ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທົ່ວໂລກຮ່ວມໄວ້ອາໄລ ແກ່ພວກເສຍຊີວິດ ໃນວັນທີ 11 ກັນຍາ 2001 ທີ່ສະຫະລັດ (ເບິ່ງວີດີໂອ)


ມີການກາງທຸງຊາດອາເມຣິກັນຜືນໃຫຍ່ ໃນພິທີຂີດໝາຍຄົບຮອບ 10 ປີ ຂອງວັນທີ 11 ກັນຍາ 2001 ຢູ່ນະຄອນຫລວງປາຣີ ຂອງປະເທດຝຣັ່ງ, ວັນອາທິດວານນີ້ ທີ 11 ກັນຍາ, 2011.
ມີການກາງທຸງຊາດອາເມຣິກັນຜືນໃຫຍ່ ໃນພິທີຂີດໝາຍຄົບຮອບ 10 ປີ ຂອງວັນທີ 11 ກັນຍາ 2001 ຢູ່ນະຄອນຫລວງປາຣີ ຂອງປະເທດຝຣັ່ງ, ວັນອາທິດວານນີ້ ທີ 11 ກັນຍາ, 2011.

ຜູ້​ຄົນ​ໃນ​ທົ່ວ​ໂລກ​ໄດ້ພາກັນ​ປະກອບສ່ວນ​ຢ່າງ​ເຄ່ງ​ຂຶມ ​ໃນ​ພິທີ​ຂີດ​ໝາຍວັນຄົບຮອບ 10 ປີ ຂອງ​ວັນ​ທີ 11 ກັນຍາ ວັນ​ກໍ່ວິນາດ​ສະ​ກໍາຕໍ່​ສະຫະລັດ ​ເມື່ອ​ປີ 2001 ​ທີ່​ໄດ້​ສັງຫານຜູ້​ຄົນ​ເກືອບ​ເຖິງ 3,000 ຄົນ​ໃນ​ວັນ​ດຽວກັ​ນ ​ທີ່ນະຄອນ New York, ກຸງ Washington ​ແລະ​ເຂດ​ຊົນນະບົດ​ຂອງ​ລັດ Pennsylvania.

ປະຊາກອນ​ຈາກ 90 ປະ​ເທດ​ໄດ້​ເສຍ​ຊີວິດໄປໃນ​ມື້​ນັ້ນ​ ຊຶ່ງ​ມີ​ຊາວ​ອັງກິດ​ເຖິງ 67 ຄົນ.​

ທີ່​ອັງກິດ, ​ເຈົ້າຟ້າ​ຊາຍ Charles ​ແລະ​ນາຍົກລັດຖະມົນຕີ​ທ່ານ David Cameron ​ໄດ້​ປະກອບສ່ວນ​ກັບສະມາຊິກ​ຄອບຄົວ​ພວກໄດ້​ຮັບ​ເຄາະ​ ໃນ​ພິທີວາງ​ພວງມາລາ​ທີ່​ມີ​ການອ່ານ ​ຊື່ອອກສຽງ​ດັງ​ໆ​ ຂອງ​ພວກ​ທີ່​ເສຍ​ຊີວິດ​ທັງ​ໝົດ 67 ຄົນ.

ພະ​ສັນຕະປາປາ ຫຼື​ພະ​ສັງຄະ​ລາດ​ຂອງ​ສາສະໜາ​ຄຣີສ ກໍ​ໄດ້​ສູດ​ມົນ​ພາ​ວັນນາ​ໃຫ້​ພວກໄດ້​ຮັບເ​ຄາະຮ້າຍ​ແລະ​ຄອບຄົວ​ຂອງ​ພວກ​ເຂົາ​ເຈົ້າ. ຜູ້​ນໍາ​ຂອງ​ສາສະໜາໂຣມັນກາ​ໂຕຣິກ ​ຍັງ​ໄດ້​ຮຽກຮ້ອງໃຫ້​ຄົນ​ທັງຫຼາຍ​ທັງ​ປວງ​ ລະ​ເວັ້ນຈາກຄວາມ​ຮຸນ​ແຮງ​ ​ແລະໃຫ້ປະ​ຕິ​ບັດ​ງານ​ເພື່ອ ສະໝານ​ສາມັກຄີປອງ​ດອງ​ກັນ ເພື່ອ​ຄວາມ​ເປັນເອກະ​ພາບ ​ຄວາມ​ຍຸດຕິ​ທໍາ ແລະສັນຕິສຸກ​.

