​ເປັນ​ຜູ້ວາງ​ແຜນສັງຫານໝູ່​. ທ່ານ Hashemi ​ໄດ້​ປະຕິ​ເສດ​ຕໍ່ການ​ກ່າວ​ຫາ​
ດັ່ງກ່າວ ​ແລະ​ໄດ້​ໂຕນໜີ​ໄປ​ຢູ່​ເຂດຂອງ​ຊາວ​ເຄີ​ດ ຊຶ່ງເປັນ​ເຂດ​ປົກຄອງ​ຕົນເອງ​ໃນພາກ​
ເໜືອ​ອີຣັກນັ້ນ ​ເພື່ອ​ຫລີກ​ລ້ຽງ ການ​ຖືກຈັບ​ກຸມ. ນອກ​ນັ້ນ ທ່ານ Maliki ຍັງຮຽກ
ຮອງ​ໃຫ້​ລັດຖະສະພາ ປົດ ຮອງ​ນາຍົກລັດຖະມົນຕີ Saleh al-Mutlag ຊຶ່ງ​ນັບຖື​ນິກາຍ
ຊຸນ​ນີ່​ອີກ​ຄົນ​ນຶ່ງ ອອກ​ຈາກໜ້າທີ່.

ວິ​ກິດ​ການ​ທາງ​ການ​ເມືອງ​ເກີດ​ຂຶ້ນຖ້າມກາງ​ກະ​ແສ​ຟອງ​ຂອງ​ການໂຈມ​ຕີ​ໃນ ນະຄອນ​
ຫລວງ​ແບກ​ແດດ ​ໂດຍ​ພວກ​ຊຸນ​ນີ່​ຫົວຮຸນ​ແຮງທີ່​ມີ​ການ​ພົວພັນ​ກັບ ເຄືອ​ຂ່າຍ al-Qaida.

ກຸ່ມແນວ​ໜ້າຂອງ al-Qaida ຢູ່​ໃນ​ປະ​ເທດຄື​ລັດ​ອິສລາມ​ອີຣັກ​ໃນວັນ​ຈັນ​ວານ​ນີ້ ​ໄດ້ອ້າງ
ເອົາ​ຄວາມຮັບຜິດ​ຊອບ​ຕໍ່​ເຫດ​ລະ​ເບີດ​ຫລາຍໆຄັ້ງ ທີ່​ພາ​ໃຫ້​ປະມານ 70 ຄົນ​ເສຍ​ຊີວິດ
ໃນ​ວັນ​ພະຫັດ​ທີ່​ຜ່ານ​ມານັ້ນ ຊຶ່ງ​ເປັນ​ການ​ໂຈມ​ຕີທີ່​ມີ​ຄົນ​ເສຍ​ຊີວິດ​ຫລາຍ​ທີ່​ສຸດໃນ​ອີຣັກ ​
ໃນ​ຮອບ​ຫລາຍໆເດືອນຜ່ານ​ມາ​ນີ້.

ການກໍ່ຄວາມຮຸນ​ແຮງ​ຍັງ​ດຳ​ເນີນ​ຢູ່​ຕໍ່​ມາ​ ໃນ​ວັນ​ຈັນ​ວານ​ນີ້ ​ເມື່ອ​ຜູ້​ວາງ​ລະ​ເບີດ​ສະລະ​ຊີບ
ຜູ້​ນຶ່ງ ບີບ​ຄະ​ນວນ​ລະ​ເບີດ​ທີ່​ຫ້າງ​ໄວ້​ໃນ​ລົດ​ຄັນ​ນຶ່ງ​ໃຫ້​ແ​ຕກຂຶ້ນຢູ່​ຕໍ່ໜ້າກະຊວງ​ພາຍ​ໃນ​.
ເຫດ​ລະ​ເບີດ​ແຕກໃນ​ຄັ້ງນີ້ເຮັດ​ໃຫ້ 7 ຄົນ​ເສຍ​ຊີວິດ​ແລະ​ອີກ 30 ຄົນ​ໄດ້ຮັບບາດ​ເຈັບ.
ພວກ​ເຈົ້າໜ້າທີ່​ເວົ້າວ່າ ​ມີຕໍາຫລວດ 5 ຄົນ ຮວມ​ຢູ່ ໃນ​ພວກ​ທີ່​ເສຍ​ຊີວິດ​ 7 ຄົນນັ້ນ.

XS
SM
MD
LG