ບັນດາພະນັກງານກູ້ໄພໃນມຽນມາ ໄດ້ພົບເຫັນຜູ້ລອດຊີວິດອີກ
ຄົນນຶ່ງ ຈາກເຮລິຄອບເຕີກູ້ໄພຂອງໄທ ທີ່ຕົກລົງ ແລະຫາຍສາບ
ສູນໄປ ເປັນເວລາອາທິດປາຍນັ້ນ.
ແຫຼ່ງຂ່າວ ບອກກັບວີໂອເອພະແນກພາສາມຽນມາ ວ່າ ນັກບິນ
ເຮລິຄອບເຕີຂອງໄທ ໄດ້ຖືກພົບເຫັນມີຊີວິດ ຢູ່ໃນປ່າເມື່ອວັນພຸດ
ວານນີ້ ນຶ່ງມື້ຫຼັງຈາກ ລູກເຮືອຊາວມຽນມາຂອງເຮລິຄອບເຕີລຳນັ້ນ
ໄດ້ຍ່າງອອກມາຈາກປ່າ ໄປຮອດເມືອງ Lan Kha. ນັກບິນເຮລິ
ຄອບເຕີໄທ ໄດ້ຮັບບາດເຈັບ ຍ້ອນຖືກໄຟໄໝ້ໃນລະຫວ່າງເຮລິ
ຄອບເຕີຕົກລົງນັ້ນ ແລະ ໄດ້ຮັບການຮັກສາແລ້ວ.
ນັກບິນເຮລິຄອບເຕີ ຄົນທີ 3 ທີ່ເປັນຊາວມຽນມາ ແມ່ນຍັງຫາຍສາບ ສູນ ແຕ່ກໍເຊື່ອວ່າຍັງຄົງມີຊີວິດຢູ່ໃກ້ໆກັບຈຸດເກີດເຫດ ຢູ່ທາງພາກເໜືອຂອງປະເທດ. ມີຄວາມກັງວົນກ່ຽວກັບສະພາບຂອງຜູ້ກ່ຽວ ແລະ ການຊອກຫາຜູ້ກ່ຽວຍັງດຳເນີນຕໍ່ໄປ ຢ່າງຂຸ້ນຂ້ຽວ. ບໍ່ມີຜູ້ອື່ນອີກຢູ່ໃນ ເຮລິຄອບເຕີ ຕອນເກີດອຸບັດເຫດ ຊຶ່ງເກີດຂຶ້ນຢູ່ເທິງບໍລິເວນພູຜາໃກ້ກັບຊາຍແດນຈີນ.
ເຮລິຄອບເຕີດັ່ງກ່າວ ຂາດການສື່ສານກັບໜ່ວຍຄວບຄຸມຢູ່ພາກພື້ນດິນ ໃນວັນທີ 27
ກັນຍາ ຫຼັງຈາກທີ່ໄດ້ບິນອອກຈາກ ເດີ່ນບິນ Putao ທີ່ຕັ້ງຢູ່ທາງພາກເໜືອຂອງລັດກະຈິນ
ເພື່ອອອກໄປຊ່ວຍໃນການຊອກຫາ ນັກປີນພູຊາວມຽນມາ 2 ຄົນ ທີ່ຫາຍສາບສູນ.
ພວກນັກປີນພູດັ່ງກ່າວ ຂາດການສື່ສານກັບ ທິມພວກນັກປີນພູນຳກັນທັງໝົດ ຫຼັງຈາກທີ່ໄດ້ປີນຂຶ້ນໄປເຖິງຈອມພູ Hkakaborazi ໃນທ້າຍເດືອນສິງຫາຜ່ານມາ.