ທີ່​ກຸ​ງປາ​ຣີ ປະ​ເທດ​ຝຣັ່ງ ກໍ​ມີ​ຜູ້​ຄົນ​ຈໍ​ານວນ​ຫຼາຍ​ພັນ​ຄົນ ພາກັນໄປເຕົ້າ​ໂຮມ​ຢູ່ໃກ້ໆ​ກັບ​ຫໍ Tour Eiffel ​ແລະ​ກໍ​ໄດ້​ມີ​ການ​ສອດ​ມົນ​ພາ​ວັນນາ​ທີ່ ​ໂບດ Notre Dame. ​ອະດີດ​ປະທານາທິບໍດີ Jacques Chirac ​ແມ່ນ​ເປັນ​ຜູ້ນໍາ​ຂອງ​ໂລກ​ຜູ້​ທໍາ​ອິດ​ ທີ່ໄດ້​ມາ​ຢ້ຽມຢາມ​ສະຫະລັດ​ຫຼັງ​ຈາກ​ການ​ໂຈມ​ຕີ​ດັ່ງກ່າວນັ້ນ. ຢູ່​ໃນ​ແຫ່ງ​ອື່ນໆ​ໃນ​ທົ່ວ​ຢູ​ໂຣບ ກໍ​ມີ​ການຈັດພິທີ ໄວ້​ອາ​ໄລ​ແລະ​ລະ​ລຶກ​ເຖິງ​ເຫດການ​ດັ່ງກ່າວ​ ເຊ່ນກັນ ​ ຊຶ່ງ​ຮວມທັງ​ໃນ​ປະ​ເທດ Hungary, Poland, ​ແລະ ສາທາລະນະ​ລັດ Czech.

ພວກ​ເດັກນ້ອຍ​ໄດ້ຈຸດ​ທຽນ​ໄຂ​ແລະ​ຮ້ອງ​ເພງ​ ຢູ່​ສະຖານທູດ​ອະ​ເມຣິກາ​ໃນ​ນະຄອນຫຼວງ​ປັກ​ກິ່ງ​. ໃນ​ດ້ານເອກ​ອັກຄະ​ລັດຖະທູດອັຟກາ​ນິສຖານປະ​ຈໍາ​ສະຫະລັດ ທ່ານ Eklil Hakimi ນັ້ນ ໄດ້ກ່າວ​ວ່າ ປະຊາຊົນ​ອັຟກາ​ນິສຖານ​ເຂົ້າ​ໃຈ​ເຖິງ​ຄວາມ​ເຈັບ​ປວດ​ທີ່​ສະຫະລັດ​ໄດ້​ຮັບ​ຈາກ​ການ​ກະທໍາ​ຂອງ​ພວກ​ກໍ່​ການ​ຮ້າຍ​ນັ້ນ.

ທາງລັດຖະບານ​ຂອງປາ​ກີ​ສຖານ​ ກໍກ່າວ​ວ່າ ຕົນ​ສົມທົບ​ກັບໂລກ​ ໃນ​ການ​ໃຫ້​ກຽດ​ໄວ້​ອາ​ໄລແກ່​ພວກ​ໄດ້ຮັບເຄາະ​ທັງ​ໝົດ​ ຈາ​ກການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ ຕັ້ງ​ແຕ່ວັນ​ທີ 11 ກັນຍາ ປີ 2001 ນັ້ນ ມາຈົນເທົ່າ​ເຖິງ​ປະຈຸ​ບັນ​ນີ້.

ເບິ່ງວີດີໂອ ກ່ຽວກັບສະພາບການຢູ່ນິວຢອກ ໃນທ້າຍສັບປະດາຜ່ານມາ

XS
SM
MD
LG