ລິ້ງ ສຳຫລັບເຂົ້າຫາ

ທ່ານນາງ Aung San Suu Kyi ຢ້ຽມຢາມຈີນ ເທື່ອທຳອິດ


ຜູ້ນຳພັກສັນນິບາດແຫ່ງຊາດ ເພື່ອປະຊາທິປະໄຕ ທ່ານນາງ Aung San Suu Kyi ກຳລັງກ່າວຄຳປາໄສ ໃນວັນອິດສະຫຼະພາບ ສື່ມວນຊົນຂອງໂລກ ທີ່ນະຄອນຢ່າງກຸ້ງ.

ຜູ້ນຳພັກສັນນິບາດແຫ່ງຊາດ ເພື່ອປະຊາທິປະໄຕ ທ່ານນາງ Aung San Suu Kyi ກຳລັງກ່າວຄຳປາໄສ ໃນວັນອິດສະຫຼະພາບ ສື່ມວນຊົນຂອງໂລກ ທີ່ນະຄອນຢ່າງກຸ້ງ.

ຜູ້ນຳ​ຝ່າຍ​ຄ້ານ​ມຽນມາ ທ່ານ​ນາງ Aung San Suu Kyi ​ເລີ້ມ
ທຳ​ການ​ເດີນ​ທາງຢ້ຽມຢາມ​ຈີນ ​ໃນ​ວັນ​ພຸດ​ມື້​ນີ້ ​ເພື່ອ​ແນ​ໃສ່ເສີມ
ຂະຫຍາຍຄວາມ​ສຳພັນ​ທາງ​ການ​ທູດ ທີ່​ໄດ້ຖືກ​ທົດ​ສອບ​ ອັນ
​ເປັນ​ຜົນ​ມາ​ຈາກ​ການ​ປະຕິ​ຮູບປະຊາທິປະ​ໄຕ​ໃນ​ປະ​ເທດ​ຂອງ
​ທ່ານນາງ.

ພັກ​ຄອມ​ມິ​ວນິສຈີນ ​ຊຶ່ງເປັນພັນທະ​ມິດ​ທີ່​ສຳ​ຄັນ​ ຂອງອະດີດ
ພວກຜູ້ນຳນາຍ​ທະ​ຫານທີ່ປົກຄອງປະເທດກຳລັງ​ເປັນ​ເຈົ້າພາບ
​ຕ້ອນຮັບ ທ່ານນາງອອງຊານຊູຈີ ທີ່ເປັນສັນ​ຍາ​ລັກ​ປະຊາທິປະ​
ໄຕ​ຂອງ​ມຽນມາ ​ທີ່​ກຳລັງ​ເດີນທາງ​ໄປ​ກັບ​ບັນດາ​ຜູ້​ແທນ​ກຸ່ມ​ນຶ່ງ
ຂອງ​ພັກ​ສັນນິບາດແຫ່ງຊາດເພື່ອປະຊາທິປະ​ໄຕ​ຫລື NLD
ຂອງ​ທ່ານ​ນາງ.

ບັນດາ​ເຈົ້າ​ໜ້າ​ທີ່ພັກ NLD ຄາດ​ວ່າ ທ່ານ​ນາງ Aung San Suu Kyi ຈະ​ພົບ​ປະ​ກັບບັນ
ດາ​ຜູ້ນຳ​ຊັ້ນ​ສູງ​ຂອງ​ຈີນ ຮວມທັງ​ປະທານ​ປະ​ເທດ Xi Jingping ​ແລະ​ນາຍົກລັດຖະມົນຕີ
Li Keqiang ​ໃນ​ລະຫວ່າງ​ການ​ຢ້ຽມຢາມ​ ທີ່​ບໍ່ເຄີຍ​ມີ​ມາ​ກ່ອນ​ເປັນ​ເວລາ​ຫ້າ​ມື້.

​ໂຄສົກກະຊວງຕ່າງປະ​ເທດ ຈີນ ທ່ານ Hong Lei ​ໃນ​ອາທິດ​ນີ້ ​ໄດ້​ຢືນຢັນວ່າທ່ານນາງ
ອອງຊານຊູຈີ ທີ່ໄດ້ຮັບລາງວັນ​ Nobel ຂະແໜງສັນຕິພາບ ​ຈະ​ພົບ​ປະ​ກັບບັນດາ "ຜູ້ນຳຂອງລັດຖະບານ ​ແລະພັກ."

ທ່ານ​ກ່າວ​ວ່າ “ຈີນ ​ໄດ້​ຮັກສາ​ມິດຕະພາບ​ທີ່ມີມາເປັນເວລາ​ຍາວ​ນານ​ກັບບັນດາ​ພັກ​ຕ່າງໆ​
ຢູ່ໃນ​ມຽນມາ. ພວກ​ເຮົາ​ເຊື່ອ​ວ່າ ການ​ມາ​ຢ້ຽມຢາມ​ນີ້ສາມາດ​ຊ່ວຍ​ໃຫ້​ມີການເຂົ້າ​ໃຈ ​ແລະ
​ມີ​ຄວາມ​ເຊື່ອ​ຖື​ລະຫວ່າງ​ສອງ​ພັກ​ເພີ້ມຂຶ້ນ ​ເພື່ອ​ຊຸກຍູ້ມິດຕະພາບ​ແລະ​ການ​ຮ່ວມມື​ລະຫວ່າງ ຈີນ ແລະ​ມຽນມາ."​

ຄວາມສຳພັນ​ ລະຫວ່າງມຽນມາ ​ແລະ​ຈີນ ​ໄດ້​ເປັນ​ທີ່​ທ້າ​ທາຍ​ ນັບ​ຕັ້ງ​ແຕ່ ປະ​ເທດໃນເອ​
ເຊຍ​ອາຄະ​ເນ​ທີ່​ປົກຄອງ​ໂດຍ​ທະຫານດັ່ງກ່າວ ​ໄດ້​ມອບ​ອຳນາດ​ໃຫ້​ແກ່​ລັດຖະບານ​ພົນ
ລະ​ເຮືອນ​ໃນ​ປີ 2010 ​ແລະ​ໄດ້​ເລີ້ມການ​ປະຕິ​ຮູບ.

ສະແດງຄວາມເຫັນໃຫ້ເບິ່ງ

XS
SM
MD
LG