ລິ້ງ ສຳຫລັບເຂົ້າຫາ

ຊ່ອງຫວ່າງດ້ານ ວິທະຍາສາດ ແລະ ຄວາມຮັບຜິດຊອບ ພາໃຫ້ ສົ່ງເຊື້ອ anthrax ດ້ວຍຄວາມຜິດພາດ


ນັກວິທະຍະສາດຄົນໜຶ່ງ ກຳລັງກວດເບິ່ງຫໍ່ສະປໍຂອງ anthrax.

ນັກວິທະຍະສາດຄົນໜຶ່ງ ກຳລັງກວດເບິ່ງຫໍ່ສະປໍຂອງ anthrax.

ການ​ສືບສວນ​ກ່ຽວ​ກັບ​ວ່າ ​ເປັນ​ຫຍັງສູນ​ກາງ​ປ້ອງ​ກັນ​ ທາງ​ດ້ານ
​ຊີວະ​ສາດ​ ຂອງກອງທັບ​ບົກ​ສະຫະລັດ ຈຶ່ງ​ໄດ້​ສົ່ງ​ເຊື້ອ anthrax
ທີ່​ຍັງ​ມີ​ຊີວິດ ດ້ວຍ​ຄວາ​ມຜິດພາດ ​ໄປໃຫ້ເກືອບ 200 ຫ້ອງ​ທົດ
​ລອງ​ ຢູ່​ໃນ ສະຫະລັດ​ ແລະ​ຢູ່ນອກ​ປະ​ເທດ ພົບ​ເຫັນ​ວ່າ ​ບໍ່​ມີ​ຜູ້​
ໃດ​ຜູ້​ໜຶ່ງຫລື​ເຫດ ການ​ໃດ​ໜຶ່ງ ມີຄວາມ​ຮັບຜິດ​ຊອບ​ໂດຍ​ກົງຕໍ່​
ການ​ສົ່ງເຊື້ອ anthrax ດ້ວຍ​ຄວາມ​ຜິດພາດ​ດັ່ງກ່າວ.

ຕົວຢ່າງ​ເຊື້ອ anthrax ທີ່​ມີ​ຊີວິດ​ຢູ່​ນັ້ນ ​ໄດ້​ຖືກ​ສົ່ງ ​ຈາກຫ້ອງ​ທົດ
​ລອງ​ທະຫານ​ແຫ່ງ​ໜຶ່ງ ​ຢູ່​ລັດ Utah ທາງ​ພາກ​ຕາ​ເວັນ​ຕົກ​ຂອງ
ສະຫະລັດ​ໄປ​ຫາ​ບັນດາຫ້ອງ​ທົດ​ລອງ​ເອກ​ກະ​ຊົນແລະ​ທ​ະຫານ
ຢູ່​ທັງໝົດ 50 ລັດ​ຂອງສະຫະລັດ ​ແລະ​ເກົ້າ​ປະ​ເທດ.

ຕົວຢ່າງ​ເຊື້ອ anthrax (Bacillus anthracis) ທີ່​ມີ​ຊີວິດ​ຢູ່​ນັ້ນ ​ໄດ້​ຖືກ​ສົ່ງ​ຈາກ ຫ້ອງ​ທົດ​ລອງ

ຕົວຢ່າງ​ເຊື້ອ anthrax (Bacillus anthracis) ທີ່​ມີ​ຊີວິດ​ຢູ່​ນັ້ນ ​ໄດ້​ຖືກ​ສົ່ງ​ຈາກ ຫ້ອງ​ທົດ​ລອງ

ທ່ານ Paul Owstrowski ນາຍ​ພົນກອງທັບ​ບົກ​ທີ່ເປັນ​ຫົວໜ້າ​ນຳພາ ການ​ສືບສວນ ກ່າວ
ວ່າ “​ຮວມ​ຢູ່ໃນ​ເຫດການ​ທັງ​ໝົດ ຮວມທັງ​ຊ່ອງ​ຫວ່າງດ້ານວິທະຍາສາດ ບັນຫາ​ຕ່າງໆ​
ຂອງ​ສະ​ຖາ​ບັນ ​ແລະ​ຄວາ​ມຮັບ ຜິດຊອບ​ຂອງ​ພະນັກງານ ​ເວລາ​ນຳ​ມາ​ຮວມ​ເຂົ້າ​ກັນ​ແລ້ວ
​ແຕ່ລະ​ຢ່າງ​ຕ່າງ​ກໍ​ຊ່ວຍ​ເຮັດ​ໃຫ້​ເກີດ​ເຫດ​ການ​ດັ່ງກ່າວ​.”

ຊ່ອງຫວ່າງ​ໃນ​ຄວາມ​ຮັບຜິດຊອບ ​ໄດ້​ຊີ້​ໃສ່ 12 ຄົນ ຮວມທັງ​ນາຍ​ພົນ ຈັດຕະວາ William
King ຜູ້​ບັນຊາ​ການ​ຮັບຜິດຊອບ​ຫ້ອງ​ທົດ​ລອງ ​ກ່ຽວ​ກັບການ​ສົ່ງ​ລະຫວ່າງ​ປີ 2009 ​ຫາ
2011. ນາຍ​ພົນ King ມີ​ຄວາມ​ຜິ​ດພາດ​ຕໍ່​ການ​ປະຕິບັດງານ​ດັ່ງກ່າວ ​ອີງ​ຕາມ​ລາຍ​ງານ
“ຍ້ອນ​ ​ບັນຍາ​ກາດທີ່​ພາ​ໃຫ້​ເກີດ​ຄວາມ​ເຫລີງ​ໃຈ​ຢູ່​ເລື້ອຍໆ” ລະຫວ່າງບັນ​ດາ​ພະນັກງານ​
ຫ້ອງ​ລົດ​ລອງ.

XS
SM
MD
LG