ລິ້ງ ສຳຫລັບເຂົ້າຫາ

ບໍລິສັດ Apple ຮຽກຮ້ອງໃຫ້ສານ ຕ່າວປິ້ນຄຳສັ່ງ ເປີດລະຫັດ ໂທລະສັບມືປືນ


ບໍລິສັດ Apple ​ປະຕິເສດຕໍ່ອົງການສັນຕິບານ ລັດຖະບານກາງ ​ເພື່ອ​ສ້າງ​​ຊັອບ​ແວ​ໃໝ່ ສຳລັບເປີດລະຫັດລັບມືປືນ.

ບໍລິສັດ Apple ​ໄດ້​ຍື່ນຄຳຮ້ອງຮຽນຕໍ່ສານ ຂໍຮ້ອງ​ໃຫ້ຜູ້​ພິພາກ
ສາ​ລັດຖະບານ​ກາງ​ ຕ່າວປີ້ນ​ຄໍາ​ສັ່ງ​ທີ່​ວ່າ ​ໃຫ້ທາງບໍລິສັດຊ່ວຍ​
ເຫຼືອ​ອົງການ​ສັນຕິ​ບານ​ກາງ ຫລື FBI ຂອງ​ສະຫະລັດໃນ​ການ
​ເຈາະ​ເຂົ້າ​ໄປ​ເບິ່ງ​ຂໍ້​ມູນ​ຢູ່​ໃນ iPhone ຂອງ​ມື​ປືນ​ສັງຫານ​ໝູ່ ​ທີ່​
ຖືກ​ລັອກ​ໄວ້​ນັ້ນ.

ບໍລິສັດ​ຄອມ​ພິວ​ເຕີຍັກ​ໃຫຍ່ ​ໄດ້​ປະ​ຕິ​ເສດຄຳ​ຮ້ອງ​ຂໍ​ຂອງ​ລັດ
ຖະບານເພື່ອ​ສ້າງຊັອບ​ແວ​ໃໝ່ ​ອະນຸຍາດ​ໃຫ້ບັ​ນດາ​ເຈົ້າ​ໜ້າ​
ທີ່ປະຕິບັດ​ກົດໝາຍ ​ເຈາະ​ເຂົ້າ​ໄປ ​ໃນ IPhone 5C ທີ່​ເປັນ​
ຂອງທ້າວ Syed Rizwan Farook ພ້ອມ​ດ້ວຍ​ພັນ​ ລະ​ຍາ​
ຂອງ​ລາວນາງ Tafsheen Malik ທີ່​ໄດ້​ສັງຫາ​ນ 14 ຄົນ​ໃນ
ເມື​ອງ San Bernardino ລັດ California ປີ​ແລ້ວ​ນີ້.

ຢູ່​ໃນ​ບັນທຶກ​ລາຍ​ງານ​ສານ ໃນວັນ​ພະຫັດ​ວານ​ນີ້ ພວກ​ທະນາຍຄວາມ​ຂອງບໍລິ ສັດ
Apple ​ໄດ້​ໂຕ້​ຖຽງ​ວ່າ ການ​ຂໍຮ້ອງ​ຂອງ​ລັດຖະບານ ”ສ້າງ​ຄວາມ​ຫຍຸ້ງຍາກ​ລຳບາກ ​ທີ່​
ບໍ່​ເຄີຍ​ມີ​ມາ​ກ່ອນໃຫ້ແກ່ບໍລິສັດ Apple ​ແລະ​ລະ​ເມີດ​ຕໍ່ສິດທິ​ຂອງບົດ ​ເພີ້ມຕື່ມລັດຖະ
ທຳ​ມະນູນຂໍ້​ທີໜຶ່ງ​ຂອງບໍລິສັດ Apple ຕໍ່ການ​ບັງຄັບໃຫ້​ປາກ​ເວົ້າ.”

ບໍລິສັດ Apple ​ໄດ້​ກ່າວ​ວ່າ ອົງການFBI ​ໄດ້​ຮ້ອງ​ຂໍ​ຕໍ່​ອັນ​ທີ່ເທົ່າ​ກັບວ່າ​ເປັນ​ການ​ເຂົ້າ
ທາງ​ປະຕູ​ຫລັງ​ໃນ​ມາດ​ຕະການ​ຄວາມ​ໝັ້ນຄົງຂອງ​ບໍລິສັດ ​ແລະ​ນັ້ນຖ້າ​ຕົກຢູ່​ໃນ​ມື​ທີ່​
ບໍ່​ຖືກຕ້ອງ​ແລ້ວ ​ໃນ​ອະ​ນາ​ຄົດ ​ຊັອບ​ແວ​ດັ່ງກ່າວ​ນີ້ ຈະເຮັດ​ໃຫ້ຜູ້​ໃຊ້ຂອງ​ບໍລິສັດ Apple
ທີ່​ນັບ​ບໍ່​ຖ້ວນ ຕົກຢູ່ອັນຕະລາຍ​ຕໍ່​ການຊອກ​ຄົ້ນ​ຂໍ້​ມູນ ​ໃນ​ໂທລະສັບ​ຂອງ​ເຂົາ​ເຈົ້າ.

ບັນດາ​ທະນາຍຄວາມ ກ່າວ​ວ່າ “ບໍ່​ມີ​ສານ​ໃດເຄີ​ຍໃຫ້​ອະ​ນຸຍາດມາ​ກ່ອນ ຕໍ່ອັນທີ່ ​ລັດຖະ
ບານ​ກຳລັງ​ຊອກສະ​ແຫວ​ງ​ຫາ​ ໃນ​ເວລາ​ນີ້ ບໍ່​ມີ​ກົດໝາຍ​ໃດ ​ໃຫ້ການສະໜັບສະໜູນ ຕໍ່
​ການ​ນຳ​ໃຊ້​ຂັ້ນຕອນ ຕຸລາການ​ແບບ​ບໍ່​ມີ​ຂອບ​ເຂດ​ແລະ​ຢ່າງ​ກວ້າງ ຂວາງ​ເຊັ່ນ​ນີ້ ແລະ
ລັດຖທຳ​ມະນູນ​ທີ່​ຫ້າມ​ບໍ່​ໃຫ້​ກະທຳ.”

XS
SM
MD
LG