ກຸ່ມຕໍ່ຕ້ານສິນຄ້າປອມ ໄດ້ໂຈະການເຮັດທຸລະກິດກັບບໍລິສັດຍັກໃຫຍ່ຊື້ຂາຍທາງອິນເຕີ ແນັດ Alibaba ກັບກຸ່່ມເຂົາເຈົ້າຫຼັງຈາກໄດ້ພົບເຫັນປະຕິກິລິຍາຢ່າງແຮງ ຈາກບັນດາ ສະມາຊິກບໍລິສັດວ່າ ບໍລິສັດຈີນດັ່ງກ່າວ ເປັນຕະຫລາດຂອງປອມທີ່ໃຫຍ່ທີ່ສຸດໃນໂລກ.
ໃນໄລຍະບໍ່ເທົ່າໃດອາທິດທີ່ຜ່ານມານີ້ ບໍລິສັດ Gucci America, Michael Kors ແລະ Tiffany ໄດ້ຖອນຕົວອອກຈາກແນວໂຮມນາໆຊາດຕໍ່ຕ້ານສິນຄ້າ ປອມ ຫລື IACC ທີ່ມີ ສຳນັກງານຢູ່ສະຫະລັດ ຍ້ອນການມີໜ້າ ຂອງບໍລິສັດ Alibaba ໃນຖັນແຖວຂອງກຸ່ມດັ່ງ ກ່າວ.
ອົງການ IACC ໃນວັນສຸກວານນີ້ ຍັງໄດ້ຮັບຮູ້ເຖິງການຂັດແຍ້ງດ້ານຜົນປະໂຫຍດ ໂດຍ ຍອມຮັບວ່າຕົນບໍ່ໄດ້ເປີດເຜີຍໃຫ້ຄະນະກຳມະການຂອງຕົນຊາບ ກ່ຽວກັບການພົວພັນ ລະຫວ່າງບໍລິສັດ Alibaba ແລະປະທານແນວໂຮມທ່ານ Robert Barchiesi.
ໃນຕອນເຊົ້າຂອງມື້ວານນີ້ ອົງການຂ່າວເອພີລາຍງານວ່າ ທ່ານ Barchiesi ຖືຮຸ້ນຢູ່ໃນ ບໍລິສັດ Alibaba ມີຄວາມສຳພັນໃກ້ຊິດ ກັບຜູ້ບໍລິຫານຂອງບໍລິສັດ Alibaba ແລະໄດ້ ໃຊ້ບັນດາສະມາຊິກຄອບຄົວຊ່ວຍບໍລິຫານງານແນວໂຮມດັ່ງກ່າວ.
ຫ້ອງການແນວໂຮມກ່າວວ່າ ຕົນໄດ້ຈ້າງບໍລິສັດທີ່ເປັນອິດສະຫຼະ ເພື່ອທົບທວນເບິ່ງນະ ໂຍບາຍການປົກຄອງບໍລິສັດຂອງຕົນ.
ໜັງສືພິມ The Wall Street ລາຍງານ ຕະຫລາດຂອງບໍລິສັດ Alibaba ຂອງຈີນໄດ້ທຳ ການຊື້ຂາຍໃນມູນຄ່າ 485 ພັນລ້ານໂດລາຂອງສິນຄ້າໃນສົກປີການເງິນທີ່ສິ້ນສຸດລົງໃນ
ວັນທີ 31 ມີນາຜ່ານມາ ຊຶ່ງບັນດານັກວິເຄາະຄາດວ່າ ຫາຍກວ່າ Amazon ແລະ eBay ຮວມເຂົ້າກັນ.
ບັນດາຜູ້ຕິຕຽນບໍລິສັດຈີນກ່າວວ່າ ເວັບໄຊຂອງບໍລິສັດ Alibaba ເຕັມໄປດ້ວຍຂອງປອມ ທີ່ໄດ້ສ້າງຄວາມເສຍຫາຍໃຫ້ແກ່ການຜະລິດຂອງບໍລິສັດຕ່າງໆສາມາດເປັນໄພແກ່ຜູ້ບໍລິ ໂພກຜູ້ທີ່ບໍ່ຮູ້ຈັກວ່າ ຕົນໄດ້ຊື້ພະລິດຕະພັນດັ່ງກ່າວ ແລະຊຸກຍູ້ ໃຫ້ມີອຸດສາຫະກຳຟອກ ເງິນໃຕ້ດິນທີ່ສະໜັບສະໜູນກຸ່ມຈັດຕັ້ງອາຊະຍາກຳນັ້ນ.