ລິ້ງ ສຳຫລັບເຂົ້າຫາ

ລາຍງານນ່ຶ່ງລະບຸວ່າ ຄວາມຮຸນແຮງຍັງມີຢູ່ ໃນສູນ​ກາງຫຼັກ ໃນຄອງໂກ


ລາຍ​ງານ​ຈາກ​ເມືອງ Kinshasa ກ່າວ​ວ່າ 3 ພັກ​ຝ່າຍ​ຄ້ານ ​ໃນ​ສາທາລະນະ​ລັດ ຄອງ​ໂກ ​ໄດ້ຈູດ​ໄຟ​ເຜົາສູນ​ກາງ​ໃນ​ຊ່ວງ​ຂ້າມ​ຄືນ ນຶ່ງ​ມື້​ ຫຼັງ​ຈາກການ​ປະ​ທ້ວງ​ຕໍ່ຕ້ານ ປະທານາທິບໍດີ Joseph Kabila ​ເກີດຄວາມ​ຮຸນ​ແຮງ​ແລະ​ໄດ້​ມີ​ຫຼາຍ​ສິບ​ຄົນ ​ເສ​ຍ ຊີວິດ.

ມີ​ພຽງ​ນຶ່ງ​ຄົນ ທີ່​ໄດ້​ຮັບ​ບາດ​ເຈັບ ຍ້ອນ​ໄຟ​ໄໝ້ ​ໃນສູນ​ກາງຫຼັກ​ຂອງ​ພັກ​ຝ່າຍ​ຄ້ານ AFP ​ລາຍ​ງານ​ວ່າ ​ໃນ​ຂະນະ​ທີ່​ບໍ່​ທີ​ຜູ້​ໃດ ​ໄດ້​ຮັບ​ບາດ​ເຈັບ ​ໃນສູນ​ກາງ​ຂອງ​ກອງ​ກຳລັງ​ແນວ​ໂຮມ ​ແລະ​ປອງ​ດອງຊາດ ຫຼື FONUS ຫຼື ພັກການ​ເຄື່ອນ​ໄຫວ Progressive (MLP) ​ໃນສູນ​ກາງ ທີ່​ເມືອງ Kinshasa.

ຕຳຫຼວດ ສາທາລະນະ ຄອງໂກ ກວດຂັນລາດຕະເວນ ໃນຂະນະທີ່ ພວກປະທ້ວງຮຽກຮ້ອງໃຫ້ ປ. Joseph Kabila ລົງຈາກຕຳແໜ່ງ ທີ່ Kinshasa ເມືອງຫຼວງຂອງຄອງໂກ, 19 ກັນຍາ, 2016.

ຕຳຫຼວດ ສາທາລະນະ ຄອງໂກ ກວດຂັນລາດຕະເວນ ໃນຂະນະທີ່ ພວກປະທ້ວງຮຽກຮ້ອງໃຫ້ ປ. Joseph Kabila ລົງຈາກຕຳແໜ່ງ ທີ່ Kinshasa ເມືອງຫຼວງຂອງຄອງໂກ, 19 ກັນຍາ, 2016.

​ ​ໄຟ​ໄໝ້​ທີ່​ວ່າ​ນີ້ ​ໄດ້​ມີ​ຂຶ້ນ​ນຶ່ງ​ມື້ ຫຼັງ​ຈາກ​ທີ່​ຕຳຫຼວດ​ກ່າວ​ວ່າ ມີ​ຢ່າງ​ນ້ອຍ 17 ຄົນ ​ເສຍ​ຊີວິດ ​ໃນ​ການ​ປະ​ທ້ວງ​ທີ່​ຮຽກຮ້ອງ​ໃຫ້ທ່ານ Kabila ລົງ​ຈາກ​ຕຳ​ແໜ່​ງ.

