ລິ້ງ ສຳຫລັບເຂົ້າຫາ

ທ່ານ Annan ເຕືອນເຖິງ ຄວາມລົ້ມແຫຼວ ໃນການແກ້ໄຂ ວິກິດການ ຢູ່ຊີເຣຍ


ທູດພິເສດຂອງອົງການສະຫະປະຊາຊາດທ່ານ Kofi Annan ເຕືອນວ່າ ຄວາມຫລົ້ມແຫລວໃນການແກ້ໄຂວິກິດການ ໃນຊີເຣຍ ອາດພາໃຫ້ເກີດຜົນທີ່ຕິດຕາມມາທີ່ຄາດຄະເນບໍ່ໄດ້.

ທູດ​ພິ​ເສດ​ຂອງອົງການ​ສະຫະ​ປະຊາຊາດ ທ່ານ Kofi Annan ເຕືອນ​ວ່າ ຄວາມ​ລົ້ມ​ແຫຼວ
​ໃນ​ການ​ແກ້​ໄຂ​ວິ​ກິດ​ການ​ໃນ​ຊີ​ເຣຍອາດ​ພາ​ໃຫ້​ເກີດຜົນ​ທີ່​ຕິດ ຕາມ​ມາ​ທີ່​ຄາດ​ຄະ​ເນ​ບໍ່​ໄດ້.

ທ່ານ​ໃຫ້​ຄວາມ​ເຫັນ​ດັ່ງກ່າວ​ໃນ​ວັນ​ອັງຄານ​ມື້ນີ້ ຫຼັງຈາກ​ໄດ້​ເຈລະຈາ​ຫາລື​ກັບ​ ລັດຖະມົນຕີ​
ການ​ຕ່າງປະ​ເທດ​ອີຣ່ານ ທ່ານ Ali Akbar Salehi ທີ່​ນະຄອນ ຫຼວງ​ເຕຫະຣ່ານ ອັນ​ເປັນ
​ພາກສ່ວນ​ນຶ່ງໃນ​ການ​ດຳ​ເນີນ​ຄວາມ​ພະຍາຍາມ​ເພື່ອກອບ​ກູ້​ແຜນການ​ສ້າງສັນ​ຕິ​ພາບ​ຂອງ​
ທ່ານ​ໃນ​ຊີ​ເຣຍ. ອີຣ່ານ ​ແມ່ນ​ພັນທະ​ມິດ​ທີ່ໃກ້​ຊິດ​ທີ່​ສຸດຂອງ​ຊີ​ເຣຍ​ຢູ່​ໃນ​ຂົງ​ເຂດ.

ທ່ານ Annan ກ່າວ​ວ່າ ລັດຖະບານ​ອີຣ່ານ​ໄດ້​ໃຫ້ການ​ຮ່ວມ​ມື​ໃນ​ການ​ດຳ​ເນີນ ຄວາມພຍາ
ຍາມ​ຂອງ​ທ່ານ ​ແລ​ະທ່ານຫວັງ​ວ່າ​ຈະ​ສືບ​ຕໍ່​ດຳ​ເນີນ​ງານກັບ​ເຕຫະ ຣ່ານ​ໄປ​ສູ່​ການ​ແກ້​ໄຂ​ວິ​
ກິດ​ການ​ດ້ວຍ​ສັນຕິ​ວິທີ.

​ທ່ານ Annan ​ເວົ້າວ່າ ຖ້າ​ພວກ​ເຮົາ​ຫາກ​ບໍ່​ດຳ​ເນີນ​ຄວາມ​ພະຍາຍາມ​ຢ່າງ​ຈິງ​ ຈັງເພື່ອ​ແກ້​ໄຂ
​ບັນຫາ​ດັ່ງກ່າວ​ ດ້ວຍ​ສັນຕິ​ວິທີ​ ​ແລະ​ໄດ້​ກາຍ​ເປັນ​ບັນຫາ​ທີ່​ຄວບ ຄຸມ​ບໍ່​ໄດ້ ​ແລ​ກໍ​ແຜ່​ລາມ​ໄປ
​ທົ່ວ​ຂົງ​ເຂດ ມັນ​ອາດ​ນຳພາ​ໄປຜົນ​ທີ່​ຕິດຕາມ​ມາ​ທີ່ ພວກ​ເຮົາ​ບໍ່​ສາມາດ​ວາດ​ມະ​ໂນ​ພາບ
ເຫັນ​ໄດ້.

ທ່ານ Annan ​ໄດ້​ເຈລະຈາ​ຫາລື​ກັບ​ປະທານາທິບໍດີຊີ​ເຣຍ ທ່ານ Bashar al-Assad ​ໃນ
​ມື້ວັນ​ຈັນ​ວານ​ນີ້ ​ແລະ​ກ່າວ​ວ່າ ພວກ​ທ່ານ​ທັງ​ສອງ​ໄດ້​ເຫັນ​ພ້ອມ​ນຳ ກັນ​ກ່ຽວ​ກັບ​ວິທີ​ການ​
ໃໝ່​ເພື່ອ​ຍຸຕິຄວາມ​ຮຸນ​ແຮງ​ໃນ​ຊີ​ເຣຍ.

XS
SM
MD
LG