ລິ້ງ ສຳຫລັບເຂົ້າຫາ

ທະນາຄານໂລກ ກ່າວວ່າ ເສດຖະກິດ​ເຂດ Gaza ກຳ​ລັງ​ “ຈະລົ້ມ​ລະລາຍ”


ເດັກນ້ອຍຜູ້ຊາຍ ກຳລັງແລ່ນຫຼິ້ນ ທ່າມກາງ ກອງຊາກຫັກພັງ ອາຄານ ຂອງອະດີດເຮືອນຊານຂອງຄອບຄົວເດັກຊາຍ ຊຶ່ງໄດ້ຖືກທຳລາຍ ໃນລະຫວ່າງສົງຄາມ 50 ວັນ ລະຫວ່າງອິສຣາແອລ ແລະ ພວກຫົວຮຸນແຮງຮ່າມັສ ທີ່ໝູ່ບ້ານ Shujaiya ໃນເມືອງເຂດກາຊ້າຕາເວັນອອກ ເມື່ອຍາມລະດູຮ້ອນ ປີ 2014.

ເດັກນ້ອຍຜູ້ຊາຍ ກຳລັງແລ່ນຫຼິ້ນ ທ່າມກາງ ກອງຊາກຫັກພັງ ອາຄານ ຂອງອະດີດເຮືອນຊານຂອງຄອບຄົວເດັກຊາຍ ຊຶ່ງໄດ້ຖືກທຳລາຍ ໃນລະຫວ່າງສົງຄາມ 50 ວັນ ລະຫວ່າງອິສຣາແອລ ແລະ ພວກຫົວຮຸນແຮງຮ່າມັສ ທີ່ໝູ່ບ້ານ Shujaiya ໃນເມືອງເຂດກາຊ້າຕາເວັນອອກ ເມື່ອຍາມລະດູຮ້ອນ ປີ 2014.

ເສດຖະກິດ​ຂອງ​ເຂດ Gaza ກຳ​ລັງ​ “ຈະລົ້ມ​ລະລາຍ” ​ແລະ
ອັດຕາ​ຄົນຫ​ວ່າງ​ງານໃນ​ປັດຈຸບັນ ແມ່ນ​ສູງ​ທີ່ສຸດ​ໃນ​ໂລກ ເນື່ອງ
ຈາກ​ມາດ​ຕະການ​ປິດ​ລ້ອມຕ່າງໆ ລວມທັງສົງຄາມ ​ແລະ ການ​
ປົກຄອງ​ທີ່ຂີ້ຮ້າຍ​ ອີງ​ຕາມ​ບົດ​ລາຍ​ງານ​ສະບັບ​ໃໝ່ ​ຂອງ​
ທະນາຄານ​ໂລກ.

ອົງການ​ໃຫ້ເງິນ​ກູ້​ຢືມຂອງ​ໂລກດັ່ງກ່າວ ເວົ້າ​ວ່າ ອັດຕາຄົນ
ຫວ່າງງານ ​ຂອງ​ເຂດ Gaza ແມ່ນສູງ 44 ​ເປີ​ເຊັນ ແລະກ່າວ
ຕື່ມວ່າ “ສິ່ງທີ່​ໜ້າ​ເປັນ​ຫ່ວງຫຼາຍກວ່ານັ້ນ ກໍແມ່ນອັດຕາ​
ການ​ຫວ່າງ​ງານ​ ຂອງ​ຊາວ​ໜຸ່ມ ຊຶ່ງ​ໄດ້​ຖີບໂຕຂຶ້ນ ເປັນຫຼາຍກວ່າ 60 ​ເປີ​ເຊັນ ໃນ​ຊ່ວງທ້າຍ​ປີ 2014.”

ທ່ານ Steen Lau Jorgensen ຜູ້ອຳນວຍການ ຂອງທະນາຄານ​ໂລກ​ ປະຈຳ​ເຂດຝັ່ງ​
ຕາ​ເວັນ​ຕົກ​ ຂອງ​ແມ່ນ້ຳຈໍ​ແດັນ ຫຼື West Bank ​ແລະ ​ເຂດ Gaza ກ່າວ​ວ່າ “ຕົວ​ເລກ​
ຂອງ ຄົນ​ຫວ່າງ​ງານແລະຄວາມ ທຸກ​ຍາກ ​ໃນ​ເຂດ Gaza ​ແມ່ນ​ໜ້າ​ກັງວົນຫຼາຍ
​ແລະ ພາບ​ພົດ​ຂອງ​ເສດຖະກິດ ​ແມ່ນ​ໜ້າ​ໜັກ​ໃຈ. ປັດຈຸບັນນີ້ ຕະຫລາດ​ຢູ່ໃນເຂດ
Gaza ​ແມ່ນບໍ່​ສາມາດ ສະໜອງ​ວຽກ​ເຮັດ​ງານ​ທຳ ທີ່​ເຮັດ​ໃຫ້​ປະຊາກອນ​ຈຳນວນ​
ຫລວງຫຼາຍ ຕົກ​ຢູ່​ໃນ​ສະພາບ​ໝົດ​ຫວັງ ​ໂດຍ​ສະ​ເພາະ​ຢູ່ໃນ​ກຸ່ມ​ຊາວ​ໜຸ່ມ.”

ໂດຍອ້າງ​ເຖິງ​ຄວາມ​ກັງວົນ​ຕ່າງໆ ທາງ​ດ້ານ​ຄວາມ​ປອດ​ໄພ ອິສຣາ​ແອລ ​ແລະ ອີ​ຈິບ​ໄດ້​
ຈຳກັດ​ຢ່າງເຂັ້ມງວດ ກ່ຽວກັບການ​ເຄື່ອນ​ຍ້າຍ​ຂອງ​ຜູ້ຄົນ ​ແລະສິນຄ້າ​ຕ່າງໆ ທີ່​ເຂົ້າ-ອອກ​
ເຂດ Gaza ນັບ​ຕັ້ງ​ແຕ່​ປີ 2007 ​ເປັນຕົ້ນມາ ຫຼັງຈາກ​ກຸ່ມຫົວ​ຮຸນ​ແຮງ Hamas ​ໄດ້​ເຂົ້າ
ຄວບຄຸມດິນ​ແດນປາ​ແລສ​ໄຕ​ນ໌ດັ່ງກ່າວ.

XS
SM
MD
LG