ການສັນຈອນໄປມາແມ່ນສັງເກດວ່າບອບບາງລົງ ຊຶ່ງຕາມປົກກະຕິແລ້ວເປັນຖະໝົນ ທີ່ ແອອັດຂອງ New Delhi ນະຄອນຫລວງອິນເດຍ ໃນຂະນະທີ່ບັນດາເຈົ້າໜ້າທີ່ໄດ້ເລີ້ມ ໃຊ້ແຜນການ - ສອງອາທິດ ໃນວັນສຸກມື້ນີ້ ໂດຍການຫ້າມບັນດາລົດສ່ວນໂຕແລ່ນຢູ່ ຕາມຖະໜົນ ເພື່ອຕໍ່ສູ້ກັບສະພາວະອາກາດເປັນພິດຮ້າຍແຮງທີ່ສຸດໃນໂລກ.
ນີ້ເປັນເທື່ອທີສອງໃນປີນີ້ທີ່ບັນດາລົດ ຈະຖືກອະນຸຍາດອອກໄປແລ່ນໄດ້ໃນວັນທີ່ມີການ ສັບປ່ຽນກັນ ທີ່ຂຶ້ນຢູ່ກັບປ້າຍລົດລົງທະບຽນວ່າແມ່ນເລກຄູ່ ຫລືເລກຄີກ ນັ້ນ.
ພວກອາສາສະມັກປະມານ 5,000 ຄົນພາກັນແຈກຢາຍກັນອອກໄປຢູ່ທົ່ວເມືອງ ເພື່ອ ຊ່ວຍຕຳຫລວດຈາລະຈອນຈັບພວກຝ່າຝືນ.
ຫົວໜ້າລັດຖະມົນຕີ ນະຄອນ New Delhi ທ່ານ Arvind Kejriwal ໄດ້ສະແດງຄວາມ
ຫວັງທີ່ຈະເຮັດມີການສັບປ່ຽນຂອງການແລ່ນລົດ ໃຫ້ເປັນເລື້ອງຖາວອນໃນເວລາສອງ ອາທິດຕໍ່ເດືອນ. ແຕ່ບັນດານັກຊ່ຽວຊານໄດ້ເຕືອນວ່າ ມັນອາດເປັນໄປບໍ່ໄດ້ຢູ່ໃນຕົວເມືອງ ທີ່ເຫັນວ່າການຂົນສົ່ງສາທາລະນະສຳຫຼັບພວກທີ່ທຸກຍາກນັ້ນ ແມ່ນຖືກຕິຕຽນວ່າ ເປັນ ກາຍຍຸຍົງໃຫ້ມີລົດສ່ວນໂຕ ເພີ້ມຂຶ້ນ.
ອ້າງອີງຕາມບັນດາເຈົ້າໜ້າທີ່ ໄດ້ມີການເພີ້ມລົດເມຈຳນວນນຶ່ງ ໂດຍສະເພາະຢູ່ຕາມເສັ້ນ ທາງທີ່ໜາແໜ້ນ ແລະລົດໄຟໄດ້ເພີ້ມຖ້ຽວແລ່ນ.
ນັ້ນອາດຈະບໍ່ເປັນການເສີມສ້າງ ຢູ່ໃນເມືອງບ່ອນທີ່ມີປະຊາກອນ 16 ລ້ານຄົນ ທີ່ອີງອາ ໄສລົດແປດລ້ານເຄິ່ຄັນ ຮ່ວມທັງລົດຕ່າງໆ ລົດຈັກ ແລະລົດສາມລໍ້ ໃນການໄປມາແຕ່ລະມື້.