ເຈົ້າ​ໜ້າ​ທີ່ ກ່າວ​ວ່າ ການ​ຕາຍ​ຄັ້ງ​ນີ້ ​ແມ່ນ​ຮວມທັງ ຕຳຫຼວດ 3 ຄົນ ​ແລະ ພົນລະ​ເຮືອນ 14 ຄົນ. ຄວາມ​ຮຸນ​ແຮງ​ທີ່​ວ່າ​ນີ້ ​ໄດ້​ເລີ້ມ​ຂຶ້ນ​ໃນເຊົ້າວັນ​ຈັນ​ວານ​ນີ້ ​ໃນ​ຂະນະ​ທີ່​ຕຳຫຼວດ ກີດ​ກັນ​ພວກ​ປະ​ທ້ວງ ຈາກ​ການ​ໂຮມ​ຕົວ​ກັນ ​ໃນ​ນະຄອນຫຼວງ Kinshasa.

ພວກ​ທີ່​ເຫັນ​ເຫດການ​ ກ່າວ​ວ່າ ພວກ​ປະ​ທ້ວງ​ໄດ້​ແກ່ວ​ງກ້ອນ​ຫີນ ​ແລະ​ຈູດ​ໄຟ​ເຜົາ​ໃສ່​ຢາງ​ລົດ​ແລະ​ລົດ ​ໃນ​ຂະນະ​ທີ່​ພວກ​ຕຳຫຼວດ​ໄດ້​ໃຊ້​ແກ໊ສນ້ຳຕາ ​ແລະ​ຍິງ​ປືນ​ລູກ​ແທ້ ​ໃສ່​ພວກ​ປະ​ທ້ວງ.

ພວກສະໜັບສະໜຸນພັກຝ່າຍຄ້າຍ ພາກັນຮ້ອງໂຮ ໃຫ້ ປ. Joseph Kabila ລາອອກຈາກຕຳແໜ່ງ ໃນນະຄອນຫຼວງ Kinshasa, 19 ກັນຍາ, 2016.

ພວກສະໜັບສະໜຸນພັກຝ່າຍຄ້າຍ ພາກັນຮ້ອງໂຮ ໃຫ້ ປ. Joseph Kabila ລາອອກຈາກຕຳແໜ່ງ ໃນນະຄອນຫຼວງ Kinshasa, 19 ກັນຍາ, 2016.

ໃນ​ກາງ​ວັນ​ຂອງ​ມື້​ວັນ​ຈັນ​ວານ​ນີ້ ​ຕຳຫຼວດ​ຈາລະ​ຈົນແລະ​ພວກ​ທະຫານ ​ແມ່ນ​ໄດ້​ລາດຕະ​ເວນ ​ໃນ​ທ້ອງ​ຖະໜົນ ທີ່​ນຳ​ໄປ​ສູ່​ການ​ເຕົ້າ​ໂຮມ​ກັນ​ ທີ່​ໃກ້ໆ​ກັບ​ຕຶກ​ສະພາ. VOA ​ໄດ້​ເຫັນ​ກອງ​ກຳລັງ​ຮັກສາ​ຄວາມ​ປອດ​ໄພ ​ຢຸດ ຢ່າງ​ນ້ອຍ 6 ຄົນ ທີ່​ເບິ່ງ​ຄື​ວ່າ ​ເປັນ​ຊາວ​ຕ່າງ​ຊາດ ​ແລະ​ຈັບ​ພວກ​ເຂົາ​ເຈົ້າ​ເຂົ້າ​ຂຶ້ນ​ລົດໄປ.

ຜູ້ນຳ​ຝ່າຍ​ຄ້ານ ​ໄດ້​ບອກ​ກັບ VOA ທາງ​ໂທລະສັບວ່າ ທ່ານແລະ​ຄົນ​ອື່ນໆ ​ໄດ້​ຕິດ​ຄ້າງ​ຢູ່​ທີ່​ຫ້ອງການ​ຂອງ​ສູນ​ກາງ​ພັກແລະ​ບໍ່​ສາມາດ​ໜີອອກມາ​ໄດ້.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG