ລິ້ງ ສຳຫລັບເຂົ້າຫາ

ພວກນັກວິເຄາະ ກ່າວວ່າ ກຳປູເຈຍ ຈະເສຍຫາຍ ຍ້ອນເຂົ້າຂ້າງ ຈີນ


ນາຍົກລັດຖະມົນຕີຈີນ ທ່ານ Li Keqiang (ຊ້າຍ) ລົມກັບ ລັດຖະມົນຕີ ການຕ່າງປະເທດ Wang Yi (ກາງ) ໃນຂະນະ
ທີ່ທ່ານແລະນາຍົກລັດຖະມົນຕີກຳປູເຈຍ ທ່ານ Hun Sen (ຂວາ) ເຂົ້າຮ່ວມກອງປະຊຸມສຸດຍອດ ເອເຊຍ-ຢູໂຣບ ທີ່ນະຄອນຫຼວງ Ulaanbaatar ປະເທດ Mongolia. (15 ກໍລະກົດ 2016)

ນາຍົກລັດຖະມົນຕີຈີນ ທ່ານ Li Keqiang (ຊ້າຍ) ລົມກັບ ລັດຖະມົນຕີ ການຕ່າງປະເທດ Wang Yi (ກາງ) ໃນຂະນະ ທີ່ທ່ານແລະນາຍົກລັດຖະມົນຕີກຳປູເຈຍ ທ່ານ Hun Sen (ຂວາ) ເຂົ້າຮ່ວມກອງປະຊຸມສຸດຍອດ ເອເຊຍ-ຢູໂຣບ ທີ່ນະຄອນຫຼວງ Ulaanbaatar ປະເທດ Mongolia. (15 ກໍລະກົດ 2016)

ການ​ເຄື່ອນ​ໄຫວ​ດ້ານ​ການ​ທູດ​ຂອງ​ກຳປູ​ເຈຍ ​ອາດ​ໄດ້​ປະສົບ​ກັບ​ຄວາມ​ສຳ​ເລັດ​ໃ​ນການ​ເຮັດ​ໃຫ້​ຖະ​ແຫຼງການ​ຮ່ວມ​ຂອງ​ສະມາຄົມ​ອາ​ຊ່ຽນມີ​ປະສິດທິ​ຜົນ​ໜ້ອຍ​ລົງ ທີ່ແນ​ໃສ່​ເພື່ອ​ແກ້​ໄຂ​ບັນຫາ​ການ​ອ້າງ​ກຳມະສິດ​ ທາງ​ທະ​ເລ​ຂອງ​ຈີນ ​ແຕ່​ພວກ​ນັກວິເຄາະ ​ກ່າວວ່າ ມັນ​ເປັນ​ໄຊຊະນະ​ພຽງ​ແຕ່​ຊື່ ​ທີ່ຫວ່າງ​ເປົ່າ​ທາງ​ກາງ ຊຶ່ງ​ເຮັດ​ໃຫ້​ສະມາຊິກ 10 ປະ​ເທດ ບໍ່​ລົງ​ລອຍ​ກັນ.

ພວກ​ເຂົາ​ເຈົ້າກ່າວ​ວ່າ ການ​ປະຕິ​ເສດ​ຂອງ​ກຳປູ​ເຈຍທີ່​ຈະ​ໃຫ້ການ​ສະໜັບສະໜຸນຕໍ່​ວິທີ​ການ​ຫຼາຍຝ່າຍ ທີ່​ແນໃສ່​ເພື່ອ​ແກ້​ໄຂ​ບັນຫາ​ຂັດ​ແຍ້​ງ​ ໃນ​ທະ​ເລ​ຈີນ​ໃຕ້ ຍັງ​ໄດ້ສ້າງ​ຄວາມ​ເສຍ​ຫາຍ​ໃຫ້​ແກ່ນ້ຳສຽງ​ທາງ​ດ້ານ​ການ​ເມືອງ​ ຂອງ​ສະມາຄົມ​ບັນດາ​ປະຊາ​ຊາດ​ໃນ​ເຂດ ​ເອເຊຍ​ຕາ​ເວັນອອກສຽງ​ໃຕ້​ຫຼືອາ​ຊ່ຽນ ​ແລະ​ເຖິງ​ເວລາ​ແລ້ວ​ທີ່​ຈະຕ້ອງ​ທົບ​ທວນຄືນ​ໃໝ່.

​ເມື່ອທ່ານ​ເບິ່ງ​ໄປ​ຍັງ​ສະມາຄົມ​ອາຊ໋ຽນຢ່າງ​ຈິງ​ຈັງ​ແລ້ວ​ໃນ​ຖານະ​ທີ່​ເປັນ​ອົງການນຶ່ງມັນ​ມີ​ຄວາມ​ບົ່ມ​ຊ້ອນ​ທີ່​ຈະ​ເປັນ​ອຳນາດລະດັບ​ພູມີພາກ ຖ້າ​ຫາກ​ບໍ່​ແມ່ນ​ລະດັບ​ໂລກ ນັ້ນຄື​ຄຳ​ເວົ້າຂອງ​ນັກວິຊາການ​ໄຕ້​ຫວັນ​ແລະ​ນັກວິ​ເຄາະ​ອິດສະຫລະທ່ານ Bill Chia-Lung Tai.​

ໜ່ວຍກອງກຽດຕິຍົດ ກອງທັບເຮືອປະຊາຊົນຈີນ ທີ່ກອງບັນຊາການ ຢູ່ນອກປັກກິ່ງ

ໜ່ວຍກອງກຽດຕິຍົດ ກອງທັບເຮືອປະຊາຊົນຈີນ ທີ່ກອງບັນຊາການ ຢູ່ນອກປັກກິ່ງ

ແຕ່​ແນວ​ໃດ​ກໍ​ຕາມ ບັນຫາ​ຂັດ​ແຍ້​ງນີ້ ​ໄດ້​ກໍ່​ໃຫ້​ເກີດ ​ໃນ​ທັດສະນະ ​ຂອງ​ຂ້າພະ​ເຈົ້າ​ແລ້ວ ຄວາມ​ບໍ່ພໍ​ໃຈ​ເປັນ​ຈຳນວນ​ຫຼວງຫຼາຍ ຊຶ່ງ​ບາງທີ​ອາດ​ຍັງ​ບໍ່​ທັນ​ໄດ້​ປາກົດ​ໂຕ​ໃຫ້​ເຫັນ​ເທື່ອ ​ແຕ່​ມັນ​ຈະ​ສະ​ແດງ​ໃຫ້​ເຫັນ​ໃນ​ເວລາ​ໃດ​ເວລາ​ນຶ່ງ.

ຄວາມ​ບໍ່ພໍ​ໃຈ​ດັ່ງກ່າວ ​ໄດ້​ມີ​ຂຶ້ນກອງ​ປະຊຸມ​ປະຈຳ​ປີ​ຂອງ​ອາ​ຊ່ຽນ​ໃນ​ອາທິດ​ນີ້ຢູ່ ສປປ ລາວ ບ່ອນ​ທີ່​ກຳປູ​ເຈຍ​ບໍ່​ຍອມ​ຟັງ​ບັນດາ​ປະ​ເທດ​ເພື່ອນ​ບ້ານ​ແລະ​ໃຫ້ການ​ສະໜັບສະໜຸນ​ຂອງ​ຕົນ ​ເພື່ອ​ເຮັດ​ໃຫ້​ຖະ​ແຫຼງການ​ຮ່ວມ​ຂອງ​ອາ​ຊ່ຽນ​ມີ​ນ້ຳໜັກ ຫລຸດ​ໜ້ອຍ​ລົງ ກ່ຽວ​ກັບ​ບັນຫາ​ຂັດ​ແຍ້​ງຢູ່​ທະ​ເລ​ຈີນ​ໃຕ້.

ທ່ານ Hun Sen ນາຍົກລັດຖະມົນຕີກຳປູເຈຍ

ທ່ານ Hun Sen ນາຍົກລັດຖະມົນຕີກຳປູເຈຍ

​ຖະ​ແຫຼງການ​ດັ່ງກ່າວ​ບໍ່​ສາມ​າດ​ເອີ່ຍ​ຊື່​ຈີນ ທີ່​ເສຍໄຊ​ໃນ​ການ​ຕັດສິນ​ຂອງ​ສານ​ນາໆ​ຊາດ ເມື່ອ​ວັນ​ທີ 12 ກໍລະກົດ ທີ່​ຜ່ານ​ມາ ​ຢູ່​ນະຄອນ Hague ທີ່​ກ່າວ​ວ່າ ບໍ່​ມີ​ພື້ນຖານ​ທາງກົດ ໝາຍ​ໃດໆ​ທີ່​ຈີນ​ ຈະ​ອ້າງ​ເອົາ​ສິດທິ​ທາງ​ປະຫວັດສາດ ຢູ່​ຂົງ​ເຂດ​ທີ່​ອຸດົມສົມບູນ​ໄປ​ດ້ວຍ​ຊັບພະຍາກອນ​ທາງ​ທະ​ເລຢູ່​ໃນ​ເຂດອ້າງ​ເອົາ​ກຳມະສິດ​ຂອງ​ຕົນ​ທີ່ເອີ້ນວ່າ ​nine-dash line ນັ້ນ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG