ລິ້ງ ສຳຫລັບເຂົ້າຫາ

ຊາວອາເມຣິກັນ ທີ່ຖືກປ່ອຍ ຈາກອີຣ່ານ ພົບພໍ້ ກັບຄອບຄົວ


ອະດີດນັກໂທດ ອີຣ່ານ ທ່ານ Jason Rezaian, ຊ້າຍ, ຢູ່ກັບ ຄອບຄົວຂອງທ່ານ ຫລັງຈາກຖືກປ່ອຍໂຕ.

ອະດີດນັກໂທດ ອີຣ່ານ ທ່ານ Jason Rezaian, ຊ້າຍ, ຢູ່ກັບ ຄອບຄົວຂອງທ່ານ ຫລັງຈາກຖືກປ່ອຍໂຕ.

ຫລັງ​ຈາກຖືກ​ປ່ອຍ​ໂຕ​ຈາກອີຣ່ານ ອັນ​ເປັ​ນພາກສ່ວນນຶ່ງ​ໃນ​
ການແລກປ່ຽນ​ນັກ​ໂທດ​ແລ້ວຊາວ​ອາ​ເມຣິກັນ​ທີ່​ຖືກ​ປ່ອຍກໍໄດ້
​ພົບ​ພໍ້​ກັບ​ຄອບຄົວ​ໃນ​ວັນ​ຈັນ​ວານ​ນີ້ ແລະ​ບັນດາ​ຜູ້​ສະໜັບສະ
ໜູນ ທີ່​ໄດ້​ໃຊ້​ເວລາ​ຫລາຍ​ເດືອນ​ແລະ​ຫລາຍປີຕິດ​ຕາມ ຄະດີ
ຂອງ​ພວກ​ເຂົາ​ເຈົ້າ ຈາກ​ໄລຍະ​ຫ່າງ​ໄກ ​ແລະໄດ້​ຮຽກຮ້ອງ​ໃຫ້
​ປ່ອຍ​ໂຕພວກເຂົາ​ເຈົ້າ.

ນັກ​ຂ່າວ Washington Post ທ່ານ Jason Rezaian ​ໄດ້​
ພົບ​ປະ​ກັບ​ພວກ ບັນນາທິການ​ອະວຸ​ໂສ ຈາກ​ໜັງສືພິມ ຢູ່ທີ່​
ໂຮງໝໍ​ເຢຍຣະ​ມັນບ່ອນ​ທີ່​ທ່ານ​ກຳລັງ​ປິ່ນປົວ​ກ່ອນ​ກັບ​ຄືນ​ມາ
ສະຫະລັດ. ທ່ານ Rezaian ກ່າວ​ວ່າ ທ່ານມີຂອບ​ເຂດ ຈຳ
ກັດ​ໃນ​ການຕິດ​ຕໍ່​ກັບຜູ້​ຄົນ ​ລະຫວ່າງທີ່​ຢູ່​ໃນ​ຄຸກ​ເປັນ​ເວລາ 18 ​ເດືອນ ຮວມ ທັງ​ 49 ມື້​ ທີ່​
ຖືກ​ຂັງດ່ຽວ.

ທ່ານ​ກ່າວ​ວ່າ “ຂ້າພະ​ເຈົ້າຢາກ​ໃຫ້​ຄົນຮູ້ວ່າ ​ໃນ​ດ້ານ​ຮ່າງກາຍ​ແລ້ວ ຂ້າພະ​ເຈົ້າ ມີ​ຄວາມ
ຮູ້ສຶກທີ່​ດີ ຂ້າພະ​ເຈົ້າຮູ້​ວ່່າ ຄົນຢາກ​ໄດ້ຍິນ​ຈາກ​ຂ້າພະ​ເຈົ້າ ​ແຕ່​ຂ້າ​ພະ​ເຈົ້າ​ຢາ​ກດຳ​ເນີນ
ການໃຊ້​ເວລາຊົ່ວ​ໄລຍະ​ນຶ່ງ​ກ່ຽວ​ກັບເລື້ອງນີ້.”

ສະມາຊິກສະພາຕໍ່າ ທ່ານ Dan Kildee ແຫ່ງລັດ Michigan ພົບປະກັບ ອະດີດນັກໂທດອີຣ່ານ ທ່ານ Amir Hekmati, ທີ່ສອງຈາກຂວາມື.

ສະມາຊິກສະພາຕໍ່າ ທ່ານ Dan Kildee ແຫ່ງລັດ Michigan ພົບປະກັບ ອະດີດນັກໂທດອີຣ່ານ ທ່ານ Amir Hekmati, ທີ່ສອງຈາກຂວາມື.

ທ່ານ Rezaian ​ໄດ້​ຖືກ​ພົບ​ເຫັນ​ວ່າ​ມີ​ຄວາມ​ຜິດ​ ​ໃນ​ຂໍ້ຫາ​ຈາລະ​ກຳ ທີ່​ທັງ​ໜັງສືພິມ
Washington Post ​ແລະ​ລັດຖະບານສະຫະລັດ ຮ້ອງ​ວ່າ ​ເປັນ​ເລື້ອງທີ່ໜ້າ​ຢາກຫົວ.

ທ່ານ​ກ່າວ​ວ່າ ບໍ່​ເທົ່າ​ໃດ​ຊົ່ວ​ໂມງ​ສຸດ​ທ້າ​ຍ ທີ່ຢູ່່ພາຍ​ໃຕ້ການ​ຄຸມ​ຂັງຂອງ​ອີ​ຣ່ານນັ້ນ ​ແມ່ນ​
ເປັນ​ເວລາ​ທີ່​ມີ​ຄວາມກະວົນ​ກະ​ວາຍ​ທີ່​ສຸດ ​ໂດຍຮ້ອງ​ການອອກ​ເດີນທາງ​ຂອງ​ທ່ານຈາ
​ກອີຣ່ານ ​ແລະ​ການ​ມອບ​ໂຕ​ໃຫ້​ບັນດາ​ເຈົ້າ​ໜ້າ​ທີ່​ສະ​ວິດ ວ່າ “ຕື່ນ ​ເຕັ້ນ ​ແລະບໍ່​ມີ​ຄວາມ​
ແນ່ນອນຈົນ​ຮອດ​ນາ​ທີ​ສຸດ​ທ້າຍ” ​ແລະຢ້ານ​ກົວ​ວ່າ​ຈະ​ເກີດ​ມີ​ບັນ​ຫາ​ທີ່​ບໍ່​ຄາດ​ຄິດ​ຂຶ້ນ.

ພາບບັນທຶກຂອງທ່ານ Saeed Abedini ຊາວອີຣ່ານ ທີ່ປ່ຽນມານັບຖື ສາສາະໜາຄຣິສ.

ພາບບັນທຶກຂອງທ່ານ Saeed Abedini ຊາວອີຣ່ານ ທີ່ປ່ຽນມານັບຖື ສາສາະໜາຄຣິສ.

XS
SM
MD
LG