ທິມອາເຈັນຕິນາໄດ້ຜ່ານເຂົ້າໄປ ຮອບກ່ອນຊີງຊະນະເລີດ ໃນ
ການແຂ່ງຂັນເຕະບານໂລກ ເປັນເທື່ອທຳອິດ ໃນຮອບເກືອບ 25
ປີ ເມື່ອວັນເສົາວານນີ້ ໃນຂະນະທີ່ ທິມເນເທີແລນ ກໍໄດ້ເຂົ້າຮອບ
ກ່ອນຊີງຊະນະເລີດເຊັ່ນກັນ ເປັນຄັ້ງທີສອງລຽນຕິດ.
ທິມອາເຈັນຕິນາ ໄດ້ເຂ່ຍທິມແບລຈຽມ ໃຫ້ຕົກຮອບໄປ ດ້ວຍ
ໄຊຊະນະ 1 ປະຕູຕໍ່ 0 ຢູ່ທີ່ເມືອງ Brasilia.
ບັດນີ້ ທິມອາເຈັນຕິນາ ຈະກ້າວເຂົ້າສູ່ ກ່ອນຊີງຊະນະເລີດ ຂອງ
ການແຂ່ງຂັນເຕະບານໂລກ ເປັນຄັ້ງທຳອິດຕັ້ງແຕ່ປີ 1990 ມາ.
ທິມອາເຈັນຕິນາ ໄດ້ຮັບໄຊຊະນະເລີດໃນການແຂ່ງຂັນເຕະບານ
ໂລກມາແລ້ວ 2 ເທື່ອ ໃນປີ 1978 ແລະ 1986.
ຢູ່ທີ່ເມືອງ Salvador ທິມເນເທີແລນ ໄດ້ຊະນະ ທິມຄອັສຕາຣິກາ ດ້ວຍການຍິງລູກໂທດ
4 ປະຕູຕໍ່ 3 ເພື່ອຕັດສິນການແຂ່ງຂັນທີ່ທັງສອງທິມບໍ່ສາມາດຍິງເຂົ້າປະຕູໄດ້ ຕະຫລອດ
ເວລາແຂ່ງຂັນກັນນັ້ນ.
ທິມອາເຈັນຕິນາ ແລະ ທິມເນເທີແລນ ຈະໄດ້ປະເຊີນໜ້າກັນໃນຮອບ ກ່ອນຊີງຊະນະເລີດ
ໃນວັນພຸດຈະມາເຖິງນີ້ຢູ່ທີ່ນະຄອນ Sao Paulo.
ອີກສອງທິມເຕະບານທີ່ເກ່ງທີ່ສຸດຂອງໂລກ ຄື ບຣາຊີລກັບເຢຍຣະມັນ ຈະປະທະກັນໃນ
ຮອບກ່ອນຊີງຊະນະເລີດ ໃນວັນອັງຄານມື້ຮືນີ້ຢູ່ເມືອງ Belo Horizonte.
ບຣາຊີລ ເຢຍຣະມັນ ແລະ ອາເຈັນຕິນາ ເປັນສາມທິມທີ່ໄດ້ຄອງແຊ້ມ World Cup
ລວມກັນ 10 ເທື່ອໃນຈຳນວນ 19 ເທື່ອຂອງການແຂ່ງ
ຂັນເຕະບານໂລກ. ສ່ວນທິມເນເທີແລນນັ້ນໄດ້ເຂົ້າຮອບຊີງຊະນະເລີດ ມາ 3 ເທຶື່ອແລ້ວ
ໃນປີ 1974 1978 ແລະ 2010 ແຕ່ບໍ່ເຄີຍຊະນະ.
ການແຂ່ງຂັນຮອບຊິງຊະນະເລີດຂອງປີນີ້ ແມ່ນຈະມີຂຶ້ນໃນວັນທີ 13 ກໍລະກົດ ຢູ່ທີ່
ນະຄອນ Rio de Janeiro.
ທິມອາເຈັນຕິນາ ແລະ ທິມເນເທີແລນ ຈະໄດ້ປະເຊີນໜ້າກັນໃນຮອບ ກ່ອນຊີງຊະນະເລີດ
ໃນວັນພຸດຈະມາເຖິງນີ້ຢູ່ທີ່ນະຄອນ Sao Paulo.
ອີກສອງທິມເຕະບານທີ່ເກ່ງທີ່ສຸດຂອງໂລກ ຄື ບຣາຊີລກັບເຢຍຣະມັນ ຈະປະທະກັນໃນ
ຮອບກ່ອນຊີງຊະນະເລີດ ໃນວັນອັງຄານມື້ຮືນີ້ຢູ່ເມືອງ Belo Horizonte.
ບຣາຊີລ ເຢຍຣະມັນ ແລະ ອາເຈັນຕິນາ ເປັນສາມທິມທີ່ໄດ້ຄອງແຊ້ມ World Cup
ລວມກັນ 10 ເທື່ອໃນຈຳນວນ 19 ເທື່ອຂອງການແຂ່ງ
ຂັນເຕະບານໂລກ. ສ່ວນທິມເນເທີແລນນັ້ນໄດ້ເຂົ້າຮອບຊີງຊະນະເລີດ ມາ 3 ເທຶື່ອແລ້ວ
ໃນປີ 1974 1978 ແລະ 2010 ແຕ່ບໍ່ເຄີຍຊະນະ.
ການແຂ່ງຂັນຮອບຊິງຊະນະເລີດຂອງປີນີ້ ແມ່ນຈະມີຂຶ້ນໃນວັນທີ 13 ກໍລະກົດ ຢູ່ທີ່
ນະຄອນ Rio de Janeiro.
