ລິ້ງ ສຳຫລັບເຂົ້າຫາ

ພວກປະທ້ວງ ໃນຫວຽດນາມ ປະກອບ ພິທີຂີດໝາຍ ຄົບຮອບ 35 ປີ ຂອງສົງຄາມຊາຍແດນ ກັບຈີນ (ສະໄລດ໌)


ພວກປະທ້ວງ ວາງພວງມາລາ ທີ່ວັດແຫ່ງນຶ່ງ ໃນນະຄອນຫຼວງ ຂອງຫວຽດນາມ, ວັນທີ 16 ກຸມພາ 2014.

ພວກປະທ້ວງ ວາງພວງມາລາ ທີ່ວັດແຫ່ງນຶ່ງ ໃນນະຄອນຫຼວງ ຂອງຫວຽດນາມ, ວັນທີ 16 ກຸມພາ 2014.

ພວກ​ປະ​ທ້ວງ​ຕໍ່ຕ້ານ​ຈີນ​ໃນ​ຫວຽດນາມ ​ໄດ້​ພາກັນ​ປະກອບ
​ພິທີ​ເປັນ​ຂີດ​ໝາຍວັນ​ຄົບຮອບ​ 35 ປີ ຂອງ​ສົງຄາມ​ຊາຍ​
ແດນ​ທີ່​ນອງ​ເລືອດກັບ​ຈີນ ​ໂດຍ​ພາກັນ​ວາງ​ດອກ​ໄມ້​ຢູ່​ທີ່​ວັດ​
ແຫ່ງ​ນຶ່ງ​ໃນ​ໃຈ​ການ​ກຸງຮາ​ໂນ​ຍ.

​ໃນ​ເບື້ອງ​ຕົ້ນ ພວກ​ປະ​ທ້ວງ​ໄດ້​ຕັ້ງ​ໃຈ​ວ່າ ຈະ​ໄປ​ວາງ​ພວງ
ມາລາ ຢູ່​ທີ່​ອະນຸສາວະລີ​ຮູບ​ປັ້ນ​ທີ່​ມີ​ຊື່​ສຽງອັນນຶ່ງ​ໃນ​ນະຄອນ
ຫຼວງ ​ແຕ່​ຖືກ​ກີດ​ກັນ​ ໂດຍ​ພວກ​ເຕັ້ນ aerobic ອອກ​ກຳລັງ
ກາຍຈຸ​ນຶ່ງ​ ແລະ​ພວກ​ເຕັ້ນ​ລຳອີກຫຼາຍ​ຄົນ ​ທີ່​ເປີດ​ດົນຕີສຽງ
ດັງໆ. ພວກ​ປະ​ທ້ວງ​ພາກັນສົງ​ໄສ​ວ່າ ລັດຖະບານ​ໄດ້​ວ່າ​ຈ້າງພວກ​ນັກ​ຟ້ອນ​ ​ໃຫ້ໄປ​ຕັນ​ທາງ​ເຂົ້າໄປ​ຍັງອະນະ​ສາ​ວະລີ​ແຫ່ງນັ້ນ. ພວກ​ເຂົາເຈົ້າ​ຈຶ່ງ​ພາກັນ​ຍ່າງ​ໄປ​ຍັງ​ວັດ Ngoc Son ​ທີ່​ນັກ​ທ່ອງ​ທ່ຽງ​ນິຍົມ​ກັນ​ໄປເບິ່ງ ​ແລະ​ພາກັນ​ວາງ​ພວງມາລາຂອງ​ເຂົາ​ເຈົ້າ ຢູ່​ທີ່​ນັ້ນ.

ຈີນ​ໄດ້​ຮຸກ​ຮານ​ໃນ​ພວກ​ແຂວງ​ພາກ​ເໜືອ​ຂອງ​ຫວຽດນາມ ​ໃນ​ເດືອນ​ກຸມພາ​ປີ 1979 ຫຼັງ​ຈາກ​ພວກ​ທະຫານ​ຫວຽດນາມ​ ​ໄດ້ໂຄ່ນ​ລົ້ມ​ອຳນາດ​ປົກຄອງ​ຂະເໝນ​ແດງ​ ທີ່​ກຸງ​ປັກ​ກິ່ງ​ ​
ໜຸນ​ຫຼັງ​ໃນ​ກຳປູ​ເຈຍ​ນັ້ນ.

ສົງຄາມ​ເປັນ​ເວລາ​ສັ້ນໆ ​ແຕ່​ນອງ​ເລືອດ ​ໄດ້​ເຮັດ​ໃຫ້​ປະຊາຊົນ​ຫຼາຍ​ໝື່ນ​ຄົນ​ຈາກ​ທັງສອງ
ຝ່າຍ​ເສຍ​ຊີວິດ​ໄປ ​ແລະ​ໄດ້​ຍຸດຕິ​ລົງ ດ້ວຍ​ການ​ຖອນກຳລັງ​ອອກ​ໄ ປ​ຂອງ​ຝ່າຍຈີນ.

ສອງ​ປະ​ເທດ ​ໄດ້​ມີ​ບັນ​ຫາ​ຂັດ​ແຍ້​ງ​ເລື້ອງ​ເຂດ​ນ້ຳ​ແດນ​ດິນກັນ​ມາ​ເປັນ​ເວລາ​ດົນ​ນານ​ ກ່ຽວ ກັບ​ໝູ່ ເກາະ Paracel ​ແລະ​ໝູ່​ເກາະ Spratley ​ແຕ່​ເຖິງ​ຢ່າງ​ໃດ​ກໍ​ຕາມ ຈີນຍັງ​ເປັນປະ​
ເທດນຶ່ງໃນບັນດາ​ຄູ່​ການ​ຄ້າທີ່​ໃຫຍ່​ທີ່​ສຸດຂອງ​ຫວຽດນາມ​ຢູ່.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG