ລິ້ງ ສຳຫລັບເຂົ້າຫາ

ບັນດານັກຄົ້ນຄວ້າ ຕ້ອງເຄື່ອນໄຫວ ໂດຍໄວ ເພື່ອແກ້ໄຂ ການຕ້ານທານ ຕໍ່ຢາປະຕິຊີວະນະ (ວີດີໂອ)


ອົງການ​ອະນາ​ໄມ​ໂລກ​ອອກ​ຄຳເຕືອນ​ໃນ​ວັນ​ທີ 30 ​ເມສາ​
ຜ່ານ​ມາ​ນີ້​ ​ເວລາ​ອົງການ​ດັ່ງກ່າວ ​ແຈ້ງ​ໃຫ້​ຊາບ​ວ່າ ບັດ​ນີ້​
ພວກ​ເຮົາ​ໄດ້​ຍ່າງ ເຂົ້າສູ່​ຍຸກ​ສະ​ໄໝຫຼັງ​ຈາກ​ຢາ​ປະຕິ​ຊີວະ​ນະ​
ແລ້ວ. ອັນ​ນີ້​ໝາຍ​ຄວາມ​ວ່າ ການ​ຕິດ​ເຊື້ອ​ແ​ບກ​ທີ​ເຣຍ​ທົ່ວ​ໄປ
​ບາງ​ປະ​ເພດ ບໍ່​ໄດ້ຮັບ​ການຕອບ​ສະໜອງຢ່າງ​ໄວ​ອີກ​ແລ້ວ
ຫຼື​ບໍ່ມີ​ການຕອບ​ສະໜອງ​ເລີຍຕໍ່​ພວກ​ຢາທີ່ເຄີຍໃຊ້​ຄວບ​ຄຸມ
​ພວກເຊື້ອ​ແບກ​ທີ​ເຣຍ​ເຫຼົ່າ​ນີ້. ສິງ​ຈະ​ນຳ​ເອົາ​ລາຍ​ງານ​ເລື້ອງ​
ນີ້ ຈາກ​ຜູ້​ສື່​ຂ່າວ​ວີ​ໂອ​ເອ ມາສະ​ເໜີ​ທ່ານ​.

ເຊື້​ອ​ແບກ​ທີເຣຍ ​ເປັນ​ສິ່ງ​ທີ່​ມີ​ຊີວິດ​ນ້ອຍໆ ຊຶ່ງ​ບໍ່​ແມ່ນ​ທັງ​ພືດ​ຫຼື​ສັດ. ​ບາງ​ຈຳ​ພວກເຊັ່ນ​ແບກ​ທີ​ເຣຍ​ໃນ​ນົມ​ສົ້ມ ​ຫຼື Yogurt​ແມ່ນດີ​ສຳລັບ​ພວກ​ຄົນ​ເຮົາ. ​ແຕ່​ພວກ​ແບກ​ທີ​ເຣຍ ​ເຊັ່ນ​ຈຳພວກ​ທີ່​ພາ​ໃຫ້​ເກີດ​ ໂຣກອະຫິວາຫຼື​ທ້ອງ​ຂີ້​ຮາກ ​ແລະ​ວັນນະໂຣກຫຼື​ໂຣກປອດ​ແຫ້ງ​ນັ້ນ ​ເປັນ​ອັນຕະລາຍຮ້າຍ​ແຮງເຖິງ​ຕາຍ.

ກ່ອນ​ອົງການ​ອະນາ​ໄມ​ໂລກ ພິມ​ເຜີຍ​ແຜ່​ລາຍ​ງານ​ຂອງ​ຕົນ ສູນ​ກາງຄວບ​ຄຸມພະຍາດ​ຕ່າງໆ​ຂອງ​ສະຫະລັດ ​ແຈ້ງ​ໃຫ້​ຊາບ​ວ່າ ​ແບກ​ທີ​ເຣຍບາງ​ແນວ​ບໍ່​ຕອບ​ສະໜອງ​ຕໍ່​ຢາ​ປະຕິ​ຊີວະ​ນະ​ອີກ​ແລ້ວ ຊຶ່ງ​ແຕ່​ກ່ອນມັນ ​ເຄີຍ​ຕອບ​ສະໜອງ​ມານັ້ນ.

Dr. Laurie Hicks ທີ່​ສູນ​ການ​ຄວບ​ຄຸມພະ​ຍາດ​ຫຼື CDC ກ່າວ​ວ່າ:

“ພວກ​ເຮົາ​ເຫັນ​ຫຼາຍ​ກວ່າ 2 ລ້ານ​ກໍລະນີ​ຂອງ​ການຕໍ່ຕ້ານ​ເຊື້ອ​ແບກ​ທີ​ເຣຍ
ດັ່ງກ່າວ​ໃນ​ແຕ່ລະ​ປີ ​ໃນ​ສະຫະລັດ​ປະ​ເທດ​ດຽວ. ພວກ​ທີ່​ຕິດ​ເຊື້ອແບກ​ທີ​ເຣຍດັ່ງກ່າວ ​ໃນ​ຈຳນວນ 23 ພັນ​ລາຍ ​ໄດ້​ພາ​ໃຫ້​ຜູ້​ຄົນ​ເສຍ​ຊີວິດ​ໄປ.”


Dr. Hicks ກ່າວ​ວ່າ ຖ້າ​ມີຂ່າວ​ຄາວ ຫຼື​ຖ້ອຍ​ຄຳ​ໃດໆ​ທີ່​ສູນ​ກາງ​ຄວບ​ຄຸມ​ພະ​ຍາດຫຼື CDC ຢາກສົ່ງ​ອອກ ນຶ່ງ​ໃນ​ນັ້ນ ກໍ​ແມ່ນ​ວ່າ:

ພວກ​ເຮົາ​ຢາກ​ໃຫ້​ພວກ​ນາຍ​ແພດ​ທັງຫຼາຍ​ຮູ້ຈັກ​ວ່າ ການ​ຕ້ານທານ​ຕໍ່​ຢາ​ປະຕິ​ຊີວະ
​ນະ ​ເປັນ​ບັນຫາ​ໃຫຍ່​ອັນ​ນຶ່ງ.

​ແລະ​ມີ​ອີກ​ແນວ​ນນຶ່ງ Dr. Hicks ກ່າວ​ວ່າ ພວກ​ເຮົາ​ຢາກ​ໃຫ້​ພວກ​ຄົນ​ປ່ວຍ​ຮູ້ຈັກ​
ວ່າ ຢາ​ປະຕິ​ຊີວະ​ນະ​ ​ໃຊ້ບໍ່​ໄດ້ຜົນ​ ສຳລັບ​ການ​ຕິດ​ເຊື້ອ​ພະຍາດ​ກ່ຽວ​ກັບ​ເຊື້ອ​ໄວຣັສ.

ການ​ຕ້ານທານ​ຕໍ່​ຢາ​ປະຕິ​ຊີວະ​ນະ ​ໄດ້​ປ່ຽນ​ແປງ​ວິທີ​ທາງ​ການ​ໃຊ້​ຢາ​ປົວພະຍາດ​ແລ້ວ
​ໃນ​ໂຮງໝໍ​ແຫ່ງ​ຕ່າງໆ ​ເຊັ່ນ​ໃນ​ໂຮງໝໍ Johns Hopkins ​ໃນ​ເມືອງ Baltimore ລັດ Maryland ນັ້ນ.

ບັນດານ​ນາຍ​ແພດ​ຢູ່​ທີ່​ນີ້ ບັດ​ນີ້​ພາກັນ​ລະມັດລະວັງ​ຫຼາຍ​ຂຶ້ນ​ກ່ຽວ​ກັບວິທີ​ການ​ໃຊ້​ຢາ​
ປະຕິ​ຊີວະ​ນະ. ພວກ​ເຂົາ​ເຈົ້າທົບ​ທວນ​ເບິ່ງ​ແຜນການ ​ປິ່ນປົວ​ຕ່າງ ​ເພື່ອ​ຢາກ​ເຫັນ
​ວ່າ ພວກ​ຄົນ​ປ່ວຍ​ຈະ​ໄດ້​ຮັບ​ຢາ​ປະຕິຊີວະ​ນະ​ທີ່​ຖືກຕ້ອງແລະ​ໃຫ້​ຖືກ​ຕາມ​ປະລິມານ​
ຫຼື​ບໍ? Dr. Trish Perl ຊຶ່ງ​ເປັນ​ໝໍ​ຊ່ຽວຊານ​ເລື້ອງ​ໂຣກລະບາດ ທີ່​ໂຮງຮຽນ​ແພດ
ສາດ Johns Hopkins ກ່າວ​ວ່າ “ ພວກ​ທ່ານ​ຈະ​ເຂົ້າ​ໃຈ​ໃນ​ທັນທີວ່າ​ມັນ​ເປັນ​
ຈັ່ງ​ໃດ​ໃນ​ການ​ເປັນ​ໝໍ ບາງທີ​ໃນ​ຫວ່າງ 50, 70 ​ແລະ 80 ປີຜ່ານມາ ​ເວລາ​
ມັນ​ບໍ່​ມີ​ຢາ​ປະຕິ​ຊີວະ​ນະ​ໃຊ້.”


ສະຖານ​ທີ່​ແຫ່ງ​ນຶ່ງ ທີ່ຢູ່​ໃກ້​ກັນ​ກັບ​ໂຮງຮຽນ​ແພດສາດ Johns Hopkins ນັ້ນ ​ກໍ​
ແມ່ນ​ສູນ​ກາງ​ການ​ແພດ​ ທີ່​ມະຫາວິທະຍາ​ໄລ​ລັດ Maryland ພວກ​ນາຍ​ແພດ​ໄດ້
​ປ່ຽນ​ວິທີ​ການຮັກສາ​ຄົນ​ປ່ວຍ​ໃນຫ້ອງ​ ຫ້ອງມໍ​ລະ​ສຸມ ຫລື ICU.

MRSA (MER-sah) ​ເປັນ​ຢາ​ປະຕິ​ຊີວະ​ນະ ທີ່​ຕໍ່ຕ້ານ​ເຊື້ອ​ແບກ​ທີ​ເຣຍ ທີ່ຢູ່​ໂຮມ​
ກັນ​ເປັນ​ກຸ່ມ ທີ່​ລະ​ບາດ​ອອກ​ໄປ​ງ່າຍໆ ​ໂດຍ​ສະ​ເພາະ​ໃນ​ຫ້ອງ​ມໍ​ລະ​ສຸມ ​ແລະ​ສາ
ມາດ​ເປັນ​ອັນຕະລາຍ​ເຖິງ​ຕາຍ​ໄດ້. Dr. Anthony Harris ທີ່​ໄດ້​ສຶກສາກ່ຽວກັບ
​ວ່າ ຈະ​ໃຫ້​ພວກພະນັກງານ ​ຮັກສາສຸຂະ ພາບ ​ໃສ່​ຊົບ​ມື​ແລະ​ເສື້ອ​ຄຸມ​ໃນ​ຫ້ອງ​ມໍ
​ລະ​ສຸມ​ນັ້ນ​ຫຼື​ບໍ? ທີ່​ອາດ​ສາມາດ​ລົດ​ຜ່ອນຈຳນວນ​ເຊື້​ອ​ແບກ​ທີ​ເຣຍນັ້ນ​ລົງ​ໄດ້.
ການ​ສຶກສາ​ຄົ້ນຄວ້າ​ຂອງ​ທ່ານ ​ໄດ້​ຖືກ​ພິມ​ລົງ​ໃນ​ວາລະສານ​ຂອງ​ສະ​ມະ​ຄົມ​ການ​
ແພດ​ອະ​ເມຣິກັນ​ນັ້ນ.

Dr. Anthony Harris ຈາກ​ສູນ​ກາງ​ການ​ແພດ ​ທີ່​ມະຫາວິທະຍາ​ໄລລັດ Maryland ກ່າວ​ວ່າ” ການ​ໃສ່​ພວກ​ຊົບ​ມື ​ແລະ​ເສື້ອ​ຄຸມ​ສຳລັບ​ການສຳຜັດ​ກັບ​ຄົນ​ປ່ວຍ​ທັງ​ໝົດໄດ້​ພາ​ໃຫ້ການ​ໃຊ້​ຢາ MRSA ລົດ​ລົງ​ຢ່າງ​ຫຼວງ​ຫຼາຍ ຊຶ່ງປະ​ກອບ​ເປັນ​ປະມານ 40 ເປີ​ເຊັນ.”
Dr.Perl ກ່າວ​ວ່າ ​ເຮົາ​ຕ້ອງການ​ເງິນ ​ເພື່ອ​ທຳ​ການ​ຄົ້ນຄວ້າ ​ເພື່ອ​ວ່າ ພວກ​ພະນັກ
ງານ​ຮັກສາ​ຮັກສາ​ສຸຂະພາບ​ສາມາດ​ເຂົ້າ​ໃຈໄດ້​ວ່າ ພວກ​ເຊື້ອ​ແບກ​ທີ​ເຣຍນີ້ ລະບາດ​ອອກ​ໄປ​ໄດ້​ແນວ​ໃດ​. ຈະ​ຕ້ອງ​ມີ​ການ​ພັດ ທະນາ​ຢາ​ປົວ​ຊະນິດ​ໃໝ່ ​ເພື່ອ​ໃຊ້​ສັບ​ປ່ຽນ​ພວກ​ຢາ​ທີ່​ບໍ່​ມີ​ຜົນຕື່ມ​ອີກ​ແລ້ວ ນັ້ນ ​ແລະ​ພວກ​ຄົນ​ປ່ວຍ​ກໍ​ຈະ​ຕ້ອງ​ໄດ້​ສຶກສາ​ຮຳ່ຮຽນ
​ຕື່ມ​ອີກ.

Dr. Trish Perl ກ່າວ​ວ່າ "ການ​ຕ້ານທານ​ຢາ​ນີ້ ທົ່ວ​ໄປ​ແລ້ວ ​ແມ່ນ​ຂະຫຍາ​ຍ​
ໂຕ​ອອກ​ເວລາ​ຜູ້​ຄົນ​ບໍ່​ກິນ​ຢາ​ຕາມ​ປົກກະຕິ ຫຼື​ວ່າ​ຂ້າມ​ມື້ ຫຼື​ວ່າ​ມື້​ນີ້ ກິນ ​ແຕ່​
ມື້​ໜ້າ​ບໍ່​ກິນ ຫຼື​ເຂົາ​ເຈົ້າ​ບໍ່​ຄຶດ​ວ່າ ​ເຂົາ​ເຈົ້າ​ຈຳ​ເປັນ​ຕ້ອງ​ກິນ​ຢາ​ໃຫ້ ຈົນ​ຈົບ​ນັ້ນ.
ອັນ​ນີ້​ມັນ​ເປັນ​ບັນຫາ​ໂດຍ​ສະ​ເພາະ​ກັບ​ພວກ​ພະຍາດ​ຕ່າງໆ ​ເຊັ່ນ: ວັນນະ​
ໂຣກ ຫຼື​ໂຣກປອດ​ແຫ້ງ.”


ການ​ແກ້​ໄຂ​ບັນ​ຫານີ້ ຕ້ອງ​ໄດ້​ຄົ້ນ​ພົບ​ໂດຍ​ໄວເພາະອົງການ​ອະນາ​ໄມ​ໂລກ​ເຕືອນ​
ວ່າ ການ​ຕ້ານທານ​ຕໍ່​ຢາ​ປະຕິ​ຊີວະ​ນະ ​ເປັນ​ບັນຫາ​ທີ່​ຮ້າຍ​ແຮງ​ອັນ​ນຶ່ງ ທີ່​ມັນ​ເປັນ
​ໄພ​ຂົ່ມຂູ່ຕໍ່​ຄວາມ​ສຳ​ເລັດ​ຂອງ​ຢາ​ສະ​ໄໝ​ໃໝ່.
XS
SM
MD
LG