ວັນນະສອນ: ສະບາຍດີແຟນລາຍການທຸກໆທ່ານ ວັນນະສອນຕ້ອງຂໍອະໄພທີ່ອາທິດ
ແລ້ວນີ້ ຊຶ່ງກົງກັບວັນແມ່ໃນສະຫະລັດ ແຕ່ວັນນະສອນກັບມົວແຕ່ຢາກສະເໜີເພງສາກົນ
ທີ່ຕິດອັນດັບ Top Ten Chart ໃຫ້ຟັງ ກໍເລີຍບໍ່ໄດ້ຈັດເພງເພື່ອມອບໃຫ້ບັນດາແມ່ທີ່
ໜ້າຮັກທັງຫຼາຍແລີຍ. ແຕ່ກໍບໍ່ຕ້ອງນ້ອຍໃຈ ມື້ນີ້ຈັດໃຫ້ເປັນພິເສດໂດຍສະເພາະເລີຍ
ຂໍມອບເພງ “ມານດາ” ທີ່ປະພັນແລະຂັບຮ້ອງໂກຍ ກິວົງ ສິນລະປິນລາວຈາກຝຣັ່ງ
ເພື່ອສະແດງເຖິງຄວາມຮູ້ສຶກດີໆ, ກະຕັນຍູກະຕະເວທີ ຮູ້ບຸນຄຸນ ຕໍ່ມານດາຜູ້ບັງເກີດ
ເກົ້າ ແລະຂໍໃຫ້ເປັນແບບຢ່າງ ແລະສິດສອນພວກລູກໆຕໍ່ໄປ. ຂໍໃຫ້ບັນດາແມ່ຈົ່ງມີ
ແຕ່ຄວາມສຸກຄວາມຈະເລີນທັງກາຍແລະໃຈ ແລະປາດຖະໜາສິ່ງໃດກໍຂໍໃຫ້ໄດ້ສົມດັ່ງ
ໝຸ້ງມາດປາດຖະໜາດ້ວຍເຖີ້ນ.
ເພງ: “ມານດາ” - ກິວົງ
ເພງ ບ້ານນາຜາສຸກ ສະບັບດັ່ງເດີມນີ້ ທີ່ປະພັນໂດຍ ອ. ສ. ແສງສິຣິວັນ ແລະຂັບຮ້ອງ
ໂດຍ ມະນີວັນ ວໍຣະວົງ ນີ້ ວັນນະສອນ ຈັດມອບໃຫ້ນ້ອງສົມເໝາະ ທີ່ເປັນຄູໃນສປປ
ລາວທີ່ໄດ້ຂະຍັນເອົາໃຈໃສ່ ສິດສອນ ປະຊາຄົມ ບັນດາເຜົ່າຕາມເຂດຊົນນະບົດຕ່າງໆ
ໃນລາວ ຂໍຊ່ອຍເປັນກໍາລັງໃຈແລະໃຫ້ນ້ອງສົມເໝາະ ຕັ້ງໜ້າຕັ້ງຕາທໍາງານໃນສິ່ງ
ທີ່ຕົນເອງຮັກ ເພື່ອຄວາມກ້າວໜ້າຂອງຕົວເອງ ແລະຄົນອື່ນໄປພ້ອມກັນ ສ່ວນເພງ
ເພື່ອຄູ ກໍກໍາລັງຫາໃຫ້ຢູ່ ຖ້າພໍ້ເມື່ອໃດແລ້ວຈະຈັດໃຫ້ຟັງ.
ເພງ: “ບ້ານນາຜາສຸກ ” - ມະນີວັນ ວໍຣະວົງ
ວັນນະສອນ: ດີໃຈທີ່ໄດ້ຮັບ email ຈາກ ລັດຕະນາ ຫຼວງລາດ ຫຼານສາວຄົນງາມຂອງຍາລຸງບົວຫອມ ດໍາລົງ ທີ່ຂຽນເຂົ້າມາທວງ ປະຕິທິນປີ 2012 ທາງເຮົາຈັດສົ່ງໄປໃຫ້ຮຽບຮ້ອຍແລ້ວ ຕັ້ງຫຼາຍສະບັບ ອີກບໍ່ດົນຄົງຈະໄດ້ຮັບ ວັນນະສອນ ຢາກຈະໃຫ້ຍາລຸງຫັດສົ່ງ email ຈະໄດ້ຕິດຕໍ່ກັນສະດວກ ແລະລວດເລວທັນໃຈ ແລະຂໍມອບເພງ “ຖິ່ນແກ້ວ” ຂອງພູສຸກສະຫວັດ ທານະດາບຸດ ສິນລະປິນຈາກສະຫະລັດໃຫ້ຕາມທີ່ຂໍມາ ແລະວ່າຄັ້ງຕໍ່ໄປຄົງຈະເຫັນ email ມາຈາກຍາລຸງ ບົວຫອມ ດໍາລົງ. ຂໍໃຫ້ທຸກໆທ່ານນອນລັບຝັນຫວານແລະພົບກັນໃຫມ່ໃນສັບ
ປະດາຫນ້າ.
ເພງ: “ຖິ່ນແກ້ວ ” - ພູສຸກສະຫວັດ ທານະດາບຸດ