ລິ້ງ ສຳຫລັບເຂົ້າຫາ

ຕຳຫຼວດ 6 ຄົນ ຢູ່ເມືອງ Baltimore ຖືກກ່າວຫາ ເຮັດໃຫ້ ນັກໂທດເສຍຊີວິດ ລະຫວ່າງຄຸມຂັງ


ຫົວໜ້າໄອຍະການ ​ທີ່​ເມືອງ Baltimore ທາງພາກ​ຕາ​ເວັນ​ອອກ
​ຂອງສ​ະຫ​ະລັດ ໄດ້ປະກາດກ່ຽວກັບຂໍ້ກ່າວຫາທາງອາຍາ ຕໍ່ເຈົ້າ
ໜ້າທີ່ຕຳຫລວດ 6 ຄົນ ທີ່ພົວພັນກັບການຈັບກຸມ ທ້າວ Freddie
Gray ໂດຍເວົ້າວ່າ ເຈົ້າໜ້າທີ່ກວດສອບທາງການແພດຂອງລັດ
ໄດ້ລົງຄວາມເຫັນວ່າ ການເສຍຊີວິດຂອງລາວໃນລະຫວ່າງການ
ຄຸມຂັງຂອງຕຳຫຼວດນັ້ນ ແມ່ນເປັນການຄາດຕະກຳ.

ຫົວໜ້າໄອຍະການຂອງ​ລັດ ທ່ານ​ນາງ Marilyn Mosby ກ່າວ
ໃນວັນສຸກວານນີ້ວ່າທ້າວ Gray ໄດ້ຮັບບາດເຈັບຢ່າງຮ້າຍແຮງ
ແລະສາຫັດຢູ່ທີ່ຄໍ ໃນລະຫວ່າງທີ່ຖືກຂົນສົ່ງ ໂດຍລົດຕູ້ຂອງຕຳ
ຫຼວດເມື່ອວັນທີ 12 ເມສາຜ່ານມາ. ທ່ານນາງກ່າວວ່າ ຍ້ອນບໍ່ມີ ການຮັດສາຍແອວໃຫ້ລາວ ດັ່ງທີ່ຄວນຈະເປັນ ແລະພວກເຈົ້າໜ້າທີ່ຕຳຫຼວດ ບໍ່ໄດ້ຊອກ ຫາຊ່ອງທາງຫຼືໃຫ້ຄວາມຊ່ອຍເຫຼືອທາງການແພດແກ່ຜູ້ກ່ຽວທັງໆທີ່ໃນເວລາທ້າວ Gray ເວົ້າວ່າ ລາວຕ້ອງການຄວາມຊ່ອຍເຫລືອ. ນອກນັ້ນທ່ານນາງ Mosby ຍັງເອີ້ນການຈັບ ກຸມວ່າ “ຜິດກົດໝາຍ” ໂດຍເວົ້າວ່າ ມີດທີ່ພົບເຫັນຢູ່ໃນໂຕຂອງໜຸ່ມນ້ອຍຜິວດຳອາຍຸ 25
ປີຄົນນີ້ບໍ່ແມ່ນມີດທີ່ບີບໃຫ້ພັບໄດ້ຢ່າງອັດຕະໂນມັດດັ່ງນັ້ນຜູ້ກ່ຽວຈຶ່ງສາມາດມີຕິດໂຕໄດ້ ໂດຍບໍ່ຜິດກົດໝາຍ.

ປະທານາທິບໍດີ ບາຣັກ ໂອບາມາ ກ່າວທີ່ທຳນຽບຂາວ ໃນມື້ວັນສຸກວານນີ້ ລຸນຫລັງທີ່ໄດ້ ມີການປະກາດກ່ຽວກັບການກ່າວຫາຕໍ່ຕຳຫຼວດແລ້ວນັ້ນວ່າ ມັນເປັນເລື້ອງທີ່ສຳຄັນຫຼາຍ ທີ່ວ່າຄວາມຈິງຈະຕ້ອງຖືກເປີດເຜີຍອອກມາວ່າ ແມ່ນຫຍັງໄດ້ເກີດຂຶ້ນກັບທ້າວ Freddie
Gray.

ຂໍ້ຫາເຫລົ່ານີ້ ແມ່ນຮວມທັງຂ້າຄົນຕາຍໂດຍເຈດຕະນາ ຫລື second degree murder ຕໍ່ເຈົ້າໜ້າທີ່ຕຳຫຼວດຄົນນຶ່ງ ພ້ອມທັງຂໍ້ຫາຂ້າຄົນຕາຍ ໂດຍບໍ່ເຈດຕະນາ ຄວາມຜິດທາງ ອາຍາສະຖານເບົາ ການປະຕິບັດທີ່ບໍ່ຖືກຕ້ອງ ຢູ່ໃນຫ້ອງການ ແລະ ການຈັບກຸມຄຸມຂັງ ດ້ວຍຄວາມຜິດພາດ.

ເຈົ້າໜ້າທີ່ຕຳຫຼວດທັງ 6 ໄດ້ຖືກປະກັນຕົວອອກມາໃນຕອນແລງຂອງວັນສຸກວານນີ້ຫລັງ ຈາກໄດ້ຖືກຈັບແລະຖືກກ່າວຫາ. ເຈົ້າໜ້າທີ່ຕຳຫຼວດ 3 ຄົນເປັນຄົນຜິວຂາວ ແລະອີກ 3 ຄົນເປັນຄົນຜິວດຳ.

XS
SM
MD
LG